Dəmir yolumuzda itmiş vaqonların məsələsi əsl labirintə çevrilib

Tarix: 20.05.2014 / 08:11
Bölmə: İqtisadiyyat

Eliyar Muradov: "Biz sərnişin qatarlarına baxırıq"

Qəhrəman Əliyev: "Bir neçə min yoxa çıxıbsa, onda yükləri kim daşıyır?"

Bu yaxınlarda iqtisadçı Nemət Əliyev mətbuatda maraqlı statistika açıqladı. N.Əliyevə görə, dəmir yolu nəqliyyatına yatırılan milyonlar üzə çıxmır, batır: "Respublikanın dəmir yollarında acınacaqlı vəziyyət hökm sürür. 1990-cı illə müqayisədə dəmir yolları ilə yük dövriyyəsi 37 milyard ton/km-dən 8 milyard ton/km-ə qədər düşüb. 29 milyard azalma var.
Daşınan yüklərin həcmi 141 milyon tondan 29 milyon tona enib. Azalma 112 milyon ton və ya 5 dəfəyə yaxındır. İnkişafın buralarda izi-tozu görünmür.
Yalnız dəmir yollarına 2000-2007-ci illərdə 87,7 milyon manat, 2008-2010-illərdə isə daha 19,5 milyon manat sərmayə qoyulub. Üst-üstə 107,2 milyon manat kapital yatırılıb. Lakin, burada yükdaşımaların səviyyəsi 2012-ci ildə 7 milyon tondan çox azalıb (2006-cı illə müqayisədə 23,5% enmə olub). Yerli əlaqələr 33 faiz, ölkələrarası əlaqələr 20 faiz zəifləyib. Görülən işlərin həcmi 2,8 mlrd ton/km azalıb. 2008, 2009, 2010-cu illərdə dəmir yollarında yükdaşıma fəaliyyətindən mənfəət götürmək mümkün olmayıb. Mənfəət bir yana qalsın, ziyanın qarşısını kəsmək müşkülə çevrilib. 42 milyon 109 min manat zərər dəyib. Bəs kapital kimi yatırılan milyonlarla pullar nə üçün zərər verib? Olmaya əlavə vaqonlar, yük konteynerləri alınıb? Heç oxşamır. Təsdiq olunan məlumatlara görə, 1995-ci ildən sonrakı dövrdə yük vaqonlarının sayı 11 min 313 ədəd, konteynerlərin sayı 13 min 676 ədəd azalıb. Sərnişin vaqonlarının sayı da düşüb. Yoxa çıxan vaqonların və konteynerlərin yeri boş qalıb. Bu cür izaholunmaz ziddiyyətlərə gətirib çıxaran vəzifəlilərin kimliyi, məsuliyyəti müəyyən olunubmu? Hesablama Palatasının, Maliyyə Nazirliyinin, Vergilər Nazirliyinin "Azərbaycan Dəmir Yolları"nda baş verənlərə münasibətindən xəbər tutan varmı?"
Ortada çox ciddi rəqəmlər var və söhbət bir neçə min vaqonun yoxa çıxmasından gedir. Vaqon isə elə bir balaca əşya deyil ki, onu harasa gizlədə biləsən. Fakt təsdiqlənsə, demək, bu məsələdən bir sıra vəzifəli şəxslərin məlumatı olmaya bilməz.
"Azərbaycan Dəmir Yolları" QSC-dən minlərlə vaqonun yoxa çıxması barəsində kütləvi informasiya vasitələrində yayılan məlumatlarla münasibət bildirilib. "Azərbaycan Dəmir Yolları" QSC-nin mətbuat katibliyinin rəhbəri Nadir Əzməmmədov açıqlamasında yayılan məlumatların səhv olduğunu söyləyib:
"Azərbaycan Dövlət Dəmir Yolu Dövlət Proqramı çərçivəsində bir çox işlər həyata keçirir. Yollar təmir edilir, yeni vaqonlar alınır, yaxın zamanda yeni zavodların tikintisinə başlanacaq. Belə yazı yazmaqla kimisə gözdən salmaq istəyirlər. Amma onlar özlərini gözdən salırlar.
Daşınmalarla əlaqədar göstərilən rəqəmlərin heç biri düzgün deyil. Vaqonlar Sovetlər Birliyindən qalan vaqonlardır. Vaqonların da müddəti var. Bəzi vaqonlar var ki, istismar müddətini başa vurub. Təmirə ehtiyacı olan vaqonları biz artıq təmirə göndərmişik. 76 vaqon Rusiyada və Ukraynada təmir olunaraq artıq ölkəyə gətirilib. Digər vaqonlar da təmir olunub və ölkəyə gətirilir. Orada göstərilən göstəricilər yanlışdır və onların mənbəyi də məlum deyil".
Göründüyü kimi, bir tərəf iddia edir, digər tərəf isə təkzib edir.
Uzun müddət dəmir yolu sahəsində rəhbər vəzifələrdə çalışmış Qəhrəman Əliyev qəzetimizə açıqlamasında bildirdi ki, bir neçə min vaqonun yoxa çıxması inandırıcı deyil: "Düzdür, vaqonlar uzun müdət çalışdıqdan sonra onların yenilənməsinə ehtiyac yaranır. Əksər hallarda təmir işləri ilə vaqonlarda meydana çıxan qüsurlar aradan qaldırılır. Parkın tam yenilənməsi isə nadir hallarda baş verə bilər. Çünki bu çox xərc tələb edən işdir. Azərbaycan dəmir yolunun ümumi parkı elə minlərlə vaqonla ölçülür. Bir neçə min yoxa çıxıbsa, onda yükləri kim daşıyır?"
"Azərbaycan Dəmir Yolları" QSC-nin Sərnişindaşıma Departamentinin rəhbəri Eliyar Muradov isə qəzetimizə açıqlamasında bildirdi ki, yük qatarları ilə bağlı o heç nə deyə bilməz":Biz sərnişin qatarlarına baxırıq. Yaranan nasazlıqları təmir işləri ilə yola veririk. Əksinə, bu illər ərzində vaqon parkımıza çoxlu sayda yeni vaqon cəlb etmişik".

DİGƏR XƏBƏRLƏR

Tarix: 10.07.2026 / 20:55

Rusiyada dərin yanacaq qıtlığının Azərbaycana təsirləri gündəmdə...

Tarix: 10.07.2026 / 17:50

Əli Əsədovun rəhbərliyi ilə İqtisadi Şuranın iclası keçirildi - FOTO

Tarix: 10.07.2026 / 15:52

Beyləqan şəhərində fermerlər üçün aqrar sığorta ilə bağlı maarifləndirici təlim keçirilib

Tarix: 10.07.2026 / 14:47

Rusiya alimindən Ermənistan iqtisadiyyatı barədə inanılmaz rəylər - böhran olmayacaq...

Tarix: 10.07.2026 / 13:56

Azərbaycanın xarici dövlət borcu azaldı - 4 milyard 616,8 milyon...

Tarix: 10.07.2026 / 11:58

Rusiya Azərbaycan üzərindən Ermənistana propan və gübrə göndərəcək...

Tarix: 10.07.2026 / 09:17

Azərbaycan və Rusiya Samur çayının bölüşdürülməsini müzakirə edib

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...