Avronun bahalaşması Azərbaycanda qiymətləri qaldıra bilər

Tarix: 28.05.2014 / 04:46
Bölmə: İqtisadiyyat

Maliyyə böhranı ilə bağlı olaraq Avropada xüsusi diqqət yetirilən məsələlərdən biri də inflyasiyanın aşağı həddə saxlanmasıdır. Lakin bunun üçün yeridilən siyasət həm də iqtisadiyyatın sürətlə inkişafını tormozlayır. Ona görə də Avropa bu istiqamətdə siyasətinən əl çəkməyə hazırlaşır. Bunu Avropa Mərkəzi Bankının sədri Mario Draqinin açıqlamaları da təsdiq edir: "İnflyasiyanın uzun müddət çox aşağı səviyyələrdə davam etməsinə seyrçi qala bilmərik.
İnflyasiyanın daha da aşağı istiqamətli dəyişməsi baş verərsə, genişmiqyaslı maliyyə aktivləri alış proqramı başladıla bilər". Avropa Mərkəzi Bankının Şura üzvü Erkki Likanen də bankın ehtiyac olduğu halda maliyyə aktivləri alış proqramı da daxil olmaqla bir çox vasitədən istifadə edə biləcəyini bəyan edib. Bütün bunlar Avropa iqtisadiyyatında inkişafı şərtləndirsə də, inflyasiya həddinin yüksəlməsinə gətirib çıxaracaq. Belə vəziyyət isə digər dünya ölkələrinə, məsələn, Azərbaycana da təsirsiz ötüşməyəcək. Belə ki, Avropadan gələn məhsullar bahalaşacaq. Onsuz da avroya görə bu məhsulların qiyməti artırdı.
Hazırda Mərkəzi Bankın rəsmi məzənnəsinə əsasən, ölkədə 1 avronun qiyməti 1,09 manatdır. Halbuki, 2 ay bundan əvvəl məzənnə 1,03 manat idi. Avronun bahalaşması əhalinin bu valyuta növünə tələbatını qismən artırıb. Paytaxtdakı valyutadəyişmə məntəqələrinin əməkdaşları deyir ki, avro alanlar əsasən pulunu dollarla saxlamaqdan imtina edənlərdir. Yuxarıda qeyd edildiyi kimi, son günlər paytaxtda Avropadan idxal olunan məhsulların qiymətlərində artımlar müşahidə edilməkdədir. Satıcılar bahalaşmanı Avropa ölkələrinin birjalarında baş verən proseslər, eləcə də avronun məzənnəsi ilə bağlayır. O da məlumdur ki, dünya bazarında avronun məzənnəsinin dollara nisbətən sürətlə bahalaşması müxtəlif məhsulların qiymətinə də təsir göstərir. Ekspertlər bildirir ki, avronun manata nisbətən məzənnəsinin yüksəlməsi bu valyutanın dollara nisbətən kursunun artması ilə bağlıdır. Qeyd edildiyi kimi, avronun manata nisbətən yüksəlməsi Azərbaycan iqtisadiyyatına təsirsiz ötüşmür. Əvvəla bu, avro ilə saxlanan valyuta ehtiyatlarının manatla ifadədə artmasına səbəb olur. Bununla yanaşı, avronun məzənnəsinin yüksəlməsi avrozonadan Azərbaycana idxal edilən məhsulların qiymətinin artmasına gətirib çıxarır. Avronun manata nisbətən yüksəlişi yerli iş adamlarının ixrac qabiliyyətinə də öz təsirini göstərir.
İdxal mallarının, xüsusən də ərzaq məhsullarının qiymət artımını təkcə Avropada baş verənlər şərtləndirmir. "Oxfam" beynəlxalq humanitar təşkilatı dünyada ərzaq məhsullarının istehsalı və gözlənilən bahalaşmaya başqa məqamların da təsir etdyini bildirir: "Dünya liderləri qida sənayesinin yenidən təşkil edilməsi istiqamətində aktiv addımlar atmasalar, əsas qida məhsullarının, yəni heyvandarlıq sahəsinin müxtəlif məhsullarının, un məmulatlarının, meyvə-tərəvəzlərin qiyməti yaxın illər ərzində 2 dəfə artacaq. Əsas taxıl bitkilərinin qiymətinin isə 120-180 faiz artacağı gözlənir. Bu zaman qiymət artımının yarısı iqlim dəyişməsinin payına düşəcək. Ərzağın qiymətinin dəyişməsi, torpaq, su və enerji çatışmazlığının getdikcə ağırlaşan sınaqlarını dəf etmək üçün qida sənayesi köklü şəkildə yenidən qurulmalıdır".
Təbii ki, bütün bunlar Azərbaycana da təsirsiz ötüşməyəcək. Onsuz da ölkəmizdə son aylarda bahalaşma qeydə alınır. Hesablamalara görə, təkcə ötən ay istehlak mallarının qiymətləri və xidmət tarifləri mart ayına nisbətən 0,2 faiz, o cümlədən ərzaq məhsullarının qiymətləri 0,2 faiz, qeyri-ərzaq mallarının qiymətləri 0,2 faiz, xidmət tarifləri isə 0,1 faiz bahalaşıb.
İlin əvvəlindən keçən vaxt ərzində istehlak mallarının qiymətləri və xidmət tarifləri 1,9 faiz, o cümlədən ərzaq məhsullarının qiymətləri 1,9 faiz, qeyri-ərzaq mallarının qiymətləri 3,6 faiz, xidmət tarifləri 0,3 faiz bahalaşıb. Ekspertlərə görə, ərzağın daim bahalaşması dövlət tənzimləməsinin olmaması ilə bağlıdır. Bu səbəbdən dövlətin proseslərə müdaxiləsi vacib sayılır. Əks halda bahalaşma daha böyük hədlə ifadə oluna bilər.

DİGƏR XƏBƏRLƏR

Tarix: 10.07.2026 / 20:55

Rusiyada dərin yanacaq qıtlığının Azərbaycana təsirləri gündəmdə...

Tarix: 10.07.2026 / 17:50

Əli Əsədovun rəhbərliyi ilə İqtisadi Şuranın iclası keçirildi - FOTO

Tarix: 10.07.2026 / 15:52

Beyləqan şəhərində fermerlər üçün aqrar sığorta ilə bağlı maarifləndirici təlim keçirilib

Tarix: 10.07.2026 / 14:47

Rusiya alimindən Ermənistan iqtisadiyyatı barədə inanılmaz rəylər - böhran olmayacaq...

Tarix: 10.07.2026 / 13:56

Azərbaycanın xarici dövlət borcu azaldı - 4 milyard 616,8 milyon...

Tarix: 10.07.2026 / 11:58

Rusiya Azərbaycan üzərindən Ermənistana propan və gübrə göndərəcək...

Tarix: 10.07.2026 / 09:17

Azərbaycan və Rusiya Samur çayının bölüşdürülməsini müzakirə edib

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...