Sığorta şirkətlərimiz batır

Tarix: 19.06.2014 / 05:23
Bölmə: İqtisadiyyat

Məlumat verildiyi kimi, cari ilin yanvar-may ayları ərzində Azərbaycana xaricdən 30 576 ədəd avtomobil idxal edilib. Ötən ilə nisbətən, idxal edilən avtomobillərin sayında 9 135 ədəd və ya 23 faiz azalma var. Nəqliyyat vasitələrinin ixracında dəyər ifadəsində daha çox azalma var. Nəqliyyat vasitələri və onların hissələrinin idxalı son bir ildə 2,25 dəfə azalıb. 2013-cü ilin ilk 5 ayında 706,35 milyon dollarlıq idxal həyata keçirildiyi halda, bu ilin ilk 5 ayında idxalın dəyəri 313,9 milyon dollara enib.
Belə vəziyyət isə, banklarla yanaşı, sığorta şirkətlərinə də getdikcə daha çox təsir göstərir. Məsələnin maraq doğuran tərəflərindən biri isə odur ki, bütün bunlar sığorta şirkətlərinin dəymiş zərərə görə ödənişlərinin artması fonunda baş verir. Xüsusən də kasko sığorta sahəsində ödənişlər xeyli artıb. Məlumatlara görə, kasko sığorta üzrə zərər görünməmiş həddə çatıb. 2014-cü ilin 5 ayının nəticələrinə görə, kasko sığorta üzrə ödənişlər 11 milyon manatı keçib ki, bu da yığılan sığorta haqlarının 80%-nə yaxındır. Qeyd edək ki, kasko sığortası üzrə zərər son illər onsuz da yüksəlməkdə idi. 2011-ci ildə bu göstərici 35%, 2012-də 40%, 2013-cü ildə isə 49%-ə çatmışdı. Amma zərərin 80%-ə çatması hamı üçün gözlənilməz olub. Bazardakı tendensiya davam etsə, şirkətlər ilin nəticələrinə görə kasko sığorta üzrə topladıqlarından daha çox vəsait ödəməli olacaqlar. Ekspertlər bunun əsas səbəbini avtomobil kreditlərinin məhdudlaşdırılması və satışların kəskin azalması ilə izah edir. Vəziyyətdən çıxış yolu isə yeni satış üsullarının tapılması və qiymətlərin artması ola bilər. "AtaSığorta" şirkəti İdarə Heyətinin sədr müavini Orxan Məmmədov "fins" portalına açıqlamasında qeyd edir ki, kasko sığorta üzrə zərərin artması, yığımların azalması ilə yanaşı, həm də ödənişlərin artımı ilə bağlıdır: "Əvvəllər bir çox müştərilər xırda hadisələr baş verəndə heç sığorta şirkətinə müraciət etmirdilər, bəzilərinin sığorta heç yadına da düşmürdü. İndi vəziyyət dəyişib, insanlar artıq daha məlumatlıdırlar ki, kasko sığorta nədir, hadisə baş verdikdə sığorta ödənişi tələb etmək lazımdır. Bu bir tərəfdən yaxşı hal olsa da, digər tərəfdən ödənişlərin artmasına səbəb olur. Nəticədə, belə vəziyyət davam etdikcə, şirkətlərin zərəri getdikcə artacaq".
O.Məmmədovun fikrincə, vəziyyətdən çıxmaq üçün sığorta şirkətləri bəzi tədbirlər görməlidir: "Agentlərə ödənilən komisyon mükafatlar aşağı salınmalıdır, sığorta dələduzluğu hallarının araşdırılması gücləndirlməlidir. Yeri gəlmişkən, sığorta dələduzluğu da şirkətlərə müəyyən dərəcədə zərər vurur. Bundan başqa, qəzalarla bağlı təbliğat aparılması gücləndirilməlidir ki, hadisələrin sayı azalsın. Bunun üçün cərimələri artırmaq olar, yol infrasturktrunun vəziyyətinin yaxşılaşdırılması və polisin nəzarətinin gücləndirilməsi müsbət təsir göstərərdi. Bəzən hadisələrin DYP tərəfindən rəsmiləşdirilməsində problem yaranır, bu da şirkətlərə zərər vurur". Beləliklə, avtomobil kreditlərinin verilməsinə qoyulan məhdudiyyətlər sığorta sektoruna ciddi təsir göstərməyə başlayıb. Ekspertlər də bildirir ki, avtomobil kreditlərinə qoyulmuş məhdudiyyətlər ümumilikdə sığorta sektorunda maşın sığortası üzrə yığılmış sığorta haqlarının azalmasına səbəb olub. Araşdırmalara görə, avtomobil kreditlərinin dayandırılması yığımlarda azalmaya səbəb olmaqla yanaşı, həm də sığorta sektoruna ciddi bir siqnaldır. Hesab olunur ki, sığorta şirkətləri portfelin sığorta növləri və satış kanalları üzrə diversifikasiya edilməsinə diqqəti artırmalıdır.
İndilikdə isə hesab edilir ki, kreditləşmə artmazsa, birmənalı şəkildə sığorta müqavilələrinin artması da müşahidə edilməyəcək. Mütəxəssislərə görə, belə vəziyyətin aradan qaldırılması üçün Mərkəzi Bank mövcud ilkin nəticələri nəzərə almaqla bankların kredit qoyuluşundakı sərtliyin yumşaldılmasına nail olmalıdır. Bütövlükdə banklar mərkəzləşdirilmiş kredit resurslarının həcmini artırmalıdır. Bütün bunlar vətəndaşlara ucuz faizlərlə kredit götürmək imkanı verir. Məhz belə şəraitdə həm avtomobil satışı arta, həm də sığorta gəlirləri çoxala bilər. Lakin indiki şərtlər daxilində bu prosesin yaxın tezlikdə baş verəcəyi də inandırıcı sayılmır.

DİGƏR XƏBƏRLƏR

Tarix: 10.07.2026 / 20:55

Rusiyada dərin yanacaq qıtlığının Azərbaycana təsirləri gündəmdə...

Tarix: 10.07.2026 / 17:50

Əli Əsədovun rəhbərliyi ilə İqtisadi Şuranın iclası keçirildi - FOTO

Tarix: 10.07.2026 / 15:52

Beyləqan şəhərində fermerlər üçün aqrar sığorta ilə bağlı maarifləndirici təlim keçirilib

Tarix: 10.07.2026 / 14:47

Rusiya alimindən Ermənistan iqtisadiyyatı barədə inanılmaz rəylər - böhran olmayacaq...

Tarix: 10.07.2026 / 13:56

Azərbaycanın xarici dövlət borcu azaldı - 4 milyard 616,8 milyon...

Tarix: 10.07.2026 / 11:58

Rusiya Azərbaycan üzərindən Ermənistana propan və gübrə göndərəcək...

Tarix: 10.07.2026 / 09:17

Azərbaycan və Rusiya Samur çayının bölüşdürülməsini müzakirə edib

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...