Azərbaycanda problemli kreditlər problemini dərinləşdirən yeni proses başlayıb

Tarix: 12.06.2014 / 02:47
Bölmə: İqtisadiyyat

Son vaxtlar istirahət mövsümünün başlanması ilə banklardan səyahət krediti götürmək istəyən müştərilərin sayı artıb. Bankların özləri də kreditin bu növünü fəal şəkildə reklam etməyə başlayıb.
Maraqlı məqamlardan biri ondan ibarətdir ki, mövsümi xarakter daşıyan bu kredit növünü banklar əksər hallarda vətəndaşlara birbaşa deyil, səyahət şirkətlərinin köməkliyilə təklif edir. Məhz turizm şirkətləri onlara üz tutan müştərilərə tərəfdaş bankların səyahət krediti paketini təklif edir. Ancaq səyahət kreditinin özünəməxsus xüsusiyyəti xüsusilə vaxtı keçmiş kreditlərin məbləğinin artdığı bir şəraitdə sual yaradır. Çünki istirahət məqsədilə alınan kredit sırf istehlak yönümlüdür. Yəni biznes kreditlərindən fərqli olaraq bu pullar mənfəət gətirmir. Sadəcə, istirahət məqsədilə xərclənir. Digər tərəfdən, sözügedən kreditin faizləri də yüksəkdir. Bu rəqəm 18-32 faiz arasında dəyişir. Bütün bunlar isə, nəticə etibarilə, gəlirini düzgün hesablamayan müştəri üçün borcun qaytarılmasında problem yarada bilər. Zatən ölkədə vaxtı keçmiş kreditlərin çəkisi artmaqdadır.
O baxımdan, ekspertlər səyahət kreditlərinin yarada biləcəyi risqləri necə dəyərləndirir?
Sözügedən məsələ ilə bağlı fikirlərini "Bakı-Xəbər"lə bölüşən iqtisadçı-ekspert Rəşad Həsənovun sözlərinə görə, son dövrlərdə səyahət kreditləri daha çox yayılmaqdadır: "Ancaq təxminən on il əvvəl Azərbaycanda kimsə səyahət krediti haqqında düşünməzdi. Lakin əhalinin gəlirlərində stabilliyin yaranması və 2005-ci ildən sonrakı dövrdə ölkəyə daxil olan vəsaitlərin həcmində kütləvi artım tempi insanların istehlak çeşidlərinə təsir etdi. Müxtəlif formalarda bu vəsaitlərin yenidən bölgüsü vətəndaşın sosial davranışlarında təzahür etdi. Artıq insanlar səyahət etmək, səmərəli istirahət günləri, xarici ölkələrdə tətil kimi müasir tələbatın iştirakçısına çevrilməkdədir. Təbii ki, bu tendensiyadan bankların da istifadə etməsi gözlənilən idi. Çünki ölkədaxili turizm sektorunun inkişafı istiqamətində biznesin maraqları səyahət kreditlərinin təşəkkül tapmasını şərtləndirirdi. Beləliklə, son illər ərzində istehlakın bu növü üzrə kreditləşmənin tempi artdı. Bu kreditlərin yüksək faizlərlə təklif edilməsi daha çox bankların maliyyə-kredit siyasətindən və risqlilik dərəcəsindən doğur. Ona görə ki, ölkədə ümumiyyətlə kredit faizləri, xüsusilə də istehlak kreditlərinin faizləri yüksəkdir. Təbii ki, digər kredit növlərinə tətbiq olunan girov tələbi, gəlirləri təsdiq edən sənədlər bu sahədə də mövcuddur və bu istiqamətdə risqlər də digər kredit istiqamətlərində olduğu qədər zəmanətlidir. Nəzərə alsaq ki, ölkədə problemli kreditlərin həcmi təhlükəli həddə çatıb, o zaman düşünməyə dəyər. Çünki problemli kreditlərin artmasında səyahət kreditlərinin də rolu var. Başqa sözlə, kreditin bu növü istehlak kreditlərinin həcmini artırmaqla yanaşı, problemli kreditlərin yaranmasında da rol oynayır. Səyahət kreditləri daha çox xidmət sektorunun xərc predmetinə çevrilir və nəticə olaraq, sadəcə, gözəl xatirələrdən başqa nəsə maddi dəyər ifadə etmir. Vətəndaşın maliyyə problemi yarandığı təqdirdə nağdlaşdıra biləcəyi məhsul yoxdur. Demək olar ki, istehlakın bu növü üzrə kreditlər daha risqlidir".

DİGƏR XƏBƏRLƏR

Tarix: 31.10.2026 / 11:23

Qubadlıda ilk su elektrik stansiyası tikilir...

Tarix: 30.10.2026 / 18:36

Azərbaycan illərdi Transxəzər qaz kəmərindən danışır - Aşqabad indi hərəkətə keçir...

Tarix: 30.10.2026 / 17:04

Azərbaycanda əhali dollarını satır

Tarix: 30.10.2026 / 12:14

Azərbaycanla Gürcüstan arasında yeni sərhəd-keçid məntəqəsi yaradılır...

Tarix: 29.10.2026 / 13:45

"Sahibkar olmayan şəxsin kartına hər gün 5 dəfə pul daxil olması normal deyil" - Mərkəzi Bankın sədri

Tarix: 29.10.2026 / 13:07

“Bank Melli İran” Azərbaycandan gedir? - Mərkəzi Bankdan açıqlama...

Tarix: 29.10.2026 / 11:49

Azərbaycanın strateji valyuta ehtiyatları 89,4 milyard dollara çatdı...

Tarix: 29.10.2026 / 10:43

Mərkəzi Bank illik inflyasiya ilə bağlı proqnozunu açıqladı...

Tarix: 29.10.2026 / 10:04

Mərkəzi Bank uçot dərəcəsini sabit saxladı...

Tarix: 28.10.2026 / 18:30

Tramp "Şimal axını" qaz kəmərini Rusiyadan satın ala bilər...

Tarix: 28.10.2026 / 18:22

İpoteka kreditlərinin verilməsi qaydalarına dəyişiklik edildi

Tarix: 28.10.2026 / 16:15

Ətin qiymətinə görə Ermənistandan da geridəyik - hesabatı kim yayıb?

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Turizm regionlarımızın inkişaf mənbələrindən birinə çevrilir...