Sığorta şirkətləri çökür

Tarix: 04.06.2014 / 01:58
Bölmə: İqtisadiyyat

Sığorta bazarında son vəziyyətin təhlili burada, belə demək mümkünsə, yeni bir tənəzzül başlandığını göstərir. Əsas səbəb isə, heç şübhəsiz, avtomobil satışında tətbiq edilən məlum məhdudiyyətlərdir. İcbari Sığorta Bürosunun açıqladığı məlumatlara əsasən, 2014-cü ilin may ayında 92 min 614 avtonəqliyyat vasitəsi icbari sığortaya cəlb olunub. Bunların 19 minə yaxınını xarici ölkədə qeydiyyata alınan və Azərbaycana tranzit məqsədilə daxil olan avtonəqliyyat vasitələri təşkil edib.
Göstərilən dövrdə bağlanmış icbari sığorta müqavilələri üzrə daxil olan sığorta haqlarının məbləği 6,5 milyon manatdan çox olub. Ötən ilin müvafiq dövrü ilə müqayisədə sığorta müqavilələrinin sayında 3,73%, sığorta haqlarının məbləğində 5,95% azalma müşahidə edilib. Qeyd edək ki, burada azalmanın bir səbəbi də yeni avtomobillərin texniki baxışdan azad edilməsi və bundan sui-istifadə edərək avtomobil sahiblərinin icbari sığortadan yayınmasıdır. Digər bir səbəb kreditlərin sərtləşdirilməsi ilə azalan avtomobil satışlarıdır. Bu ilin may ayı ərzində "Avtonəqliyyat vasitəsi sahiblərinin mülki məsuliyyətinin icbari sığortası" üzrə Büronun iştirakçıları olan sığorta şirkətləri tərəfindən 1454 sığorta tələbi üzrə 1 milyon 895 min 428 manat məbləğində sığorta ödənişi həyata keçirilib. Bu isə ötənilki rəqəmdən çoxdur. Belə vəziyyət də sığorta şirkətlərinin gəlirlərinin azalmasında mühüm rol oynayıb.
Beləliklə, avtomobil kreditlərinin verilməsinə qoyulan məhdudiyyətlər sığorta sektoruna ciddi təsir göstərməyə başlayıb. Ekspertlər də bildirir ki, avtomobil kreditlərinə qoyulmuş məhdudiyyətlər ümumilikdə sığorta sektorunda avtomobil sığortası üzrə yığılmış sığorta haqqlarının azalmasına səbəb olub. Araşdırmalara görə, avtomobil kreditlərinin dayandırılması yığımlarda azalmaya səbəb olmaqla yanaşı, həm də sığorta sektoruna ciddi bir siqnaldır. Hesab olunur ki, sığorta şirkətləri portfelin sığorta növləri və satış kanalları üzrə diversifikasiya edilməsində diqqəti artırmalıdır.
İndilikdə isə sığorta şirkətləri, xüsusilə kasko sığortası üzrə ixtisaslaşan şirkətlərin zərərə düşəcəyi ehtimalı böyükdür. 2013-cü ildə ölkə üzrə avtomobil nəqliyyatı vasitələrinin sığortasından təxminən 57 milyon manata yaxın sığorta haqqı yığılıb. Bu vəsaitin böyük hissəsi məhz kreditlə alınan avtomobillərin sığortalanmasından yığılıb. Lakin indi vəziyyət dəyişir. Təxmini hesablamalara görə, avtomobil kreditlərinin dayandırılması nəticəsində sığorta bazarı həcmini 10 faiz itirə, öz portfelini diversifikasiya edə bilməyən sığorta şirkətləri isə bağlana bilər. Müşahidələr göstərir ki, ölkədə hər üç yeni maşının ikisi kreditlə satılırdı. Ona görə banklardan da çox avtomobil satışı üzrə ixtisaslaşan şirkətlər, eyni zamanda sığorta şirkətləri zərbə almaqdadır.
Sığorta şirkətləri də etiraf edir ki, bankların avtomobil kreditlərini dayandırması bank sektorundan sonra sığorta bazarına da mənfi təsir etməyə başlayıb. Bazar iştirakçılarının sözlərinə görə, hazırda avtomobillərin könüllü sığortası bazarının böyük hissəsi kreditlə alınan avtomobillərin payına düşür. Orta hesabla, sığortalanan avtomobillərin 70%-dən çoxu kreditlə alınanlardır. Bəzi şirkətlərdə isə kasko sığortanın 90%-ə qədər hissəsi kreditlə alınan avtomobillərin payına düşür. Məsələn, həftə ərzində şirkət avtomobil sığortasından 30 min manat sığorta haqqı toplayırdısa, bunun 25-26 min manatı kreditlə verilən maşınların payına düşürdü. Nəticədə avtomobil kreditlərinin dayanması sığorta üçün müraciət edənlərin sayını və sığorta şirkətlərinin gəlirlərini kəskin azaldıb. Ekspertlərin fikrincə, bu vəziyyətdən ən çox iri maliyyə qruplarına və holdinqlərə daxil olan, eləcə də tərəfdaş banklarla işləyən sığorta şirkətləri əziyyət çəkir. Bəzi bazar iştirakçıları avtomobil kreditlərində fasilə yaranmasının sığorta şirkətlərin işi üçün ciddi təhlükə yarada biləcəyini düşünür. Onların fikrincə, sığorta biznesi davamlı olmalı ona daim pul daxil olmalıdır ki, öhdəliklərini icra edə bilsin. Əks halda şirkətlərin işində və öhdəliklərinin icrasında problem yarana bilər. Yəni bu vəziyyət davam edərsə, şirkətlər üçün təhlükə yaranacaq. Elə şirkət var ki, araşdırmalara görə, yaranmış vəziyyətə yalnız ilin sonuna kimi dözə bilər. Deməli, real vəziyyət bir ildən artıq davam etsə, sığorta şirkətləri iflas təhlükəsi ilə üzləşəcək, çünki şirkətlər indi öz pullarını xərcləyir.

DİGƏR XƏBƏRLƏR

Tarix: 31.10.2026 / 11:23

Qubadlıda ilk su elektrik stansiyası tikilir...

Tarix: 30.10.2026 / 18:36

Azərbaycan illərdi Transxəzər qaz kəmərindən danışır - Aşqabad indi hərəkətə keçir...

Tarix: 30.10.2026 / 17:04

Azərbaycanda əhali dollarını satır

Tarix: 30.10.2026 / 12:14

Azərbaycanla Gürcüstan arasında yeni sərhəd-keçid məntəqəsi yaradılır...

Tarix: 29.10.2026 / 13:45

"Sahibkar olmayan şəxsin kartına hər gün 5 dəfə pul daxil olması normal deyil" - Mərkəzi Bankın sədri

Tarix: 29.10.2026 / 13:07

“Bank Melli İran” Azərbaycandan gedir? - Mərkəzi Bankdan açıqlama...

Tarix: 29.10.2026 / 11:49

Azərbaycanın strateji valyuta ehtiyatları 89,4 milyard dollara çatdı...

Tarix: 29.10.2026 / 10:43

Mərkəzi Bank illik inflyasiya ilə bağlı proqnozunu açıqladı...

Tarix: 29.10.2026 / 10:04

Mərkəzi Bank uçot dərəcəsini sabit saxladı...

Tarix: 28.10.2026 / 18:30

Tramp "Şimal axını" qaz kəmərini Rusiyadan satın ala bilər...

Tarix: 28.10.2026 / 18:22

İpoteka kreditlərinin verilməsi qaydalarına dəyişiklik edildi

Tarix: 28.10.2026 / 16:15

Ətin qiymətinə görə Ermənistandan da geridəyik - hesabatı kim yayıb?

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Turizm regionlarımızın inkişaf mənbələrindən birinə çevrilir...