Mütəxəssislər fermerlərə büdcə yardımının sürətləndirilməsini tövsiyə edir

Tarix: 15.04.2014 / 08:36
Bölmə: İqtisadiyyat

Kənd Təsərrüfatı Nazirliyində 49 849 kənd təsərrüfatı istehsalçısına büdcədən 20 milyon manat məbləğində yardım ayrılması barədə qərar qəbul edilib.
Belə ki, kənd təsərrüfatı məhsullarının istehsalçılarına yardımın ödənilməsi məqsədilə müvafiq sənədlər Maliyyə Nazirliyinə, "Kapital Bank"a və aidiyyəti rayon icra hakimiyyətlərinə göndərilib. Bu vəsait kənd təsərrüfatı məhsullarının istehsalçısı olan hüquqi və fiziki şəxslərə hər hektar əkin sahəsinin becərilməsində istifadə etdiyi yanacaq və motor yağlarına görə dövlət büdcəsinin vəsaiti hesabına 40 manat yardım verilməsi üçündür. Habelə Respublika Komissiyasının iclasında "Aqrolizinq" ASC və digər hüquqi və fiziki şəxslər tərəfindən istehsalçılara satılan mineral gübrələrin dəyərinin orta hesabla 50 faizinin dövlət tərəfindən ödənilməsinin təmin edilməsi üzrə vəsaitlə də bağlı qərar qəbul edilib.
Digər tərəfdən, komissiya 6 satıcı təşkilat, o cümlədən, "Aqrolizinq" ASC, "Aqrokimya" MMC, "Mikro Az Feed" MMC, "ABİS ALARCO" MMC, "Aqro Kompleks Qəbələ" MMC və "İ.E.R. LTD" MMC üzrə 14697 nəfər istehsalçıya 92077,56 hektara görə 50 faiz güzəştlə satılmış 14760826 ton mineral gübrə üçün 4 milyon 12 min manata qədər dövlət büdcəsi vəsaitinin onların hesabına ödənilməsi məqsədilə müvafiq sənədləri Maliyyə Nazirliyinə təqdim edib.
KTN-yə yeni nazir gələndən sonra qurumun fəaliyyətində dönüş yaratmaq istiqamətində müəyyən tədbirlər görülür. Ancaq son aylar ən çox müzakirə olunan məsələlərdən biri də yardımların gecikməsi ilə bağlıdır. Məsələ ondadır ki, bir sıra fermerlərin fikrincə, yardımın vaxtında verilməməsi istehsala mənfi təsir göstərir. Başqa bir tərəfdən, kənd təsərrüfatında iri kooperasiyaların yaradılmasının gecikməsi də bu və ya digər dərəcədə öz təsirini göstərir.
Maraqlıdır, 20 milyon manat yardımın göstərilməsi ilə bağlı KTN-nin qəbul etdiyi qərara ekspertlərin münasibəti necədir?
Məsələyə münasibət bildirən kənd təsərrüfatı üzrə mütəxəssis Vahid Məhərrəmovun sözlərinə görə, yardımların verilməsinin uzadılması işin xeyrinə deyil: "Məsələ ondadır ki, fermerlər bir sıra aqrotexniki qaydaları vaxtında və davamlı şəkildə həyata keçirməlidir. Məsələn, payızda şum qaldırılması, malanın getməsi, səpin və ondan sonra suvarmanın aparılması üçün maliyyə vəsaitinə ehtiyac yaranır. Ona görə də göstərilən yardım bir qədər tez və vaxtında olsa, o zaman fermerlər bundan bəhrələnə bilər. Ancaq sənədləşmə işləri ilə əlaqədar yardımlar gecikir ki, bu da işin ziyanınadır.
Ona görə də sözügedən gecikmənin baş verməməsi üçün yeni mexanizmlər tapılmalıdır. Bu zaman fermerlərə avans da vermək olar. Fermerlər əkinlə məşğul olmasa, o zaman avansın geri qaytarılmasını təmin edə bilərlər. O üzdən, hökumət sözügedən mexanizmi təmin etməklə həm fermerlərin işinə yardım edər, həm də işin vaxtında görülməsini təmin etmiş olar".

DİGƏR XƏBƏRLƏR

Tarix: 10.07.2026 / 20:55

Rusiyada dərin yanacaq qıtlığının Azərbaycana təsirləri gündəmdə...

Tarix: 10.07.2026 / 17:50

Əli Əsədovun rəhbərliyi ilə İqtisadi Şuranın iclası keçirildi - FOTO

Tarix: 10.07.2026 / 15:52

Beyləqan şəhərində fermerlər üçün aqrar sığorta ilə bağlı maarifləndirici təlim keçirilib

Tarix: 10.07.2026 / 14:47

Rusiya alimindən Ermənistan iqtisadiyyatı barədə inanılmaz rəylər - böhran olmayacaq...

Tarix: 10.07.2026 / 13:56

Azərbaycanın xarici dövlət borcu azaldı - 4 milyard 616,8 milyon...

Tarix: 10.07.2026 / 11:58

Rusiya Azərbaycan üzərindən Ermənistana propan və gübrə göndərəcək...

Tarix: 10.07.2026 / 09:17

Azərbaycan və Rusiya Samur çayının bölüşdürülməsini müzakirə edib

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...