Aqrar bankdan hələ də xəbər yoxdur

Tarix: 13.06.2014 / 02:21
Bölmə: İqtisadiyyat

Bilindiyi kimi, bu gün kənd təsərrüfatı sahəsində özünü göstərən əsas problemlərdən biri də kreditlərlə bağlıdır. Fermerlər yenə də maliyyə ehtiyaclarını qarşılamaq üçün banklardan istədiyi həcmdə vəsaiti ala bilmir. Belə vəziyyət hökuməti də ciddi narahat edir.
Artıq məlumdur ki, Kənd Təsərrüfatı Nazirliyi regionlarda fermerlərə verilən aqrar kreditlərin şərtlərinin yüngülləşdirilməsi ilə bağlı təkliflər planı hazırlayır. Yeni təkliflərə əsasən, regionlarda fermerlərə aqrar kredit veriləndə girov da rayonlarda tələb ediləcək. Bu vaxta kimi regionlarda fermerlərə aqrar kredit veriləndə girov Bakıdan qoyulurdu. Yeni təkliflər planında ən prioritet məsələ elə budur ki, fermerlərə kredit verilən zaman girov onun yaşadığı rayondan tələb olunsun. Lakin təkliflərin nə vaxt reallaşacağı hələ dəqiq məlum deyil. Hələlik isə real mənzərə ondan ibarətdir ki, fermerlər yenə kredit sarıdan müəyyən çətinliklər yaşayır. Onlar kredit faizlərinin yüksək olmasından da narazılıq ifadə edir.
Hazırda Azərbaycan bankları problemli kreditlərdən ehtiyatlanaraq, girovla bağlı tələblərini sərtləşdirməkdə davam edir ki, bu da ölkə fermerlərini daha çətin duruma salır. Banklar, yuxarıda qeyd olunduğu kimi, girov üçün Bakı şəhərində əmlak tələb etdiyinə görə Azərbaycan fermerlərinin böyük hissəsi ölkədə verilən güzəştli kreditlərdən faydalana bilmir. Vəziyyətə son qoymaq üçün ayrıca aqrar bankın yaradılması da vacib sayılır. Lakin bu məsələ dəfələrlə gündəmə gətirilsə də, hələlik hökumət bu istiqamətdə müvafiq addımlar atmağa tələsmir. Halbuki, hələ ötən il
Mərkəzi Bankın sədri Elman Rüstəmov da bildirmişdi ki, Azərbaycanda ixtisaslaşdırılmış aqrar bankın yaradılması məsələsinə baxılır. Lakin qeyd edildiyi kimi, hələ də bu bankdan əsər-əlamət yoxdur. Ekspertlər isə qeyd edir ki, ölkə əhalisinin 40 faizə yaxını kənd təsərrüfatı sahəsində çalışır. Bu səbəbdən də aqrar bankın yaradılması zərurətdir. Hazırda Azərbaycanda kənd təsərrüfatına bank xidmətlərini, əsasən, universal fəaliyyətə malik yerli kommersiya bankları göstərir. Lakin onların faiz dərəcələri yüksəkdir. Bu isə ayrıca aqrar bankın yaradılmasını zərutətə çevririr. Digər tərəfdən, araşdırmalar göstərir ki, ölkə üzrə kredit qoyuluşunun təqribən 5 faizi kənd təsərrüfatı sahəsinə aiddir. Ona görə də kənd təsərrüfatı sektorunu maliyyələşdirəcək ayrıca bir qurumun, bankın yaradılması əslində məqbul hal sayılır. Bundan başqa, sığorta sisiteminin yoxluğu da vəziyyətə mənfi təsir edir. Sirr deyil ki, sığorta sisteminin işləməməsi səbəbindən banklar da aqrar sahəyə kredit ayırmaqda maraqlı deyil. Yaranmış vəziyyətdə isə bu gün fermerlərin kredit resurslarına çox böyük ehtiyacı var ki, həm özləri gəlir götürsünlər, həm də bazarda bolluq yaransın. Bütün dünyada kənd təsərrüfatının kreditləşməsində sığorta böyük rol oynayır. Azərbaycanda da kənd təsərrüfatı məhsullarının sığortalanması sistemi var, amma bu çox məhduddur. Belə vəziyyət fermer üçün tam əlverişli deyil. Belə vəziyyət müvafiq rəsmi dairələri də narahat edir. Elə bu səbəbdəndir ki, vəziyyətdən çıxış yolu kimi, bu sahədə fərqli bir siyasət həyata keçirilməsinə qərar verilib. Maliyyə Nazirliyi yanında Dövlət Sığorta Nəzarəti Xidmətinin rəisi Namiq Xəlilov bu xüsusda bildirir ki, Azərbaycanda kənd təsərrüfatının sığortalanması məcburi xarakter daşımayacaq. Onun sözlərinə görə, aqrar sığortada qeyri-müəyyənlik həddindən çox olduğu və baş verə biləcək hadisələri proqnozlaşdırmaq çətin olduğu üçün sığorta şirkətləri fermerlərlə işləməyə elə də maraq göstərmir. Vəziyyətdən çıxış yolu aqrar sığortaya dair ümumi fondun yaradılması ola bilər ki, hazırda bu məsələ müzakirə obyektidir: "Yəni sığorta şirkətləri agent kimi işləsinlər, dəyən ziyanın ödənilməsini isə həmin fond həyata keçirsin".
Ekspertlərə görə, vəziyyətdən çıxış yollarından biri də Təminat Fondunun yaradılmasıdır. Hesab olunur ki, bunu da ya dövlət, ya özəl şirkət, yaxud da hər ikisi birlikdə şərikli olaraq yarada bilər. Təminat Fondu banklara, hansısa problem olacağı təqdirdə, risqləri minimuma endirəcəyi barədə təminat verir. Yəni təminat fondunun yaradılması gələcəkdə bankların çəkinmədən kənd təsərrüfatı sektorunu kreditləşdirməsinə imkan verir. Lakin bütün bunların nə zaman reallaşacağı hələ dəqiq məlum deyil.

DİGƏR XƏBƏRLƏR

Tarix: 10.07.2026 / 20:55

Rusiyada dərin yanacaq qıtlığının Azərbaycana təsirləri gündəmdə...

Tarix: 10.07.2026 / 17:50

Əli Əsədovun rəhbərliyi ilə İqtisadi Şuranın iclası keçirildi - FOTO

Tarix: 10.07.2026 / 15:52

Beyləqan şəhərində fermerlər üçün aqrar sığorta ilə bağlı maarifləndirici təlim keçirilib

Tarix: 10.07.2026 / 14:47

Rusiya alimindən Ermənistan iqtisadiyyatı barədə inanılmaz rəylər - böhran olmayacaq...

Tarix: 10.07.2026 / 13:56

Azərbaycanın xarici dövlət borcu azaldı - 4 milyard 616,8 milyon...

Tarix: 10.07.2026 / 11:58

Rusiya Azərbaycan üzərindən Ermənistana propan və gübrə göndərəcək...

Tarix: 10.07.2026 / 09:17

Azərbaycan və Rusiya Samur çayının bölüşdürülməsini müzakirə edib

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...