Problemli kreditlər normal həddi iki dəfə aşdı

Tarix: 21.05.2014 / 07:54
Bölmə: İqtisadiyyat

Borc olan yerdə qaytarmaq zərurəti də var və bəzən bunu etmək çox çətin olur. Nəticədə borca düşən müflisləşir və s. Vaxtı keçmiş kreditlərin həcminin aydan-aya artması ölkədə bank sektorunun vəziyyətini pisləşdirir. Eyni zamanda, bu, cəmiyyətdə narahatlığı artırır. Çünki ölkə banklarında kredit faizlərinin yüksək olması çox vaxt borcgötürənin qoyduğu girovu itirməsi ilə nəticələnir. Hazırda ölkədə kredit portfelinin 6%-ə qədərini problemli kreditlər təşkil edir. Qüvvədə olan beynəlxalq və yerli maliyyə qaydalarına görə isə, problemli kreditlərin ümumi kredit portfelindəki faiz payı 3 faizi ötməməlidir. Lakin bizdə problemli kreditlərin həcmi bu limiti 2 dəfə aşıb. Problemli kreditlərin sürətlə artması üzündən artıq bir sıra banklar müflisləşmə həddindədir. Bununla bağlı bəzi bankların ətrafında yaranan problemlərin kökündə də məhz borclanmanın artması göstərilir.
Azərbaycan Mərkəzi Bankının ilin I rübünə dair məlumatına görə, qaytarılmayan kreditlərin həcmi 831,6 milyon manata qədər yüksəlib. Müqayisə üçün bildirək ki, ötən il qaytarılmayan kreditlərin həcmi 792,8 milyon manat olub. Reallıqda bu rəqəmin 1,3 milyard manatdan aşağı olmadığı deyilir.
Mərkəzi Bankın statistikasına nəzər yetirsək, ötən il aylar arasında problemli kreditlər üzrə artım 4-5 milyon manat olmuşdusa, bu il bir ayın içində təqribən 15 milyon manata çatıb. Deməli, hazırda zərərlə işləyən bankların sayı artır. Bu isə sözügedən sektorda təhlükəli vəziyyət yarada bilər. Belə ki, müflisləşə biləcək maliyyə təşkilatlarının sayının artması, sığortalanmayan əmanətlərin itirilməsi təhlükəsi var. Hazırda Mərkəzi Bankın qoyduğu şərtlərə əsasən, kommersiya banklarına yatırılan əmanətlərin hər bir müştəri üzrə maksimum 30 min manatı sığortalanır. Onların da yalnız 9 faizdən aşağı gəlirlə yatırılanları kompensasiya edilir. Hazırda ümumilikdə banklarda sığortalanmayan əmanətlərin həcminin 35 faiz civarında olduğu bildirilir.
Bütövlükdə problemli kreditlərdən necə xilas olmaq olar?
Sözügedən məsələni dəyərləndirən iqtisadçı-ekspert Samir Əliyevin fikrincə, hazırda 43 bankın 9-nun zərərlə işləməsi o deməkdir ki, onlar öz xərclərini ödəyə bilmir: "Bank zərərlə işləyirsə, deməli, gəliri azdır. Belə olan halda əmanətlər üzrə götürdüyü öhdəliyi yerinə yetirməkdə çətinlik çəkə bilər. Yəni müflisləşməyə doğru gedirlər. Onlar ya birləşməli, ya da müflisləşdiyini elan etməlidir. 9 bank ili zərərlə başa vurduqlarına görə onlar üçün təhlükə var.
Bundan əlavə, bu ilin sonuna qədər Mərkəzi Bankın məcmu kapitalını yerinə yetirmək üçün qoyduğu tələb yerinə yetirilməlidir. Bildiyiniz kimi, banklara məcmu kapitalının minimum 50 milyon manata çatdırılması tapşırılıb. Hazırda bu tələbi yerinə yetirməkdə çətinlik çəkən maliyyə təşkilatları mövcuddur. 43 bankın cəmi 25-i bu tələbə cavab verir. İlin sonunda Mərkəzi Bank müddəti uzatmasa, onların bağlanmasının şahidi olacağıq. Bu zaman qoyulan əmanətlərə təhlükə yarana bilər. Fikrimcə, bu məsələdə əmanətçilərin özləri daha diqqətli olmalıdır".

DİGƏR XƏBƏRLƏR

Tarix: 31.10.2026 / 11:23

Qubadlıda ilk su elektrik stansiyası tikilir...

Tarix: 30.10.2026 / 18:36

Azərbaycan illərdi Transxəzər qaz kəmərindən danışır - Aşqabad indi hərəkətə keçir...

Tarix: 30.10.2026 / 17:04

Azərbaycanda əhali dollarını satır

Tarix: 30.10.2026 / 12:14

Azərbaycanla Gürcüstan arasında yeni sərhəd-keçid məntəqəsi yaradılır...

Tarix: 29.10.2026 / 13:45

"Sahibkar olmayan şəxsin kartına hər gün 5 dəfə pul daxil olması normal deyil" - Mərkəzi Bankın sədri

Tarix: 29.10.2026 / 13:07

“Bank Melli İran” Azərbaycandan gedir? - Mərkəzi Bankdan açıqlama...

Tarix: 29.10.2026 / 11:49

Azərbaycanın strateji valyuta ehtiyatları 89,4 milyard dollara çatdı...

Tarix: 29.10.2026 / 10:43

Mərkəzi Bank illik inflyasiya ilə bağlı proqnozunu açıqladı...

Tarix: 29.10.2026 / 10:04

Mərkəzi Bank uçot dərəcəsini sabit saxladı...

Tarix: 28.10.2026 / 18:30

Tramp "Şimal axını" qaz kəmərini Rusiyadan satın ala bilər...

Tarix: 28.10.2026 / 18:22

İpoteka kreditlərinin verilməsi qaydalarına dəyişiklik edildi

Tarix: 28.10.2026 / 16:15

Ətin qiymətinə görə Ermənistandan da geridəyik - hesabatı kim yayıb?

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Turizm regionlarımızın inkişaf mənbələrindən birinə çevrilir...