Sığorta şirkətləri dəhşətli iflasa doğru gedir...

Tarix: 22.05.2014 / 07:48
Bölmə: İqtisadiyyat

Avtomobillərin kredit və lizinqlə satışına dair şərtlərdə edilən dəyişikliklər, gözlənildiyi kimi, sığorta şirkətlərinə də öz təsirini göstərməkdədir. Artıq şirkətlər avtomobil sığortasından getdikcə daha az gəlir əldə edir. Başqa sözlə, avtomobil kreditləşməsi ilə bağlı qaydaların sərtləşdirilməsi avtomobil sığortasını azaltmaqda davam edir.
Belə ki, bu ilin yanvar-aprel aylarında Azərbaycanda avtomobil sığortası ilə bağlı toplanmış sığorta haqlarının məbləği 16,81% azalıb. Maliyyə Nazirliyi yanında Dövlət Sığorta Nəzarəti Xidmətinin məlumatlarından da görünür ki, ilin ilk 4 ayı ərzində avtomobil sığortasından 30 milyon 422 min manat vəsait daxil olub ki, bu da 2013-cü ilin eyni dövrü ilə ilə müqayisədə 6 milyon 148 min manat azdır. Toplanmış sığorta haqlarının 61%-i avtonəqliyyat vasitəsi sahiblərinin mülki məsuliyyətinin icbari sığortasının payına düşüb. Bu sığorta növü üzrə 18 milyon 584 manat yığılıb ki, bu da ötən illə müqayisədə 7,8% azdır.
Kasko sığortasına gəlincə isə, bu istiqamətdə sığorta şirkətlərinin topladığı sığorta haqqının məbləği 11 milyon 448 min manat təşkil edib. Bu da 2013-cü ilin eyni dövrünə nisbətən 28,5% azdır.
Hesabat dövründə avtonəqliyyat vasitələri sahiblərinin mülki məsuliyyətinin sığortası üzrə daxilolmalar isə 8,9% azalaraq 391 min manat olub.
Bundan başqa, araşdırmalar onu da üzə çıxarır ki, avtomobil kreditləşməsinin dayandırılmasından sonra yeni şərtlər daha az sayda maşın satılması ilə müşayiət olunur. Yeni şərtlər vətəndaşlara avtomobil kreditləşməsindən istifadə imkanı vermir. Çünki ilkin ödəniş yenə də yüksək olaraq qalır. Məbləğin yüksək olması vətəndaşların avtomobil kreditlərindən səmərəli istifadə etməsinə əngəllər yaradır.
Bu baxımdan son dəyişikliklərdən sonra birmənalı şəkildə bankların kreditləşmə sahəsində hər hansı ciddi dəyişikliyinin olduğunu demək mümkün deyil. Bu gün banklarda müşahidə edilən proses ondan ibarətdir ki, bankların, həm də onlarla əlaqəli işləyən sığorta şirkətlərinin gəlirlərində azalmalar müşahidə edilir.
Qeyd edək ki, indiyə qədər satılan avtomobillərin 80 faizi kreditlə satılan avtomobillər idi. Kreditlə satılan avtomobillər də mütləq sığortalanmalı idi. O baxımdan kreditləşmə faizinin aşağı düşməsi sığortaya da təsir göstərib. Sığorta yığımlarında, yuxarıda səslənən rəqəmlərdən də göründüyü kimi, ciddi azalmalar var. İndiki halda, ekspertlərə görə, kredit olmadan qısa zamanda sığortaya maraq yaratmaq çox çətindir. Çünki sığortaya marağın formalaşdırılması zaman tələb edir. Hesab edilir ki, kreditləşmə artmazsa, birmənalı şəkildə sığorta müqavilələrinin artması da müşahidə edilməyəcək. Mütəxəssislərə görə, belə vəziyyətin aradan qaldırılması üçün Mərkəzi Bank mövcud ilkin nəticələri nəzərə almaqla bankların kredit qoyuluşundakı sərtliyin yumşaldılmasına nail olmalıdır. Bütövlükdə banklara mərkəzləşdirilmiş kredit resurslarının həcmini artırmalıdır. Çünki mərkəzləşdirilmiş kredit resursları Mərkəzi Bankın uçot dərəcəsi ilə verilir. Bu da kommersiya banlarına imkan verə bilər ki, daha ucuz kreditlər cəlb edə bilsinlər. Yəni sərt kredit siyasətindən yumşaq kredit siyasətinə keçilməsi olduqca vacibdir. Eyni zamanda, Mərkəzi Bank kommersiya banklarına öz mərkəzləşdirilmiş resurslarından istifadə imkanları yaratmalıdır. Bütün bunlar vətəndaşlara ucuz faizlərlə kredit götürmək imkan verir. Məhz belə şəraitdə həm avtomobil satışı arta, həm də sığorta gəlirləri çoxala bilər. Lakin indiki şərtlər daxilində bu prosesin yaxın tezlikdə baş verəcəyi də inandırıcı sayılmır.
İndiyə qədər isə Azərbaycanda sığortanın ən çox yayılan növü şəxsi avtomobillərin sığortalanması olub. Özü də adi avtomobillərin sığortalanması ilə kreditlə alınan avtomobillərin sığortalanması arasında fərqlər var. Məsələn, kreditlə alınan avtomobillər müəyyən vaxt ərzində sığortalanır və burada əsasən bankın tələbləri diqtə edir. Yəni bank kreditləşməsi zamanı avtomobilin sığortalanması məcburi prosedur olduğundan, heç bir müştəri sığorta müqaviləsinə dəyişiklik edə bilmir. Halbuki, sürücü öz arzusu ilə avtomobilini sığorta etdirdikdə, adətən, qaydalar müştərinin xeyrinə olur. Hazırda isə banklar kreditləşmənin şərtlərini ağırlaşdırdığından, əvvəlki kimi sığortada istədlikləri tələbləri irəli sürə bilmirlər.

DİGƏR XƏBƏRLƏR

Tarix: 10.07.2026 / 20:55

Rusiyada dərin yanacaq qıtlığının Azərbaycana təsirləri gündəmdə...

Tarix: 10.07.2026 / 17:50

Əli Əsədovun rəhbərliyi ilə İqtisadi Şuranın iclası keçirildi - FOTO

Tarix: 10.07.2026 / 15:52

Beyləqan şəhərində fermerlər üçün aqrar sığorta ilə bağlı maarifləndirici təlim keçirilib

Tarix: 10.07.2026 / 14:47

Rusiya alimindən Ermənistan iqtisadiyyatı barədə inanılmaz rəylər - böhran olmayacaq...

Tarix: 10.07.2026 / 13:56

Azərbaycanın xarici dövlət borcu azaldı - 4 milyard 616,8 milyon...

Tarix: 10.07.2026 / 11:58

Rusiya Azərbaycan üzərindən Ermənistana propan və gübrə göndərəcək...

Tarix: 10.07.2026 / 09:17

Azərbaycan və Rusiya Samur çayının bölüşdürülməsini müzakirə edib

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...