Təbii fəlakətlərdən qorxu keçirən Azərbaycan fermerlərinə çarə tapılır

Tarix: 12.06.2014 / 02:32
Bölmə: İqtisadiyyat

Maliyyə Nazirliyi yanında Dövlət Sığorta Nəzarəti Xidmətinin rəisi Namiq Xəlilov mətbuata açıqlamasında Azərbaycanda kənd təsərrüfatının sığortalanması ilə bağlı yeni qanun layihəsinin müvafiq dövlət qurumlarında müzakirə olunduğunu bildirib.
Onun sözlərinə görə, əsas müzakirə mövzusu aqrar sahədə sığortanın yeni mexanizmləri ilə bağlıdır: "Bu bizim üçün yeni mexanizmlərdir, lakin beynəlxalq səviyyədə tətbiq olunur. Amma bizdə bu sahədə sığortanın aparılması mexanizmləri bir az başqa formada təklif olunur".
Qurum rəhbəri əlavə edib ki, aqrar sahədə həddindən artıq qeyri-müəyyənlik olduğu üçün və baş verə biləcək hadisələri proqnozlaşdırmağın çətinliyindən sığorta şirkətləri fermerlərlə işləməyə elə də maraq göstərmir: "Məhz buna görə də aqrar sığortaya dair xüsusi fondun yaradılması təklif olunur".
Hazırda bu məsələnin də müzakirə olunduğunu deyən N.Xəlilov qeyd edib ki, bu halda sığorta şirkətləri agent kimi işləyir, dəyən ziyanın ödənilməsi isə həmin fond tərəfindən həyata keçirilir. Xidmət rəisi onu da əlavə edib ki, Azərbaycanda kənd təsərrüfatının sığortalanması məcburi xarakter daşımayacaq.
Maraqlıdır, ekspertlər kənd təsərrüfatının bu növ sığortalanmasından nə gözləyir? Ümumiyyətlə, onların buna münasibəti necədir?
Məsələyə münasibət bildirən kənd təsərrüfatı üzrə mütəxəssis Vahid Məhərrəmovun sözlərinə görə, dünyada kənd təsərrüfatının sığortalanmasının əsasən 2 növü var: "Biri Avropa, digəri isə ABŞ modelidir. Sözügedən modellər fərqlidir. Türkiyədə Avropa modelinə üstünlük verilir. Ümumiyyətlə, nəzərə almaq lazımdır ki, Azərbaycanın spesifik xüsusiyyətləri var. Türkiyəyə bu sahə ilə bağlı bizim nümayəndələr gedərək onların təcrübəsini öyrənmişdilər. Türkiyə təcrübəsini Azərbaycanda qısa bir müddətdə tətbiq etmək ciddi çətinliklər yaradacaq. Ona görə ki, Azərbaycanın yerli xüsusiyyətlərinin nəzərə alınmaması qanunların normal işləməsinə maneçilik yaradır. Problem ondadır ki, hansısa təbii fəlakət üzündən zərər dəyirsə, o zaman yerli fermerlər daha çox öz maraqlarına uyğun hərəkət edirlər. Ancaq Almaniyada elədir ki, vəziyyət necədirsə, o cür də təqdim olunur. Hansısa spekulyasiyaya yol verilmir. Ona görə də təklif etmişik ki, subsidiyalar verilərkən yaradılacaq sığorta fondu nəzərə alınsın. Yəni verilən maliyyə vəsaiti həmin fondda cəmləşsin. Beləcə, fond üçün manevr imkanları yaransın. Düşünürəm ki, sözügedən məsələdə bizi bir sıra çətinliklər gözləyir. Qanunda hər iki tərəf üçün öhdəliklər tam aydın müəyyən olunmalıdır. Yəni həm sığortalayan, həm də sığorta edən tərəf öz öhdəliklərini bilməlidir. Əsasən də kənd təsərrüfatının spesifik sahə olduğu nəzərə alınmalıdır. Xüsusən də Ekologiya və Təbii Sərvətlər Nazirliyi gözlənilən təbii fəlakətlərlə bağlı vaxtlı-vaxtında fermerləri məlumatlandırmalıdır. Bir sıra tədbirlər var ki, onlar əvvəlcədən görülməlidir. Məsələn, doluya qarşı görülən tədbirlər bu qəbildəndir".

DİGƏR XƏBƏRLƏR

Tarix: 31.10.2026 / 11:23

Qubadlıda ilk su elektrik stansiyası tikilir...

Tarix: 30.10.2026 / 18:36

Azərbaycan illərdi Transxəzər qaz kəmərindən danışır - Aşqabad indi hərəkətə keçir...

Tarix: 30.10.2026 / 17:04

Azərbaycanda əhali dollarını satır

Tarix: 30.10.2026 / 12:14

Azərbaycanla Gürcüstan arasında yeni sərhəd-keçid məntəqəsi yaradılır...

Tarix: 29.10.2026 / 13:45

"Sahibkar olmayan şəxsin kartına hər gün 5 dəfə pul daxil olması normal deyil" - Mərkəzi Bankın sədri

Tarix: 29.10.2026 / 13:07

“Bank Melli İran” Azərbaycandan gedir? - Mərkəzi Bankdan açıqlama...

Tarix: 29.10.2026 / 11:49

Azərbaycanın strateji valyuta ehtiyatları 89,4 milyard dollara çatdı...

Tarix: 29.10.2026 / 10:43

Mərkəzi Bank illik inflyasiya ilə bağlı proqnozunu açıqladı...

Tarix: 29.10.2026 / 10:04

Mərkəzi Bank uçot dərəcəsini sabit saxladı...

Tarix: 28.10.2026 / 18:30

Tramp "Şimal axını" qaz kəmərini Rusiyadan satın ala bilər...

Tarix: 28.10.2026 / 18:22

İpoteka kreditlərinin verilməsi qaydalarına dəyişiklik edildi

Tarix: 28.10.2026 / 16:15

Ətin qiymətinə görə Ermənistandan da geridəyik - hesabatı kim yayıb?

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Turizm regionlarımızın inkişaf mənbələrindən birinə çevrilir...