Azərbaycana gətirilən benzinin keyfiyyəti ziddiyyətli rəylər doğurdu

Tarix: 11.06.2014 / 09:19
Bölmə: İqtisadiyyat

Benzinin qiyməti qalxdıqdan sonra "Aİ-95" markalı benzin də satışdan yığışdırıldı. İzahat da belə verildi ki, həmin markanı "Premium" adlı xaricdən gətirilən benzin növü əvəz edəcək. Yeni istehsal olunan avtomobillər bu benzin növündən daha çox istifadə etməyə başladı. "Premium"un keyfiyyətinin aşağı olması özünü dərhal büruzə verdi.
Artıq ən bahalı avtomobillərin sürücüləri belə bu markadan imtina etməyə məcbur olub. Yaranmış çıxılmaz vəziyyəti Standartlaşdırma, Metrologiya və Patent üzrə Dövlət Komitəsinin sədri Ramiz Həsənov da etiraf edib.
O xatırladıb ki, ölkəmizdə yalnız "Aİ-92" markalı benzin istehsal olunur: "Artıq ölkə KİV-ində də bununla bağlı gedən informasiyalarda ciddi narazılıqların olduğunu görürük. Məsələn, bildirirlər ki, "Premium" markalı benzin alırıq, amma çox çəkmədən avtomobilin mühərrikində problemlər yaranır. Təbii ki, problemlər olacaq. Çünki həmin avtomobil bu markaya uyğun gəlmir və başqa parametrlərə uyğun olduğu üçün digər markalı benzindən istifadə olunmalıdır".
Azərbaycana idxal olunan yanacağın isə təmiz və yüksək səviyyəli benzin olduğunu deyən R.Həsənov bəzi sürücülərin məntəqələrdə benzin doldurulan zaman aldanmasına və digər problemlərə də aydınlıq gətirib. Komitə sədri bununla bağlı bir neçə dəfə monitorinq keçirdiklərini, hələlik bununla bağlı problemlə qarşılaşmadıqlarını deyib: "Bəzi hallarda isə sürücülərin özləri avtomobillərini normadan da artıq benzinlə doldurulmasını tələb edir. Bu da sonda qeyd etdiyimiz problemlərin ortaya çıxmasına səbəb olur. Ancaq 10 litr əvəzinə 7 litr benzinin vurulması ilə bağlı məlumat almamışıq. Düzdür, bəzi benzin aparatlarında müəyyən problemlər yaranır və həmin məntəqənin rəhbərliyi dərhal bu barədə bizə müraciət edir. Mütəxəssislərimiz də həmin məntəqəyə gedərək problemi dərhal aradan qaldırır".
R.Həsənov deyib ki, Bakıda yanacaqdoldurma məntəqələrinin sayı çox olduğu üçün komitənin mütəxəssislərinin hər gün bu məntəqələrdə yoxlama aparması qeyri-mümkündür: "Buna görə də bu məntəqələrin rəhbərləri, qanunvericiliyə uyğun olaraq, hər gün yoxlama aparmalı və problem olduğu təqdirdə bizə məlumat verməlidir. Onlar da bizə mütəmadi məlumat vermədikləri üçün cərimələmək məcburiyyətində qalırıq".
Maraqlı vəziyyət yaranır, "Premium" avtomobillərin mühərrikini sıradan çıxarır, ölkədə istehsal edilən "Aİ-92" isə lazımi keyfiyyətə cavab vermir. Sürücülər nə etməlidir?
Ekspert Nüsrət Qasımov qəzetimizə açıqlamasında bildirdi ki, bu sahədə çıxılmaz vəziyyət yaranıb: "92,95 benzinin oktan ölçüsüdür. Bunların hamısı texnoloji üsullarla alınır. Hər bir oktanın da öz xüsusiyyətləri var. Məsələn, biz "Aİ-92" ilə işləyən avtomobilə "Aİ-98" markalı benzin töksək, təbii ki, avtomobildə ciddi fəsadlar yaranmış olacaq. "Premium" markalı benzinin "Aİ-95"i əvəz etməsinə də şərh vermək çətindir. Bu marka xaricdən gəlir. "Aİ-95"i isə biz ölkə daxilində alırdıq. Ola bilər ki, "Premium"un oktanı "Aİ-95"dən yüksəkdir ki, avtomobillərdə yaxşı işləmir. Yeni istehsal edilən avtomobillər benzinin keyfiyyətinə olduqca həssasdır. Hazırda yaranmış vəziyyətlə bağlı ən böyük əziyyəti istehlakçılar çəkir. Onların hüquqları tapdalanır. Biz həm pulumuzu verib benzin alırıq, həm də maşınımızı təmir etdirməklə əlavə xərcə düşürük. Hazırda elə bir müstəqil laboratoriya yoxdur ki, dövlətdən asılı olmayaraq bu prosesləri tənzimləsin. Bunu edə bilən yeganə qurum Standartlaşdırma, Metrologiya və Patent üzrə Dövlət Komitəsidir ki, onun da verdiyi açıqlama göz qabağındadır. Yeganə çıxış yolu benzinin keyfiyyət monitorinqini apara bilən müstəqil laboratoriyaların yaradılmasındadır".

DİGƏR XƏBƏRLƏR

Tarix: 10.07.2026 / 20:55

Rusiyada dərin yanacaq qıtlığının Azərbaycana təsirləri gündəmdə...

Tarix: 10.07.2026 / 17:50

Əli Əsədovun rəhbərliyi ilə İqtisadi Şuranın iclası keçirildi - FOTO

Tarix: 10.07.2026 / 15:52

Beyləqan şəhərində fermerlər üçün aqrar sığorta ilə bağlı maarifləndirici təlim keçirilib

Tarix: 10.07.2026 / 14:47

Rusiya alimindən Ermənistan iqtisadiyyatı barədə inanılmaz rəylər - böhran olmayacaq...

Tarix: 10.07.2026 / 13:56

Azərbaycanın xarici dövlət borcu azaldı - 4 milyard 616,8 milyon...

Tarix: 10.07.2026 / 11:58

Rusiya Azərbaycan üzərindən Ermənistana propan və gübrə göndərəcək...

Tarix: 10.07.2026 / 09:17

Azərbaycan və Rusiya Samur çayının bölüşdürülməsini müzakirə edib

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...