Azərbaycanın "Yaşıl kart" sisteminə qoşulması gecikir

Tarix: 23.06.2014 / 02:12
Bölmə: İqtisadiyyat

Uzun müddətdir Azərbaycanda xüsusi diqqət mərkəzində olan məsələlərdən biri də ölkənin "Yaşıl kart" sisteminə qoşulması ilə bağlıdır. Lakin hadisələrin inkişaf axarı bu sahə üzrə müəyyən gecikmələrin olduğunu üzə çıxarır. Bunu İcbari Sığorta Bürosunun (İSB) sədri Elxan Quliyev də təsdiq edir. Onun sözlərinə görə, qanunvericiliyə dəyişikliklərin tələb olunması Azərbaycanın "Yaşıl kart" sisteminə qoşulmasını gecikdirə bilər.
Halbuki, ölkəmizin bu sistemə qoşulması 2015-ci ilin 1 yanvar tarixindən nəzərdə tutulurdu: "Ola bilsin, biz bu vaxtadək çatdıra bilmədik".
"Yaşıl kart" sisteminin Bürolar Şurasının tələblərindən biri qanunvericiliyin dəyişdirilməsidir. Hazırda "İcbari sığortalar haqqında" Qanuna dəyişikliklər şəklində müvafiq dəyişikliklər hazırlanaraq Prezident Administrasiyasına verilib. Elxan Quliyev bununla bağlı qeyd edib: "Qanuna dəyişiklik sentyabr ayına qədər Milli Məclisdə qəbul olunsa, bəlkə bizim də vaxtımız qalar".Elxan Quliyev əlavə edib ki, Bürolar Şurasının tələblərindən biri də Avropa bankından 5 milyon avroluq zəmanət məktubunun verilməsidir: "Bu vəsaitin yığılması və bank zəmanətinin verilməsi üçün hüquqi baza lazımdır. Ona görə bu işə qanun qəbul olunduqdan sonra davam olunacaq. Bu məbləği iştirakçı sığorta şirkətləri birgə ödəyəcək". Qeyd edək ki, İcbari Sığorta Bürosu "Yaşıl kart" nəqliyyat vasitələrinin sahiblərinin vətəndaş məsuliyyəti sığortası beynəlxalq sisteminə qoşulmaq istəyənlər üçün əsas tələbləri müəyyənləşdirib. Hələlik bu tələblər üçün tam hüquqi-normativ baza formalaşdırılmayıb, lakin artıq məlumdur ki, sistemə qoşulmaq istəyən sığorta şirkəti büronun iştirakçısı olmalı və avtonəqliyyat vasitələri sahiblərinin mülki məsuliyyətinin icbari sığortası ilə məşğul olmaq hüququna malik olmalıdır. Bundan əlavə, büronun sistem üzrə öhdəlikləri üçün bu sistemə qoşulan digər sığorta şirkətləri ilə birgə məsuliyyət daşımalı, büronun sistemə üzvlüyü ilə əlaqədar ortalığa çıxan xərclərin maliyyələşdirilməsi və zəruri təminatların və ehtiyatların formalaşdırılmasında iştirak etməlidir.
Bu sahədə əcnəbi təcrübənin öyrənilməsi üçün isə İcbari Sığorta Bürosunun nümayəndələri vaxtaşırı müxtəlif ölkələrdə səfərlərdə olub. Məsələn, onlar Belarus və Ukraynanın avtonəqliyyat sığortası bürolarının dəvəti ilə müvafiq olaraq Minsk və Kiyev şəhərlərinə səfər edib. Səfər "Yaşıl kart" sisteminin üzvü olan Belarus və Ukrayna büroları ilə yüksək səviyyəli işgüzar əlaqələr qurmaq, həmin büroların iş təcrübəsi, "Yaşıl kart" sistemində fəaliyyəti ilə tanış olmaq baxımıdan əhəmiyyətli olub, eləcə də digər ölkələrə səfərlər zamanı avtonəqliyyat vasitələri sahiblərinin mülki məsuliyyətinin icbari sığortası işinin təşkili, "Yaşıl kart" sisteminin tətbiqi, öz iş praktikaları və digər maraqlı mövzularda təcrübələr əldə olunub. Beləliklə, bütün bunlar ölkəmizdə də artıq "Yaşıl kart" sisteminin tətbiq olunacağını deməyə əsas verir. Məlumat üçün bildirək ki, Maliyyə Nazirliyi tərəfindən ölkənin bu sistemə qoşulması üçün hüquqi bazanın yaradılması məqsədilə hazırlanmış "İcbari sığorta növləri haqqında" Qanuna dəyişikliklərin edilməsi haqqında qanun layihəsi hökumətə təqdim olunub. Bu dəyişikliklər qəbul edildikdən sonra İcbari Sığorta Bürosunun nizamnaməsində müvafiq düzəlişlərin edilməsi planlaşdırılır.
Bundan başqa, "Yaşıl kart" sisteminin işinin təmin edilməsi üçün çoxsaylı digər sənədlər də qəul ediləcək. Bu sənədlər "Yaşıl kart" blankının formasına, sığorta şirkətlərinin tətbiq edəcəyi tariflərə, sığorta şirkətlərinin statusuna, zərərlərin tənzimlənməsi qaydalarına, məcburi ehtiyatların həcminə və sair məsələlərə aid olacaq. Qeyd edək ki, "Yaşıl kart" sistemi 1951-ci ildən fəaliyyət göstərir. Bu sistem avtonəqliyyat vasitəsi sahiblərinin mülki məsuliyyətinin sığortasının başqa ölkələrdə də tanınmasını təmin edir. Sistemin işinin məqsədi xarici avtomobillərin iştirakı ilə baş verən yol-nəqliyyat hadisələrində zərərçəkənlərin iddialarının tənzimlənməsidir.
Bu sistemə əsasən, "Yaşıl kart" haqqında sazişin iştirakçıları olan dövlətlərin hər hansı biri tərəfindən verilmiş avtonəqliyyat vasitəsi sahiblərinin mülki məsuliyyətinin sığorta şəhadətnaməsi həmin sazişin iştirakçısı olan digər dövlətlərin ərazisində etibarlı sayılır. Hazırda "Yaşıl kart" sisteminə 46 ölkə - Rusiya, Avropanın bütün ölkələri, İsrail, Mərakeş, Tunis və İran daxildir.

DİGƏR XƏBƏRLƏR

Tarix: 10.07.2026 / 20:55

Rusiyada dərin yanacaq qıtlığının Azərbaycana təsirləri gündəmdə...

Tarix: 10.07.2026 / 17:50

Əli Əsədovun rəhbərliyi ilə İqtisadi Şuranın iclası keçirildi - FOTO

Tarix: 10.07.2026 / 15:52

Beyləqan şəhərində fermerlər üçün aqrar sığorta ilə bağlı maarifləndirici təlim keçirilib

Tarix: 10.07.2026 / 14:47

Rusiya alimindən Ermənistan iqtisadiyyatı barədə inanılmaz rəylər - böhran olmayacaq...

Tarix: 10.07.2026 / 13:56

Azərbaycanın xarici dövlət borcu azaldı - 4 milyard 616,8 milyon...

Tarix: 10.07.2026 / 11:58

Rusiya Azərbaycan üzərindən Ermənistana propan və gübrə göndərəcək...

Tarix: 10.07.2026 / 09:17

Azərbaycan və Rusiya Samur çayının bölüşdürülməsini müzakirə edib

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...