Bakıda sosial mənzillərin reallaşmasına imkan verməyən bir neçə səbəb...

Tarix: 17.05.2014 / 10:25
Bölmə: İqtisadiyyat

Ölkənin mənzil bazarında qiymətlərin yenidən artımı müşahidə olunur. Ümumiyyətlə, cari ilin əvvəllərindən etibarən mənzil bazarında qiymətlərin daha böyük sürətlə artımı qeydə alınmaqdadır. Təbii ki, bunun da müxtəlif səbəbləri var. Artıq məlumat verildiyi kimi, mənzillərin bahalaşmasının əsas səbəbi hazırda Bakının bəzi ərazilərində aparılan söküntü işləridir.
Evi, mənzili və ya obyekti sökülən insanlar bunun müqabilində dövlətdən kompensasiya alaraq mənzil bazarına üz tutur. Bu da bazarda cari qiymətlərə təsir göstərir. Mənzil bazarındakı qiymətə təsir edən daha bir amil paytaxtda müşahidə olunan miqrasiyadır. Həm regionlardan paytaxta, həm də ölkənin kənarından Azərbaycana gələn insanların sayı artır ki, nəticədə mənzilə tələb yüksəlir və qiymət artımı yaranır.
Ekspertlərin fikrincə, bütün bunlar daşınmaz əmlak bazarında qiymət artımına təsir edən daxili amillərdir. Həmçinin mənzil bazarındakı qiymətlərə təsir edən xarici amillər də var. Bu gün mənzillərin bahalaşması təkcə Azərbaycanda deyil, ümumilikdə Cənubi Qafqaz regionunda, o cümlədən Gürcüstan, Türkiyə, Rusiya və Mərkəzi Asiya ölkələrində müşahidə olunur. Təbii ki, Azərbaycan da bu qlobal bazarın tərkib hissəsidir və bazar xarici təsirə məruz qalır. Cari il ərzində isə bahalaşmanın hansısa müdaxilə olmayacağı halda davam etməsi gözlənir. Bu şəraitdə hesab olunur ki, yalnız sosial mənzillərin tikilərək istifadəyə verilməsi bazarda ucuzlaşmaya yol aça bilər.
Sosial mənzil məsələsi xeyli vaxtdır gündəmdə olsa da, onun nə zaman reallaşacağı hələ məlum deyil. Ekspertlər hesab edir ki, məhz sosial mənzil fondunun yaradılması ilə əhalinin tələbatını müəyyən qədər azaltmaq və bazarda ucuzlaşmaya nail olmaq mümkündür. O da məlumdur ki, bir sıra ölkələrdə aztəminatlı ailələrin də mənzil sahibi olması üçün dövlət tərəfindən sosial mənzillər inşa olunaraq əhaliyə ucuz qiymətə icarəyə verilir. İnsanlar hər ay icarə haqqını ödəyə-ödəyə zamanla o mənzilin sahibinə də çevrilirlər. Azərbaycanda da, Mənzil Məcəlləsinə əsasən, aztəminatlı əhaliyə kirayə verilməsi üçün nəzərdə tutulan xüsusi təyinatlı sosial mənzillərin tikilməsi və bu mənzillərin fondunun yaradılması nəzərdə tutulub. Məsələ dəfələrlə gündəmə gəlsə də, qeyd olunduğu kimi, hələ də reallaşmır. Düzdür, ötən il Əmək və Əhalinin Sosial Müdafiəsi Nazirliyi sosial mənzil fondunun yaradılması istiqamətində ilkin qiymətləndirmələrə başlayıb. Lakin hələlik bunun nəticələri barədə ictimaiyyətə məlumat verilmir. Mütəxəssislər də hesab edir ki, həmin fond işlək formaya düşərsə, dövlət hesabına mənzil alan vətəndaşların sayı arta bilər. Xatırladaq ki, belə fondlar əsasən inkişaf etmiş ölkələrdə, eləcə də qonşu Türkiyədə, həmçinin bir sıra MDB dövlətlərində, məsələn, Rusiyada fəaliyyət göstərir. Türkiyədə sosial mənzil fondu artıq 40 ilə yaxındır fəaliyyət göstərir və aztəminatlı gənclər ayda cüzi məbləğ ödəməklə mənzilə sahib ola bilər.
Yuxarıda qeyd olunduğu kimi, sosial mənzil fondlarının formalaşdırılması Mənzil Məcəlləsində də nəzərdə tutulub. Həmin Məcəlləyə əsasən, sosial kirayə və sosial mənzil fondlarının yaradılması reallaşmalıdır. Sözügedən sənəd sosial kirayə müqaviləsi üzrə verilən yaşayış sahələrinə ehtiyacı olan vətəndaşların aztəminatlı hesab edilməsi əsaslarını və qaydasını da müəyyən edir. Məcəllədə qeyd olunur ki, sosial təyinatlı mənzil fondu dövlət və bələdiyyə mənzil fondlarından sosial kirayə müqavilələri əsasında vətəndaşlara verilən yaşayış sahələrinin məcmusudur. Məcəllədə o da yazılır ki, ayrı-ayrı kateqoriyalardan olan vətəndaşların sosial müdafiəsi üçün yaşayış sahələrinin əvəzsiz istifadə müqavilələri əsasında verilməsi qanunvericiliklə müəyyən edilmiş qayda və şərtlərlə həyata keçirilir. Məcəllənin 5 il əvvəl təsdiq edilməsinə baxmayaraq, hələ də sözügedən fondun yaradılması reallaşdırılmayıb. Özü də Azərbaycanda sosial mənzil fondunun yaradılması üçün maliyyə imkanları olduqca yüksəkdir.
Qeyd olunduğu kimi, sosial evlərin inşası mənzil bazarında qiymət artımlarının da qarşısını ala bilər. Bu isə hətta sosial mənzil fondundan istifadə etməyənlərə də əlverişli qiymətlərlə mənzil almaq imkanı verir.

DİGƏR XƏBƏRLƏR

Tarix: 31.10.2026 / 11:23

Qubadlıda ilk su elektrik stansiyası tikilir...

Tarix: 30.10.2026 / 18:36

Azərbaycan illərdi Transxəzər qaz kəmərindən danışır - Aşqabad indi hərəkətə keçir...

Tarix: 30.10.2026 / 17:04

Azərbaycanda əhali dollarını satır

Tarix: 30.10.2026 / 12:14

Azərbaycanla Gürcüstan arasında yeni sərhəd-keçid məntəqəsi yaradılır...

Tarix: 29.10.2026 / 13:45

"Sahibkar olmayan şəxsin kartına hər gün 5 dəfə pul daxil olması normal deyil" - Mərkəzi Bankın sədri

Tarix: 29.10.2026 / 13:07

“Bank Melli İran” Azərbaycandan gedir? - Mərkəzi Bankdan açıqlama...

Tarix: 29.10.2026 / 11:49

Azərbaycanın strateji valyuta ehtiyatları 89,4 milyard dollara çatdı...

Tarix: 29.10.2026 / 10:43

Mərkəzi Bank illik inflyasiya ilə bağlı proqnozunu açıqladı...

Tarix: 29.10.2026 / 10:04

Mərkəzi Bank uçot dərəcəsini sabit saxladı...

Tarix: 28.10.2026 / 18:30

Tramp "Şimal axını" qaz kəmərini Rusiyadan satın ala bilər...

Tarix: 28.10.2026 / 18:22

İpoteka kreditlərinin verilməsi qaydalarına dəyişiklik edildi

Tarix: 28.10.2026 / 16:15

Ətin qiymətinə görə Ermənistandan da geridəyik - hesabatı kim yayıb?

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Turizm regionlarımızın inkişaf mənbələrindən birinə çevrilir...