Mənzil bazarımızda domino effektli qiymət artımı...

Tarix: 15.04.2014 / 08:41
Bölmə: İqtisadiyyat

Daşınmaz əmlak bazarında son aylarda özünü göstərən bahalaşma getdikcə daha geniş vüsət almağa başlayır. Aparılan araşdırmalar göstərir ki, son iki ayda bahalaşma daha da sürətlənərək 10 faizə çatıb. Son bir ildə isə mənzil bazarında 50 faizdən çox artım olub. Maklerlər bildirir ki, bir il öncə şəhərin mərkəzə yaxın ərazilərində 70-75 min ABŞ dollarına üç otaqlı mənzil almaq olurdusa, indi bu qiymətə yalnız bir və iki otaqlı mənzil tapmaq mümkündür.
Şəhərin mərkəzində qiymətlər bir otaqlı evlər üçün 70-75 min dollar, iki otaqlılar üçün 95-100 min, üç otaqlılar üçün isə 120-150 min dollar arasında dəyişir. O da məlumdur ki, qiymətlərdə artım tək "Sovetski" məhəlləsindəki söküntülərlə bağlı deyil. Araşdırmalar göstərir ki, daşınmaz əmlak bazarında pul kütləsinin təzyiqi qiymətlərin artımına səbəb olur. Həmçinin, insanların gəlirlərinin artması nəticəsində mənzil şəraitlərini daha da yaxşılaşdırma meylləri qiymət artımına təsirsiz ötüşmür. Ekspertlər hesab edir ki, qiymətlərin bahalaşmasının ikinci səbəbi mənzilə real ehtiyacı olan aztəminatlı ailələrin ikiotaqlı, sahəsi kiçik mənzillər tapa bilməməsidir. Əslində, bu gün daşınmaz əmlak bazarında kiçik sahəli mənzillərin qıtlığı hiss olunur. Son nəticədə 1-2 otaqlı mənzillərə daha çox ehtiyac olduğundan, yəni tələb artdığından, bu seqmentdə mənzillərin qiyməti bahalaşır. Nəticədə bahalaşma bütün seqmentə təsirini göstərir. Mənzil bahalaşmasının üçüncü səbəbini dünyada gedən proseslərlə əlaqələndirən ekspertlərin sözlərinə görə, dünyanın inkişaf etməkdə olan ölkələrində mənzil sektorunda bahalaşmanın müşahidə edilməsi Azərbaycandan da yan keçmir.
Yaşanan bahalaşma fonunda paytaxtda kirayə mənzillərin qiyməti də ucuz deyil və burada da bir ildə bahalaşma 40 faizədək artıb. Bu gün elə birotaqlı evlər var ki, onlar üçün kirayə qiyməti 250-300 manat arası dəyişir. Mənzillərin bahalaşmasının ardınca kommersiya obyektləri və torpaq bazarında da qiymət artımları qeydə alınır. "MBA Consulting Group"un 2014-cü il martın 1-nə olan məlumatına əsasən, ilkin mənzil bazarında orta satış qiyməti 1183 dollar olub. Bu seqmentdə ötən ilin oktyabr ayından qiymətlər ardıcıl yüksəlir. Oktyabrda orta satış qiyməti 1070 dollar idi. Son 4 ayda ilkin mənzil bazarında orta qiymət 113 dollar və ya 10,5 faiz artıb.
İlkin bazarın xüsusiyyəti nəzərə alınarsa, bu seqmentdə davamlı bahalaşma nadir faktlardan sayılır. Çünki ilkin mənzil bazarında qiymətdə hər hansı bir dəyişiklik təkrar bazarla müqayisədə az-az baş verir, lakin dəyişiklik baş verdiyi halda qiymətdə müşahidə olunan dəyişiklik daha çox faizlə qeydə alınır. Bir sözlə, təkrar bazardan fərqli olaraq, ilkin mənzil bazarında qiymətlər idarə olunandır.
"MBA Consulting" şirkəti ilkin bazarda qiymətin artmasını paytaxtda söküntü prosesinin artması və tikintinin həcminin azalması nəticəsində ucuz mənzillərin təklif portfelində tədricən tükənməsi, nəticədə əvvəllər satılmayan və ya yüksək qiymətə bazara təklif edilən mənzillərin təklif portfelində paylarının artması ilə əlaqələndirir. Şirkət hesab edir ki, bazarda satış qiymətləri artıma meyllidir. Çünki qiymətlərin artım tempi ətraf regionların paytaxt şəhərlərində daşınmaz əmlakın qiymət artımına, bazarda pul kütləsinin və əhalinin gəlirlərinin artım tempinə uyğundur.
Təkrar mənzil bazarında martın 1-də orta qiymət 1992 dollar olub. Bu seqmentdə davamlı artım ötən ilin avqust ayından müşahidə edilir. Avqustda orta qiymət 1600 dollardan bir qədər yüksək idi. Altı ay ərzində orta satış qiyməti 21 faizdən çox artıb. Kommersiya bazarında orta qiymət martın 1-də 4427 dollara yüksəlib. Burada dekabr ayından bahalaşma müşahidə edilir. 2013-cü ilin son ayında orta qiymət 4017 dollar idi. Son 2 ayda bahalaşma 10,2 faiz olub ki, bu da olduqca yüksək göstəricidir. Hazırda, əvvəlki kimi, ən çox bahalaşma paytaxtın Xətai, Yasamal, Nizami və Nərimanov rayonlarında özünü göstərir. Araşdırmalar göstərir ki, söküntü işlərinin başlanmasından və ipoteka kreditlərinin aktivləşməsindən sonra bu rayonlara olan maraq da tədricən dərinləşir. Bahalaşmaya dövlət müdaxiləsi olmadıqca prosesin davam etməsi qaçılmaz sayılır.

DİGƏR XƏBƏRLƏR

Tarix: 31.10.2026 / 11:23

Qubadlıda ilk su elektrik stansiyası tikilir...

Tarix: 30.10.2026 / 18:36

Azərbaycan illərdi Transxəzər qaz kəmərindən danışır - Aşqabad indi hərəkətə keçir...

Tarix: 30.10.2026 / 17:04

Azərbaycanda əhali dollarını satır

Tarix: 30.10.2026 / 12:14

Azərbaycanla Gürcüstan arasında yeni sərhəd-keçid məntəqəsi yaradılır...

Tarix: 29.10.2026 / 13:45

"Sahibkar olmayan şəxsin kartına hər gün 5 dəfə pul daxil olması normal deyil" - Mərkəzi Bankın sədri

Tarix: 29.10.2026 / 13:07

“Bank Melli İran” Azərbaycandan gedir? - Mərkəzi Bankdan açıqlama...

Tarix: 29.10.2026 / 11:49

Azərbaycanın strateji valyuta ehtiyatları 89,4 milyard dollara çatdı...

Tarix: 29.10.2026 / 10:43

Mərkəzi Bank illik inflyasiya ilə bağlı proqnozunu açıqladı...

Tarix: 29.10.2026 / 10:04

Mərkəzi Bank uçot dərəcəsini sabit saxladı...

Tarix: 28.10.2026 / 18:30

Tramp "Şimal axını" qaz kəmərini Rusiyadan satın ala bilər...

Tarix: 28.10.2026 / 18:22

İpoteka kreditlərinin verilməsi qaydalarına dəyişiklik edildi

Tarix: 28.10.2026 / 16:15

Ətin qiymətinə görə Ermənistandan da geridəyik - hesabatı kim yayıb?

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Turizm regionlarımızın inkişaf mənbələrindən birinə çevrilir...