Gənclər...Nazirliyinin 2 faizlik ipoteka ideyası illərdir ortalıqda sürünür

Tarix: 23.06.2014 / 05:13
Bölmə: İqtisadiyyat

Bu gün gənc ailələri narahat edən məsələlərdən biri də onların mənzilə olan ehtiyacının nə cür təmin olunacağı ilə bağlıdır.
Məsələ ondadır ki, evsizlik üzündən gənclərin bir qismi ya evlənə bilmir, ya da gec evlənir. Təxmini hesablamalara görə, Azərbaycanda 700 minə yaxın ailənin evi yoxdur. Belə ailələr ya qohumlarının yanında, ya da kirayədə yaşayır. Bu sahədə özünü göstərən problemlərdən biri də gənc ailələrin sosial ipoteka kreditindən faydalana bilməməsidir. Faktiki olaraq bir çoxlarının kreditə əli çatmır.
Məlumat üçün qeyd edək ki, 2006-cı ildən başlanan ipoteka kreditləşməsi nəticəsində bu günə qədər 3 min nəfərdən artıq adam güzəştli ipoteka krediti alıb. Bu da çox kiçik rəqəmdir. Məsələ ondadır ki, Azərbaycanda hər il evsizlər ordusuna təxminən 20 min yeni qurulmuş ailə qoşulur. Evlərin bahalaşdığı bir dövrdə 50 min manat sosial ipoteka krediti mənzil almaq üçün yetərli sayılmır. Ona görə də sosial ipotekanın məbləği artırılmalıdır. Bununla yanaşı, ipoteka krediti götürən vətəndaş 8-10 min manat məbləğində ilkin ödəniş etməlidir ki, bu da aztəminatlı ailələr üçün çətinlik yaradır. Ən nəhayət, hələ 2011-ci ildə Gənclər və İdman Nazirliyi sosial ipoteka kreditlərinin verilməsi şərtlərinin tezliklə dəyişdirilməsi təklifi ilə çıxış etmişdi. Bu məsələ "Azərbaycan gəncliyi 2011-2015-ci illərdə" Dövlət Proqramına daxil edilmişdi. Həmin təkliflərə görə, dövlət vəsaiti hesabına maliyyələşdirilən sosial ipoteka kreditləri üzrə faiz dərəcəsi illik 4 faizdən 2 faizədək endirilməli idi. Nazirlik faizlərin endirilməsi ilə yanaşı, ipoteka alarkən ilkin ödəmənin ləğvini, kreditin maksimum məbləğinin artırılması təklifini də irəli sürmüşdü. Ancaq hələ də bu məsələ öz həllini tapmayıb. Maraqlıdır, sosial ipoteka kreditləri üzrə faiz dərəcəsi illik 4 faizdən 2 faizədək endirilsə, bu, mənzilə ehtiyacı olanların neçə faizinin problemini həll edə bilər?
Sözügedən məsələni dəyərləndirən millət vəkili, iqtisadçı Əli Məsimli hesab edir ki, hökumət ipoteka sistemində, xüsusən də sosial ipoteka sahəsində dəyişikliklər etmək istəyir: "Həmin dəyişikliklər daha çox yığım və faiz dərəcələri sahəsində gözlənir. Yəni ev almaq istəyən vətəndaş bir müddət maliyyə yığımı etdikdən sonra ipoteka ilə öz arzusunu reallaşdırmaq imkanı olacaq. Hazırda hökumətdə sosial ipoteka şərtlərinin sadələşdirilməsində ilkin ödənişlə bağlı variantlar da nəzərdən keçirilir. Ancaq bu sahədə hələlik konkret qərar yoxdur. Hesab edirəm ki, ödəniş problemini yumşaltmaqdan ötrü xüsusi fond və Tikinti-Əmanət Bankı yaradılması daha məqsədəuyğun olar. Yaxşı olardı ki, adi ipoteka üzrə faiz dərəcəsi 8 faizdən 4-5 faizə, sosial ipoteka üzrə isə 4 faizdən 2 faizə endirilsin. İlkin ödəniş sahəsindəki problemi yumşaltmaqdan ötrü əlavə tədbirlər görülsün və ipoteka kreditlərinin verilməsi təkcə Bakı ilə məhdudlaşmasın, rayonlarda yaşayanlar da ipotekadan istifadə edə bilsin. O zaman bir çox gənc ailələr mənzil problemini həll etmiş olacaq".

DİGƏR XƏBƏRLƏR

Tarix: 10.07.2026 / 20:55

Rusiyada dərin yanacaq qıtlığının Azərbaycana təsirləri gündəmdə...

Tarix: 10.07.2026 / 17:50

Əli Əsədovun rəhbərliyi ilə İqtisadi Şuranın iclası keçirildi - FOTO

Tarix: 10.07.2026 / 15:52

Beyləqan şəhərində fermerlər üçün aqrar sığorta ilə bağlı maarifləndirici təlim keçirilib

Tarix: 10.07.2026 / 14:47

Rusiya alimindən Ermənistan iqtisadiyyatı barədə inanılmaz rəylər - böhran olmayacaq...

Tarix: 10.07.2026 / 13:56

Azərbaycanın xarici dövlət borcu azaldı - 4 milyard 616,8 milyon...

Tarix: 10.07.2026 / 11:58

Rusiya Azərbaycan üzərindən Ermənistana propan və gübrə göndərəcək...

Tarix: 10.07.2026 / 09:17

Azərbaycan və Rusiya Samur çayının bölüşdürülməsini müzakirə edib

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...