Azərbaycan-İran iqtisadi zonasının verə biləcəyi konkret faydalar açıqlanır

Tarix: 03.06.2014 / 03:47
Bölmə: İqtisadiyyat

İranın Meşginşəhr şəhərinin başçısı İbrahim İmami jurnalistlərə açıqlamasında İran-Azərbaycan sərhədində azad ticarət zonasının yaradılacağını bildirib.
Onun sözlərinə görə, İranın Azərbaycanla sərhəd şəhərləri o cümlədən Səreyn, Meşginşəhr, Sarab, Nir və Hil şəhərlərinin iqtisadi potensialından geniş istifadə olunmaq məqsədilə "Savalan" azad ticari-turizm zonasının yaradılması planlaşdırılır. O bunu onunla əsaslandırıb ki, Savalan dağının ətəyində yerləşən Meşginşəhr şəhəri geniş turizm potensialına malikdir: "Savalan dağı və onun ətəyində yerləşən yaylaqlar, qışlaqlar, yer altından çıxan isti sular, sərin bulaqlar, meyvə bağları, tarixi abidələr, qalalar, mağaralar bu bölgənin turizm potensiallarındandır". Bununla yanaşı, İ.İmami azərbaycanlı investorları Meşginşəhr şəhərinə sərmayə qoymağa dəvət edib. Onun fikrincə, Meşginşəhr şəhəri və onun ətrafında 800 tarixi abidə mövcuddur və bu abidələr miladdan öncə, islam dövrü, Sasanilər və Səfəvilər dövründən qalıb.
İ.İmami Meşginşəhrdə sərmayə yatırmaq üçün kənd təsərrüfatı sahəsinin də böyük potensiala malik olduğunu vurğulayıb və deyib ki, Ərdəbil əyalətinin ən böyük bağları bu şəhərdədir: "Hər il 14 min hektar meyvə bağlarından 320 min tondan çox meyvə istehsal olunur. Hazırda 127 min hektar ərazidə əkinçilik işləri aparılır". O, kənd təsərrüfatı ilə yanaşı, maldarlıq və balıqçılıq sahəsində də sərmayə yatırmaq üçün geniş potensialın olduğunu və Azərbaycandan investorlar bu bölgədə sərmayə yatırarsa, onlara güzəştlərin olacağını vurğulayıb. İ.İmami deyib ki, İran və Azərbaycan iki dost və qardaş ölkədir, müştərək tarixə və mədəniyyətə malikdir: "Azərbaycanlı iş adamlarının bu bölgədə sərmayə yatırması və iki ölkə arasında gediş-gəlişin artırılması hər iki ölkədə sərhədyanı rayonların inkişafına təkan verəcək". Qeyd edək ki, azad ticarət zonaları bir sıra ölkələrdə, xüsusən də Çində çox uğurla sınaqdan keçirilib. Məsələ ondadır ki, bu zaman sərmayənin sərbəst hərəkəti və digər iqtisadi-ticarət mübadiləsi üçün münbit şərait yaranır. Prosedur xeyli dərəcədə sadələşdirilir. Bu baxımdan İranla sərhəddə belə bir zonanın yaradılması Azərbaycana iqtisadi baxımdan nə verəcək?
Sözügedən məsələni dəyərləndirən iqtisadçı alim Əli Əlirzayev hesab edir ki, azad ticarət zonası yaradılsa, hər iki dövlət bundan faydalanacaq: "Yəni bundan iqtisadi baxımdan fayda götürmək birtərəfli olmayacaq. Məsələ ondadır ki, bu zaman Azərbaycandan olan sahibkarların həmin zonalarda sərmayə qoyması üçün geniş imkanlar yaranacaq. Nəticədə həm qonşu dövlətin iqtisadiyyatı inkişaf edəcək, həm də Azərbaycandan olan sahibkarlar bundan qazanacaq. Bu zaman İranda yeni iş yerləri açılacaq və s. Azad ticarət zonasının yaradılması iki ölkə arasında iqtisadi-ticarət əlaqələrinin daha da dərinləşməsinə təkan verəcək. Başqa bir tərəfdən, bu, İranla sərhəddə yerləşən rayonların iqtisadi inkişafına müsbət təsir göstərəcək. O baxımdan, sözügedən təşəbbüsə müsbət yanaşıram".

DİGƏR XƏBƏRLƏR

Tarix: 10.07.2026 / 20:55

Rusiyada dərin yanacaq qıtlığının Azərbaycana təsirləri gündəmdə...

Tarix: 10.07.2026 / 17:50

Əli Əsədovun rəhbərliyi ilə İqtisadi Şuranın iclası keçirildi - FOTO

Tarix: 10.07.2026 / 15:52

Beyləqan şəhərində fermerlər üçün aqrar sığorta ilə bağlı maarifləndirici təlim keçirilib

Tarix: 10.07.2026 / 14:47

Rusiya alimindən Ermənistan iqtisadiyyatı barədə inanılmaz rəylər - böhran olmayacaq...

Tarix: 10.07.2026 / 13:56

Azərbaycanın xarici dövlət borcu azaldı - 4 milyard 616,8 milyon...

Tarix: 10.07.2026 / 11:58

Rusiya Azərbaycan üzərindən Ermənistana propan və gübrə göndərəcək...

Tarix: 10.07.2026 / 09:17

Azərbaycan və Rusiya Samur çayının bölüşdürülməsini müzakirə edib

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...