Qızıl Azərbaycanı daha çox zərərə sala bilər

Tarix: 12.06.2014 / 02:31
Bölmə: İqtisadiyyat

Dünya iqtisadiyyatında qeyri-müəyyənliklərin davam etməsi qızılın qiymətində özünü getdikcə daha qabarıq formada büruzə verir. Hesab edilir ki, bu gedişlə qızılın qiyməti 1000 dollardan da aşağı düşəcək. Bu isə bir çox ölkələrin, o cümlədən Azərbaycanın qızılla toplanan valyuta ehtiyatları baxımından zərər görməsi deməkdir. Çünki ehtiyat kimi alınan qızılın bir unsiyasının qiyməti baha qiymətlə tədarük olunub.
Məhz belə bir vaxtda məşhur "Societe Generale" bankının strateqləri qeyd edir ki, qiymətli metalın indiki dinamikası gələcək enişi üçün potensial yaradır.
Bankda hesab edirlər ki, texniki baxımdan risqlərin balansı, cari və keçən ilin nəticələri qızıl üçün müsbət heç nə vəd etmir. O da vurğulanır ki, qızıl çoxillik aşağı trend çərçivəsində bir unsiya üzrə 1000 dollardan aşağı olan səviyyəyə tərəf hərəkət edəcək. Bundan başqa, dünya iqtisadiyyatında baş verənlər də qiymətlərə təsirsiz ötüşmür. ABŞ iqtisadiyyatındakı inkişaf, eləcə də Çin iqtisadiyyatında pisləşmə əlamətləri ilə qızıl yenidən enişə keçib. "Forex" bazarlarında isə qızılın bu enişi bir alış fürsəti olaraq qiymətləndirilir. "Marbaş FX" tərəfindən hazırlanan "Qızılın Qiymətləri Hesabatı"na əsasən, bir müddətdir qızılın qiymətləri müsbət istiqamətdə təsir edə biləcək xəbərlərə reaksiya vermir. Qızılın unsiyasının 1335 dollardan 1240 dollara olan enişinin böyük ölçüdə bir fond satışından qaynaqlana biləcəyi irəli sürülür. Mütəxəssislər qızılın təkrar yüksələ bilməsi üçün geriyə qalan tək faktorun Ukrayna - Rusiya gərginliyinin daha da artması, döyüş təhlükəsinin ortaya çıxması olduğunu deyir.
Qızılın qiymətində müşahidə edilən son 10 illik dəyişikliklərə nəzər salındıqda görünür ki, sarı metal indiki kimi heç vaxt ucuzlaşmayıb. 2002-ci ilin dekabr ayından 2011-ci ilin sonuna kimi qızılın qiyməti 5 dəfədən çox artıb. Qiymət artımı ən çox 2009-cu ildə qeydə alınıb və 51,9% təşkil edib. Belə ki, 2008-ci ilin dekabr ayının ilk günlərində qramı 25,6 dollardan satılan qızıl bir il sonra 38,5 dollara satılıb. Qeyd edək ki, 2011-ci ilin sentyabr ayında qızılın bir unsiyası 1921 dollar 15 sentlə tarixi maksimuma çatıb. Ancaq 2012-ci ilin əvvəlindən başlayaraq qızılın qiyməti aşağı düşüb və nəticədə ötən dövr ərzində qızıl xeyli ucuzlaşıb. Bu isə artıq qızıl ehtiyatını 30 tona çatdıran Azərbaycana da təsirsiz ötüşmür. Çünki müvafiq rezervlər kifayət qədər baha qiymətə alınıb və ucuzlaşma buna birbaşa təsirini göstərir. Xatırladaq ki, 2008-ci ildə baş verən qlobal maliyyə böhranı zamanı Neft Fondu qızılın alınmasına başlamışdı. Çünki o zaman ekspertlər güman edirdilər ki, ucuzlaşan qızıla böhrandan sonra tələbat artacaq. Demək olar ki, həmin ərəfədə proqnozlar özünü doğrultdu, böhrandan sonra qızılın qiyməti 50 faiz bahalaşdı. Lakin son iki il yarımda ucuzlaşma qeydə alınır. Qızılın qiymətinin ucuzlaşmasına təsir edən digər amil isə bu qiymətli metala zinət əşyası kimi marağın azalmasıdır.
Eyni problemi böyük qızıl ehtiyatına malik ölkələr də yaşayır. Xatırladaq ki, dünyanın ən çox qızıl ehtiyatına sahib olan ölkəsi ABŞ hesab olunur. Dünya Qızıl Birliyinin açıqladığı son məlumata görə, ABŞ-ın qızıl ehtiyatlarının həcmi 8 min 133 tona bərabərdir. ABŞ-dan sonra dünyada qızıl ehtiyatına ən çox sahib olan ölkə Almaniya hesab olunur. Almaniyanın əlində 3 min 391 ton qızıl ehtiyatı var. Ehtiyatlarının həcminə görə 3-cü sırada olan İtaliyanın 2 min 451 ton qızılı var. 2 min 435,4 ton qızıl ehtiyatına sahib olan Fransa da qızılın ucuzlaşmasından zərərə düşür. Dünyanın ən çox qızıl ehtiyatına sahib olan ölkələrinin ilk onluğunu Çin, İsveçrə, Rusiya və Yaponiya tamamlayır. Sadalanan bu ölkələrlə müqayisədə Azərbaycanın qızıl ehtiyatlarının həcmi olduqca azdır. Neft Fondu tərəfindən alınan qızılın miqdarı cəmi 30 tona bərabərdir. Qızılın qiymətindəki ucuzlaşma isə istənilən halda Azərbaycan üçün itki deməkdir.
Ucuzlaşma qızıl bazarlarında da hiss olunur. Ekspertlər bildirir ki, ucuzlaşma Türkiyədən və digər ölkələrdən tam qızıldan hazırlanmış zinət əşyaları gətirən idxalçılar üçün daha təhlükəlidir. Onlar qızılı gətirdikdən sonra qısa müddətdə satmaq məcburiyyətindədirlər. Çünki əks halda bundan zərər edirlər.

DİGƏR XƏBƏRLƏR

Tarix: 10.07.2026 / 20:55

Rusiyada dərin yanacaq qıtlığının Azərbaycana təsirləri gündəmdə...

Tarix: 10.07.2026 / 17:50

Əli Əsədovun rəhbərliyi ilə İqtisadi Şuranın iclası keçirildi - FOTO

Tarix: 10.07.2026 / 15:52

Beyləqan şəhərində fermerlər üçün aqrar sığorta ilə bağlı maarifləndirici təlim keçirilib

Tarix: 10.07.2026 / 14:47

Rusiya alimindən Ermənistan iqtisadiyyatı barədə inanılmaz rəylər - böhran olmayacaq...

Tarix: 10.07.2026 / 13:56

Azərbaycanın xarici dövlət borcu azaldı - 4 milyard 616,8 milyon...

Tarix: 10.07.2026 / 11:58

Rusiya Azərbaycan üzərindən Ermənistana propan və gübrə göndərəcək...

Tarix: 10.07.2026 / 09:17

Azərbaycan və Rusiya Samur çayının bölüşdürülməsini müzakirə edib

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...