Çörək sexlərinin ƏDV-dən azad olunması yenidən aktuallaşdı

Tarix: 13.06.2014 / 05:15
Bölmə: İqtisadiyyat

Son günlərdə unun qiymət artımı ilə bağlı yayılan məlumatlar əhali tərəfindən də ciddi narahatlıqla qarşılanır. Bu özünü əsas etibarı ilə idxal olunan unla bağlı qabarıq formada büruzə verir. Hesab edilir ki, unun bahalaşması davam edərsə, bu, tezliklə özünü çörəyin və digər un məhsullarının da qiymətində büruzə verəcək. Hələlik isə topdansatış mərkəzlərində unun bahalaşması halları müşahidə olunur.
Ölkədə un istehsalı və idxalı ilə məşğul olan aparıcı şirkətlər bildiriblər ki, əlli kiloluq kisənin qiyməti 30 qəpik artıb. Bahalaşmanın əsas səbəbi isə dünya bazarında unun və buğdanın qiymətinin artmasıdır. Gözlənir ki, dünya bazarlarında unun bahalaşması davam edərsə, bu hal Azərbaycanda özünü daha qabarıq formada büruzə verəcək. Yaranmış vəziyyətdə bahalaşma həddinin daha yüksək rəqəmlə ifadə olunması da gözlənir. Artıq bəzi istehsalçılara görə, unun bahalaşması çörəyin qiymətinə də təsir edəcək.
Xatırladaq ki, çörəyin istehsal edilməsi və bazara çıxarılması sahibkarlar tərəfindən həyata keçirildiyi üçün dövlət qurumları çörəyin, eləcə də unun qiymətinə praktiki olaraq müdaxilə etmir. Bu da çörəyin qiymətində artım ehtimalını yüksəldir. O da faktdır ki, unun qiyməti artarkən çörəyin qiymətinə də təsir göstərməlidir. Unun qiymət artımının qarşısını ala biləcək əsas addım isə daxili istehsal həcmini artırmaq ola bilər. Ekspertlər hesab edir ki, yerli istehsal hesabına un və çörək istehsalı artarsa, vəziyyət dəyişə bilər. Bu zaman idxal məhsulları qiymətin artmasına təsir edə bilməz. Qeyd edək ki, əslində ölkə əhalisinin ərzaq təhlükəsizliyinin təminatında əsas strateji sahə olan taxılçılığın inkişafı daim diqqət mərkəzindədir. Mütəxəssislər isə hesab edirlər ki, taxılın vegetasiya dövründə düzgün aqrotexniki tələbləri yerinə yetirməklə yüksək məhsuldarlığa nail olmaq olar. Lakin bu sahədə ölkədə hələ də müəyyən problemlər müşahidə olunur. Digər tərəfdən, təkliflər səslənir ki, xaricdən gələn məhsullar üçün vahid qiymətin müəyyən edilməsinə də ciddi ehtiyac var. Hesab olunur ki, bəzi strateji məhsulların, məsələn, taxıl məhsullarının qiymətini öncədən müəyyənləşdirmək mümkündür.
Unun bahalşamsının yaxın tezlikdə özünü daha qabarıq göstərəcəyi gözlənir. Hazırda un anbarlarında və çörək sexlərində əvvəllər alınmış undan istifadə olunur. Buna görə də indi unun qiymət artımının satılan çörəklərin qiymətinə təsiri yoxdur. Lakin anbarlarda və çörəkbişirmə sexlərində saxlanan unlar qurtardıqdan sonra daha bahalı undan istifadə edilməklə çörək bişiriləcək. Ona görə də çörəyin qiymətində yaxın zamanlarda artımlar olacaq. Çünki unun qiymətinin artması birmənalı olaraq çörəyin bişirilmə xərclərini artıracaq. Ona görə də çörəyin qiymətinin qalxması gözlənir.
İqtisadçılar bildirir ki, unun bahalaşması çörək istehsalı ilə məşğul olan xırda və orta sahibkarların fəaliyyətinə mənfi təsir edəcək. Çünki əsasən iri çörək zavodları dəyirmanların da daxil olduğu iri şirkətlərə məxsusdur. Bu isə bahalaşmanın onlara təsir etməyəcəyini deməyə əsas verir. Bahalaşma kiçik zavodlarda müşahidə olunacaq. Belə getsə, kiçik istehsalçılar tədricən bazarı tərk etməli olacaq.
Lakin hökumət çörək sexlərini əlavə dəyər vergisindən (ƏDV) azad etmək məsələsini reallaşdırarsa, vəziyyət dəyişə bilər. Ekspertlər hesab edir ki, çörək sexlərinin ƏDV-dən azad edilməsi indiki vəziyyətdə ən populyar addım ola bilər. Çünki bu imtiyaz çörək sexlərinin xərclərə xeyli qənaət etməsinə imkan yaradar. Amma bu addımın qiymətlərin sabit qalmasına gətirəcəyini söyləmək çətindir. Son illərin təcrübəsindən görünür ki, vergilərdən bu cür azadetmələr bəzən gözlənilən nəticəni vermir.
Lakin indiki halda çörək sexlərinin ƏDV-dən azad edilməsinin, ən azından, qiymətlərin daha sürətlə bahalaşmasına imkan verməyəcəyi də şübhə doğurmur. Buna rəğmən, qiymətin qalxması prosesinin psixoloji tərəfləri olduğunu deyən ekspertlərə görə, hər hansı bir məhsulun qiyməti qalxanda mütləq digər qiymətlərin də artmasına zəmin yaranır. Bu mənada unun qiymətinin qalxmasını çörəyə təsir göstərməsi qaçılmaz sayılır. Həmçinin, unun gətirilmə, xaricdən alınma xərcləri var və bu, çörəyin maya dəyərinin artmasına təsir edir.

DİGƏR XƏBƏRLƏR

Tarix: 10.07.2026 / 20:55

Rusiyada dərin yanacaq qıtlığının Azərbaycana təsirləri gündəmdə...

Tarix: 10.07.2026 / 17:50

Əli Əsədovun rəhbərliyi ilə İqtisadi Şuranın iclası keçirildi - FOTO

Tarix: 10.07.2026 / 15:52

Beyləqan şəhərində fermerlər üçün aqrar sığorta ilə bağlı maarifləndirici təlim keçirilib

Tarix: 10.07.2026 / 14:47

Rusiya alimindən Ermənistan iqtisadiyyatı barədə inanılmaz rəylər - böhran olmayacaq...

Tarix: 10.07.2026 / 13:56

Azərbaycanın xarici dövlət borcu azaldı - 4 milyard 616,8 milyon...

Tarix: 10.07.2026 / 11:58

Rusiya Azərbaycan üzərindən Ermənistana propan və gübrə göndərəcək...

Tarix: 10.07.2026 / 09:17

Azərbaycan və Rusiya Samur çayının bölüşdürülməsini müzakirə edib

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...