Mənzillərin bahalaşması sığorta şirkətlərini də vurdu

Tarix: 06.06.2014 / 05:29
Bölmə: İqtisadiyyat

Ölkədə mənzillərin bahalaşması sığorta bazarına da təsirsiz ötüşməyib. Araşdırmalar göstərir ki, mənzillərin qiymət artımı sığorta bazarında da bahalaşmaya yol açıb. Ekspertlər hesab edir ki, il ərzində bahalaşma prosesi davam edərsə, sığortaya görə daha çox vəsait ödəmək lazım gələcək.
Qeyd edək ki, son bir ildə paytaxtda mənzillərin qiyməti orta hesabla 32% artıb. Sığorta haqqı mənzillərin qiymətindən hesablandığına görə, sığortalanması da təqribən bu qədər bahalaşıb. Məlumat üçün bildirək ki, mənzil və evlərin sığorta haqqı əmlakın qiymətinin 0,2%-0,5%-i həcmində müəyyənləşdirilir. Sığorta haqqı mənzilin vəziyyəti, təhlükəsizliyi, yerləşdiyi ərazi və digər amillərdən asılıdır. "Azərbaycan Sənaye Sığorta" şirkətinin mütəxəssisi Əbil Paşayev "fins" portalına məsələ ilə bağlı bildirib ki, mənzillərin qiyməti bahalaşırsa, sığorta haqqı da artacaq: "Məsələn, 100 min manatlıq evin sığortasına görə müştəri 500 manat ödəməlidirsə, növbəti ildə bu mənzilin dəyəri 120 min manat olarsa, sığorta haqqı da müvafiq olaraq bu dəyərin 0,5%i həcmində müəyyən ediləcək- yəni 600 manat olacaq". Ekspertlər etiraf edir ki, mənzillərin qiyməti artdığına görə, sığorta haqqının da artması insanların sığortaya marağını azalda bilər. Amma buna baxmayaraq, sığorta haqqının aşağı salınmasından söhbət gedə bilməz. Çünki sığorta haqqı evin qiymətinə uyğun olmalıdır.
Mənzillər isə bu il ərzində xeyli bahalaşıb. Prosesin hələ bir müddət davam etməsi gözlənir. Hələ bir neçə ay əvvəl paytaxtın "Sovetski" adlanan ərazisində söküntülərə başlamaq qərarı veriləndə bu sahənin mütəxəssisləri tezliklə mənzillərin bahalaşacağını bildirirdilər. Ekspertlər bəyan edirdilər ki, 10 minə yaxın mənzilin kompensasiya qarşılığında sökülməsi satışda olan evlərin qiymətinə təsirsiz ötüşməyəcək. Son aylar paytaxtın mənzil bazarında aparılan monitorinqlər göstərir ki, həqiqətən də, mənzillərin qiymətində ciddi artımlar baş verir. Onu da bildirək ki, "Sovetski"dəki söküntülər hələ yeni başlayıb və kompensasiyalar əhaliyə tam paylanmayıb. Söküntünün intensivləşdiyi dövrlərdə bazarda tələb artacaq ki, bu da qiymətlərin daha çox artması ilə nəticələnəcək.
Ekspertlər hesab edir ki, son qiymət artımı həm də spekulyativ xarakter daşıyır. Ekspertlərin fikrincə, Bakının bir sıra ərazilərində kütləvi söküntülərdə əhaliyə 1 kvadrtametr yaşayış sahəsinə görə 1200-1500 manat həcmində kompensasiya verilir ki, bu da böyük məbləğ etmir. Çünki həmin ərazidə mənzillərin sahəsi kiçik olduğundan, alınan kompensasiyaların da həcmi az olur. Vətəndaşlar da əllərinə gələn vəsaitlə daha çox ucuz evlərə, torpaq sahələrinə maraq göstərir. Bu səbəbdən bahalaşma ilkin mənzil bazarında çox da hiss olunmur. Təkrar mənzil bazarında isə proseslər əksinə gedir. Burada mənzillər özəlləşdirilmiş olduğundan, ev sahibləri əmlakını bacardıqca baha qiymətə satmağa çalışır.Bütün bunlar da sığorta bazarına təsir göstərir. "ATA-sığorta" şirkətinin anderraytinq və təkrarsığorta departamentinin direktoru Nigar İbrahimova da mənzillər bahalaşdıqca sığorta haqqının artdığını bildirir: "Mənzilin qiyməti 50 min manatdırsa, sonra qiymət 60 minə qalxsa, sığorta hadisəsi zamanı şirkət bu qiymətə uyğun ödəniş etməlidir. Ona görə də sığorta haqqı faktiki qiymətə uyğun olmalıdır".
Sığorta haqqının mənzillərin dəyərinin 0,3%-i həcmində müəyyən edildiyini deyən ekspertin fikrincə, mənzilin qiyməti ilə birlikdə sığorta haqqının da artması müştərilər üçün əlavə problem yaratsa da, sığorta şirkəti sığorta haqqında güzəşt edə bilmir. Amma şirkət bəzi məsələlərdə müştəriyə güzəşt edə bilər: "Məsələn, müştəri sığorta haqqını birdəfəyə ödəyə bilmirsə, ona hissə ilə ödəmək imkanı yaradılır. Bundan başqa, bir neçə il şirkətdə sığorta müqaviləsi olan və tarixçəsi təmiz olan şəxslərə sığorta haqqında müəyyən güzəştlər edilməsi mümkündür".
Hazırda sığorta şirkətlərini narahat edən əsas məsələ mənzillərin qiymət artımıdır. Çünki yuxarıda qeyd olunduğu kimi, mənzillərin qiyməti artdığına görə sığorta haqqının da artması insanların sığortaya marağını azalda bilər. Bu da sığorta şirkətlərinin gəlirlərinin azalması deməkdir.

DİGƏR XƏBƏRLƏR

Tarix: 31.10.2026 / 11:23

Qubadlıda ilk su elektrik stansiyası tikilir...

Tarix: 30.10.2026 / 18:36

Azərbaycan illərdi Transxəzər qaz kəmərindən danışır - Aşqabad indi hərəkətə keçir...

Tarix: 30.10.2026 / 17:04

Azərbaycanda əhali dollarını satır

Tarix: 30.10.2026 / 12:14

Azərbaycanla Gürcüstan arasında yeni sərhəd-keçid məntəqəsi yaradılır...

Tarix: 29.10.2026 / 13:45

"Sahibkar olmayan şəxsin kartına hər gün 5 dəfə pul daxil olması normal deyil" - Mərkəzi Bankın sədri

Tarix: 29.10.2026 / 13:07

“Bank Melli İran” Azərbaycandan gedir? - Mərkəzi Bankdan açıqlama...

Tarix: 29.10.2026 / 11:49

Azərbaycanın strateji valyuta ehtiyatları 89,4 milyard dollara çatdı...

Tarix: 29.10.2026 / 10:43

Mərkəzi Bank illik inflyasiya ilə bağlı proqnozunu açıqladı...

Tarix: 29.10.2026 / 10:04

Mərkəzi Bank uçot dərəcəsini sabit saxladı...

Tarix: 28.10.2026 / 18:30

Tramp "Şimal axını" qaz kəmərini Rusiyadan satın ala bilər...

Tarix: 28.10.2026 / 18:22

İpoteka kreditlərinin verilməsi qaydalarına dəyişiklik edildi

Tarix: 28.10.2026 / 16:15

Ətin qiymətinə görə Ermənistandan da geridəyik - hesabatı kim yayıb?

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Turizm regionlarımızın inkişaf mənbələrindən birinə çevrilir...