Avro təhlükəsi yenidən baş qaldırır

Tarix: 10.06.2014 / 03:35
Bölmə: İqtisadiyyat

Dünyanın ən işlək valyutalarından biri hesab olunan avro hazırda məzənnəsini möhkəmləndirməkdə davam edir. Lakin səslənən fikirlərə görə, siyasi proseslər üzündən avro yenidən tənəzzül mərhələsinə qədəm qoya bilər. Məsələ ilə bağlı "Reuters" agentliyinin təqdim etdiyi analizdə avro üçün uzunmüddətli perspektivdə ən böyük təhlükənin, iqtisadi çətinliklərdən daha çox, siyasi problemlər olduğu bildirilir.
Analizdə keçən ay Avropa Parlamenti seçkiləri ilə bağlı Avropa Birliyi əleyhinə nümayişlərin artması üzündən bir çox hökumət üçün bundan sonra "kəmər sıxma" siyasətini davam etdirməyin çətinləşəcəyi vurğulanır. Xatırladaq ki, "kəmər sıxma" siyasəti daha çox pensiya və müavinətlərin ixtisarını nəzərdə tutur ki, bu da əhali tərəfindən müsbət qarşılanmır. Analizdə Avropa Birliyi liderlərinin avro bölgəsinə etibarı artırmaq üçün əllərindən gələni etdiyi, ancaq qitənin ən böyük iqtisadiyyatına malik Almaniyanın çətinliklərin həlli üçün öz resurslarını sərf etməmək baxımından ciddi müqavimət göstərdiyi də qeyd edilir. O da vurğulanır ki, avro bölgəsində son dövrlər iqtisadi artım sürətlənib. İqtisadi artım sürətinin artması böyük böhranlardan yeni çıxmağa başlayan Yunanıstan, İtaliya və İspaniya kimi ölkələrin belə borclanma xərclərinin azalmasına səbəb olub. Ancaq avro bölgəsinə etibarı artırmaq üçün üzv dövlətlər arasında fikir ayrılığı avronun məzənnəsinə ciddi zərbə vura bilər. Bundan başqa, "kəmər sıxma" siyasətinə görə yenidən Avropada iğtişaşların baş qaldırması avronun məzənnəsini aşağı sala bilər.
Avronun ucuzlaşması digər ölkələrə, o cümlədən Azərbaycana da təsirsiz ötüşməyəcək. İndik vəziyyətdə avronun yenidən kəskin ucuzlaşması ölkəmiz üçün sərfəli sayılmır. Ekspertlərin fikrincə, avronun milli valyutamıza nisbətən dəyərdən düşməsi ilk növbədə xarici ticarət dövriyyəsinə təsir edir. Belə ki, avronun ucuzlaşması Avropa dövlətlərinə satılan məhsulların azalmasına gətirib çıxarmaqla yanaşı, həm də ixrac əməliyyatlarında əldə olunan real gəlirin həcmini azalda bilər. Neft gəlirlərinin bir hissəsinin məhz avroda saxlanması da ziyanın olacağından xəbər verir. Bu amilin Avropa Birliyi ilə artan ticarət dövriyyəsinə də mənfi təsiri proqnozlaşdırılır.
Ekspertlər hesab edir ki, dəyərdən düşəcəyi halda investorlar avrodan imtina etməyə başlayacaq. Bu da dünya bazarında dolların bahalaşmasına gətirib çıxaracaq. Xatırladaq ki, ölkəyə gətirilən mallar əsasən dollarla alınır. Ona görə avronun dəyər itirməsi malların qiymətinə ciddi təsir edəcək. Araşdırmalara görə, avronun məzənnəsinin aşağı düşməsi Azərbaycana Avropadan idxal edilən məhsulların həcminin artmasına gətirib çıxarmaq iqtidarındadır. Real vəziyyətdə kiçik sahibkarlar, avrozonadan məhsul və avtomobil idxal edən iş adamları üçün avronun qiymətinin düşməsi sərfəlidir. Çünki avro məzənnəsinin aşağı düşməsi xüsusən Almaniyadan və digər avrozona ölkələrindən Azərbaycana avtomobil gətirən iş adamlarının daha ucuz mal almasına səbəb olur. Bu da Azərbaycana gətirilən avtomobillərin qiymətinin aşağı düşməsinə gətirib çıxara bilər. Çünki avro ilə alınan məhsullar Azərbaycan bazarında dollar və ya manatla satılır. Onu da bildirək ki, avronun məzənnəsinin aşağı düşməsi digər ölkələrin avroya münasibəti baxımından da əhəmiyyətlidir. Hazırda nə ABŞ, nə Çin, nə də Yaponiya avronun məzənnəsinin aşağı düşməsində maraqlıdır. Çünki avronun məzənnəsinin aşağı düşməsi həmin ölkələrin avrozonaya ixrac imkanlarını xeyli məhdudlaşdırır.
Onu da qeyd edək ki, Azərbaycanın valyuta ehtiyatlarının təxminən 40 faizi avro ilə yerləşdirilir. Bu mənada avronun ucuzlaşması ölkəmizin valyuta ehtiyatının avroda saxlanan dəyərinin itirilməsinə gətirib çıxarır. Ekspertlər, digər təhlükə kimi, əhalinin və investorların öz pullarını tələsik manata çevirməsini görür. Adətən, böhran zamanı əhali xarici valyutada yerləşdirdiyi əmanətlərini banklardan çəkib manata çevirmək istəyir. Bu da avronun məzənnəsinin daha da ucuzlaşmasına, manatın isə möhkəmlənməsinə şərait yaradır. Beləliklə, manatın məzənnəsi bank sektoru üçün ciddi nəticələrə gətirib çıxara bilər.

DİGƏR XƏBƏRLƏR

Tarix: 31.10.2026 / 11:23

Qubadlıda ilk su elektrik stansiyası tikilir...

Tarix: 30.10.2026 / 18:36

Azərbaycan illərdi Transxəzər qaz kəmərindən danışır - Aşqabad indi hərəkətə keçir...

Tarix: 30.10.2026 / 17:04

Azərbaycanda əhali dollarını satır

Tarix: 30.10.2026 / 12:14

Azərbaycanla Gürcüstan arasında yeni sərhəd-keçid məntəqəsi yaradılır...

Tarix: 29.10.2026 / 13:45

"Sahibkar olmayan şəxsin kartına hər gün 5 dəfə pul daxil olması normal deyil" - Mərkəzi Bankın sədri

Tarix: 29.10.2026 / 13:07

“Bank Melli İran” Azərbaycandan gedir? - Mərkəzi Bankdan açıqlama...

Tarix: 29.10.2026 / 11:49

Azərbaycanın strateji valyuta ehtiyatları 89,4 milyard dollara çatdı...

Tarix: 29.10.2026 / 10:43

Mərkəzi Bank illik inflyasiya ilə bağlı proqnozunu açıqladı...

Tarix: 29.10.2026 / 10:04

Mərkəzi Bank uçot dərəcəsini sabit saxladı...

Tarix: 28.10.2026 / 18:30

Tramp "Şimal axını" qaz kəmərini Rusiyadan satın ala bilər...

Tarix: 28.10.2026 / 18:22

İpoteka kreditlərinin verilməsi qaydalarına dəyişiklik edildi

Tarix: 28.10.2026 / 16:15

Ətin qiymətinə görə Ermənistandan da geridəyik - hesabatı kim yayıb?

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Turizm regionlarımızın inkişaf mənbələrindən birinə çevrilir...