"Azərbaycanda da maliyyə ombudsmanı institutu yaradılmalıdır"

Tarix: 27.05.2014 / 08:44
Bölmə: İqtisadiyyat

Maliyyə sektoru son illər əhalinin hüquqlarının ən çox pozulduğu sahəyə çevrilib. Elə bir ailə, elə bir şəxs yoxdur ki, maliyyə sektorunun xidmətlərinə müraciət etməsin. Kimisi gəlirinin bir hissəsini banklara əmanət edir, kimisi bankdan borc götürür və ya maşınını, evini sığortalayır.
Öhdəliyin yerinə yetirilməsi bir az qəlizləşəndə maliyyə qurumları qabağa düşərək problemi öz xeyirlərinə həll edir. Müştəri isə hüququ pozulmuş halda qalır. İqtisadçılar bu cür problemlərin yaşanmaması üçün ölkədə maliyyə ombudsmanı institutunun yaradılmasını təklif edir.
İqtisadçı-ekspert Samir Əliyev "Bakı-Xəbər"ə açıqlamasında qeyd etdi ki, Azərbaycanda maliyyə ombudsmanına ehtiyac var.
Onun sözlərinə görə, vətəndaşların ən çox şikayət etdiyi sahə bank sektorudur: "Banklar öz reklam çarxlarında kreditin ağır şərtləri barədə məlumatları gizlədir, əhaliyə natamam məlumatlar verir. Onlar kredit şərtlərini istədikləri kimi müəyyənləşdirir, müqavilələrdə daha çox öz hüquqlarını qabardır, müştərilərin isə əsasən öhdəliklərinə yer ayırır. Gecikdirilən kreditlərə ağlasığmaz cərimələr hesablanır. Məsələ məhkəməyə çatanda da haqsız çıxan vətəndaş olur. Problemli digər sahə lombardlardır. Son dövrlər sürətlə artan lombardlar insanların ən çox aldadıldığı məkana çevrilib. Onların verdikləri kreditlər bahadır, girov qismində qoyulmuş əmanətin dəyərindən dəfələrlə az məbləğdə kredit verirlər. Bəzən müştəriyə kredit verəndə müqavilə bağlamır, krediti vaxtında ödəyən insanlar bir sıra hallarda girov qoyduqları əmanəti geri ala bilmirlər.
Sığorta sektorunda da vəziyyət ürəkaçan deyil. İnsanlar sığorta hadisəsi baş verəndə sığorta ödənişi almaqda xeyli əziyyət çəkir.
Faktiki olaraq 2 milyon nəfərdən çox əmanətçinin, 5 milyon nəfərdən çox kredit müştərisinin taleyi havadan asılı vəziyyətdə qalıb. Vətəndaş kimə müraciət edəcəyini, hüquqlarını hansı qurumun qoruyacağını bilmir. Düzdür, Mərkəzi Bankın göstərişi ilə bankların nəzdində istehlakçıların şikayətini araşdıran şöbələr yaradılmağa başlayıb. Ancaq şikayətləri araşdıran müstəqil qurumun olmasına ehtiyac var.
Ölkədə maliyyə xidmətlərindən istifadə edən müştərilərin hüquqlarını qoruyan hansısa mexanizm və müstəqil institut yoxdur. Ona görə də, bir çox ölkədə olduğu kimi, Azərbaycanda da maliyyə ombudsmanı (müvəkkili) institutu yaradılmalıdır. Maliyyə ombudsmanı maliyyə təşkilatlarını müştərilərin hüquqlarını qorumağa vadar etməlidir. Ombudsman institutunun yaradılmasında bir məqsəd də ortaya çıxan problemləri məhkəmədən kənar həll etməkdir. Ən əsası odur ki, bu institut müştərilərə pulsuz xidmət göstərir. Ombudsman yaranmış mübahisələri ilkin mərhələdə həll edə bilir".
Nəmsöhbətimiz onu da əlavə etdi ki, maliyyə ombudsmanı institutunun məhkəmələrdən üstünlüyü ondadır ki, müştəri məhkəməyə çəkəcəyi xərcə qənaət edir. Eyni zamanda, məsələyə baxılması müddəti də məhkəmə ilə müqayisədə qısadır: "Vətəndaşların maliyyə hüquqlarını müdafiə edən ilk maliyyə müvəkkili 1992-ci ildə Almaniyada yaradılıb. Fransa, Böyük Britaniya, Danimarka, İsveç, İrlandiya, Pakistan, Cənubi Afrika və başqa ölkələrdə də maliyyə ombudsmanı var. MDB ölkələrində bu institut geniş yayılmayıb. Belə institut Rusiya və Ermənistanda fəaliyyət göstərir. Ukraynada yaradılması nəzərdə tutulsa da, məlum siyasi böhrana görə ideyanın reallaşması ləngiyir. Qazaxıstanda 2011-ci ildə bank ombudsmanı institutu yaradılıb. Gürcüstanda isə sığorta ombudsmanı institutunun yaradılması planlaşdırılır. Maliyyə ombudsmanı bank, sığorta və investisiya sahəsində maliyyə qurumları ilə maliyyə xidmətlərinin istehlakçıları arasında yaranmış mübahisələri tənzimləyir. Bəzi ölkələrdə onlar ancaq bank, bəzilərində sığorta, bəzilərində isə bütün maliyyə sektoru ilə məşğul olurlar".

DİGƏR XƏBƏRLƏR

Tarix: 10.07.2026 / 20:55

Rusiyada dərin yanacaq qıtlığının Azərbaycana təsirləri gündəmdə...

Tarix: 10.07.2026 / 17:50

Əli Əsədovun rəhbərliyi ilə İqtisadi Şuranın iclası keçirildi - FOTO

Tarix: 10.07.2026 / 15:52

Beyləqan şəhərində fermerlər üçün aqrar sığorta ilə bağlı maarifləndirici təlim keçirilib

Tarix: 10.07.2026 / 14:47

Rusiya alimindən Ermənistan iqtisadiyyatı barədə inanılmaz rəylər - böhran olmayacaq...

Tarix: 10.07.2026 / 13:56

Azərbaycanın xarici dövlət borcu azaldı - 4 milyard 616,8 milyon...

Tarix: 10.07.2026 / 11:58

Rusiya Azərbaycan üzərindən Ermənistana propan və gübrə göndərəcək...

Tarix: 10.07.2026 / 09:17

Azərbaycan və Rusiya Samur çayının bölüşdürülməsini müzakirə edib

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...