Dünyada qızılın ucuzlaşması Azərbaycanda yeni çağırışlar etdi

Tarix: 02.06.2014 / 02:10
Bölmə: İqtisadiyyat

Dünya iqtisadiyyatında indi xüsusi narahatlıqla izlənən proseslərdən biri də qızılın yenidən sürətlə dəyər itirməsidir. Bu proses artıq Azərbaycanda da qabarıq surətdə hiss olunur. Belə ki, qızılın bir unsiyasının qiyməti təxminən 3 aylıq fasilədən sonra yenidən 1000 manat səviyyəsindən aşağı düşüb. Mərkəzi Bankın açıqladığı məlumatda bildirilir ki, dünən bir unsiya (31 qram) qızılın qiyməti 991 manat və ya 1 qram üçün 31,9 manat təşkil edib.
Bu, 11 fevral 2014-cü il tarixindən sonra qeydə alınan ən aşağı göstərici hesab olunur. Dünya bazarlarında isə qızılın bir unsiyasının qiyməti 6,2 dollar ucuzlaşaraq 1259 dollara bərabər olub. Qeyd edək ki, bu, cari il fevralın 7-dən etibarən ən aşağı göstəricidir. Ekspertlərin fikrincə, belə davam edəcəyi təqdirdə qısa müddətdən sonra qızılın unsiyası hətta 1200 dollara qədər düşə bilər. Britaniyadakı müstəqil maliyyə məsləhətçilərindən Patrik Konoli deyir ki, qızılın parıltısı bəzən investorların gözlərini qamaşdırır. Onun sözlərinə görə, unutmaq olmaz ki, bu metalın qiymətdə parlaq yüksəlişi kimi, qəfil enişləri də olur. "Coutts Private" Bankından Geri Duqan deyir ki, qiymət 1100 dollaradək enəcək və onda qızıl almaq məqamı yetişə bilər. Britaniyanın ən böyük investisiya banklarından "Brein Dolfi"nin ekspertləri də bu qənaətdədirlər ki, qızılın qiyməti düşməkdə davam edəcək.
Ucuzlaşma qızıl bazarlarında da hiss olunur. Ekspertlər bildirir ki, ucuzlaşma Türkiyədən və digər ölkələrdən tam qızıldan hazırlanmış zinət əşyaları gətirən idxalçılar üçün daha təhlükəlidir. Onlar qızılı gətirdikdən sonra qısa müddətdə satmaq məcburiyyətindədirlər. Çünki əks halda bundan zərər edirlər. Təbii ki, proses dövlət rezervlərinə də öz təsirini göstərir. Çünki həmin rezervlər kifayət qədər baha qiymətə alınıb və ucuzlaşma buna birbaşa təsirini göstərir. Qeyd edək ki, 2011-ci ilin sentyabr ayında qızılın bir unsiyası 1921 dollar 15 sentlə tarixi maksimuma çatıb. Lakin indi tamamilə əks proses baş verir. Xatırladaq ki, 2008-ci ildə baş verən qlobal maliyyə böhranı zamanı Neft Fondu qızılın alınmasına başlamışdı. Çünki o zaman ekspertlər güman edirdilər ki, ucuzlaşan qızıla böhrandan sonra tələbat artacaq. Demək olar ki, həmin ərəfədə proqnozlar özünü doğrultdu, böhrandan sonra qızılın qiyməti 50 faiz bahalaşdı. Lakin son iki il yarımda ucuzlaşma qeydə alınır. Qızılın qiymətinin ucuzlaşmasına təsir edən digər amil isə bu qiymətli metala zinət əşyası kimi marağın azalmasıdır. Eyni zamanda, 2008 və 2009-cu illərdə ehtiyatlarının bir qismini qızıla çevirən bir sıra ölkələr, o cümlədən Çin və Hindistanda qızıl külçələr və sikkələr ötən ildən başlayaraq bazara çıxarılır ki, bu da qızıl təklifinin artmasına səbəb olub. Qızılın ucuzlaşmasının başqa bir səbəbi isə investor aktivliyinin azalmasıdır və bu da qiymətli metalın dəyərinin aşağı düşməsi ilə nəticələnir.
Bu durum banklarda qızıl depozitinə də təsir edir. Xatırladaq ki, bu xidmət bank müştərilərinə virtual şəkildə, yəni qızılı fiziki şəkildə almadan qızılda əmanət yerləşdirməyə imkan verir. Lakin qızılın ucuzlaşması belə depozitlərə marağı kəskin azaldır.
Dünya bazarında qızılın ucuzlaşması Azərbaycanda da bu metalın qiymətlərinə təsirsiz ötüşməyib. Paytaxtın qızıl dükanlarında aparılan müşahidələr göstərir ki, qiymətlərdə, az da olsa, ucuzlaşma var. Digər tərəfdən nəzərə almaq lazımdır ki, Azərbaycan qızılın idxalçısı olduğundan, dünyada qızılın qiymətindəki bir faiz artım və ya azalma ölkəmizdən də yan keçmir. Bir daha xatırladaq ki, ölkəmizə qızıl məmulatları əsasən Rusiya, Türkiyə, İtaliya və Birləşmiş Ərəb Əmirliyindən gətirilir.
Eyni zamanda, Azərbaycanda qızıl hasilatı artır. Belə ki, ölkədə qızıl istehsalçısı olan "Anglo-Asian Mining plc" şirkəti cari ilin ilk rübündə "Gədəbəy" kompleks mədənində hasil edilən 11 312 unsiya qızıl istehsal edib. Müqayisə üçün deyək ki, şirkət 2013-cü ilin ilk rübündə 8 585 unsiya qızıl istehsal edib. Lakin hasilat nə qədər çox olsa belə, bu, itkiləri tam kompensasiya edə bilməyəcək. Çünki indiyə qədər Azərbaycan qızıl alışına kifayət qədər böyük həcmdə vəsait sərf edib.

DİGƏR XƏBƏRLƏR

Tarix: 10.07.2026 / 20:55

Rusiyada dərin yanacaq qıtlığının Azərbaycana təsirləri gündəmdə...

Tarix: 10.07.2026 / 17:50

Əli Əsədovun rəhbərliyi ilə İqtisadi Şuranın iclası keçirildi - FOTO

Tarix: 10.07.2026 / 15:52

Beyləqan şəhərində fermerlər üçün aqrar sığorta ilə bağlı maarifləndirici təlim keçirilib

Tarix: 10.07.2026 / 14:47

Rusiya alimindən Ermənistan iqtisadiyyatı barədə inanılmaz rəylər - böhran olmayacaq...

Tarix: 10.07.2026 / 13:56

Azərbaycanın xarici dövlət borcu azaldı - 4 milyard 616,8 milyon...

Tarix: 10.07.2026 / 11:58

Rusiya Azərbaycan üzərindən Ermənistana propan və gübrə göndərəcək...

Tarix: 10.07.2026 / 09:17

Azərbaycan və Rusiya Samur çayının bölüşdürülməsini müzakirə edib

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...