Rubldan kütləvi imtina başlana bilər

Tarix: 15.04.2014 / 08:28
Bölmə: İqtisadiyyat

Qərb ölkələrinin şimal qonşumuza qarşı tətbiq etdiyi sanksiyalar rus rublunun dəyərdən düşməsi ilə də xarakterizə olunur. Proseslərin gedişi isə rublun ucuzlaşmasının hələ bundan sonra da davam edəcəyini, belə vəziyyətin isə Azərbaycan-Rusiya iqtisadi münasibƏtlərinə təsirsiz ötüşməyəcəyini göstərir. Rublun ucuzlaşmasına səbəb olan amil isə Qərbin sanksiyaların həcmini genişləndirmək niyyətidir.
ABŞ-ın BMT-dəki səfiri Samanta Pauer bildirir ki, Rusiya Ukraynaya müdaxiləYə son qoymayacağı təqdirdə Amerika Birləşmiş Ştatları rəsmi Moskvaya qarşı daha ciddi sanksiyalar təTbiq edəcək. O qeyd edib ki, Rusiya Krımda oynadığı oyunları Ukraynanın şərq hissəsində indi daha peşəkar şəkildə təkrar edir: "Artıq Rusiyaya qarşı tətbiq olunan sanksiyalar rublun dəyərini tarixdə ilk dəfə bu qədər aşağı salıb. Rusiyanın səhmləri 20 faizə qədər aşağı düşüb. Sərmayədarlar pərən-pərən düşüb qaçırlar. Sanksiyaların bu ölkəyə təsir etdiyini görürük. Rəsmi Moskva bu fəaliyyətinə davam etsə, sanksiyaları daha da artıracağıq".
Amerika hökumətinin Rusiyanın enerji, bank, mədən sahələrinə sanksiyalar tətbiq etməsi üçün prezident Barak Obama da artıq sənəd imzalayıb.
Bütün bunlar fonunda Rusiya səhm bazarında da ciddi ucuzlaşma müşahidə olunur. MMVB indeksi, RTS indeksi isə xeyli düşüb. "Rostelekom", "İnter RAO EES", "Rossiyskiye seti", "Sberbank Rossii", "Qazprom neft", "Qazprom", "LUKoyl" və digər şirkətlərin səhmləri sürətlə ucuzlaşır. Dünya bazarında Rusiyanın əsas gəlir qaynaqlarından olan neftin qiyməti də ucuzlaşmağa başlayıb. Bütün bunlar sanksiyaların Rusiya iqtisadiyyatına təsir göstərdiyini aydın nümayiş etdirir. Bu fonda, qeyd olunduğu kimi, rubl da sürətlə dəyərdən düşür.
Xatırladaq ki, rus rublu bivalyuta səbəti əsasında müəyyən olunur. Bu bivalyuta səbətinin 55 faizi dollar, 45 faizi avrodur. Ona görə də son bir neçə gündə dünya bazarlarında dolların müəyyən qədər möhkəmlənməsi rublun kursuna təsir göstərib. Digər tərəfdən də rubl neftin qiymətindən birbaşa asılı olan valyutalardandır. Ölkəmizdə də manat Rusiya rubluna nisbətdə bahalaşır. Manatın rubla nisbətən bahalaşmasının səbəbini isə ekspertlər yenə dollar amili ilə izah edir. Rusiyada rublun dollara nisbətən məzənnəsi aşağı düşürsə, bu, rublun manata nisbətən də aşağı düşməsinə gətirib çıxarır. Rubl dollara nisbətən möhkəmlənirsə, müvafiq olaraq, manata nisbətən də möhkəmlənir. Çünki manatın rubla, funt-sterlinqə və avroya çarpaz məzənnəsi var.
Rusiyalı maliyyə analitiklərinin fikrincə, rublun məzənnəsinin düşməsi ölkədə yaxın zamanlar ərzində qiymət artımına gətirib çıxaracaq. Analitiklər onu da deyir ki, qiymətlərin artması həm də Rusiya pərakəndə ticarət bazarında 40 faiz mal ehtiyatının idxal nəticəsində formalaşması ilə bağlıdır. Bu isə, faktiki olaraq, qiymətlərin qalxmasına təkan verir.
Qeyd olunduğu kimi isə, ekspertlər rus rublunun ucuzlaşmasının Azərbaycana da təsirsiz ötüşməyəcəyini deyir. Çünki Rusiya bizim əsas ticarət partnyorlarımızdandır. Rublun ucuzlaşması şimal qonşularımızdan gələn idxalın həcminin artmasına səbəb olacaq. Çünki manatın bahalaşması hesabına bu ölkədən gətirilən mallar xeyli ucuz olacaq ki, bu da yerli istehsalın rəqabət qabiliyyətini azaldacaq. Eyni zamanda bu, xaricdən göndərilən pul baratlarına da təsir göstərir. Çünki rublla qazanan soydaşlarımız Azərbaycana pul göndərəndə ya Rusiyada dollara çevirib göndərir, ya da Azərbaycanda manata çevirir. Bu isə soydaşlarımızın qazandığı pulun dəyərsizləşməsi deməkdir. Qeyd edək ki, Azərbaycanın idxalının təxminən dörddə biri məhz Rusiyadan gəlir. Bütün bunlar bir daha təsdiq edir ki, rubl ətrafında baş verənlər təkcə Rusiyaya yox, MDB-nin digər ölkələrinə, o cümlədən Azərbaycana da təsir edir. Onu da bildirək ki, ölkəmizdə əhalinin bir hissəsi banklara əmanətlərini rus rublu ilə yatırıb. Gözlənir ki, rubl ucuzlaşmaqda davam edərsə, əhali əlində olan rublu başqa valyutaya dəyişəcək. Banklar da rublla olan valyuta ehtiyatları ilə bağlı analoji addımlar ata bilər. Bu vəziyyət isə rubldan kütləvi imtinaya gətirib çıxarmaq iqtidarındadır.

DİGƏR XƏBƏRLƏR

Tarix: 31.10.2026 / 11:23

Qubadlıda ilk su elektrik stansiyası tikilir...

Tarix: 30.10.2026 / 18:36

Azərbaycan illərdi Transxəzər qaz kəmərindən danışır - Aşqabad indi hərəkətə keçir...

Tarix: 30.10.2026 / 17:04

Azərbaycanda əhali dollarını satır

Tarix: 30.10.2026 / 12:14

Azərbaycanla Gürcüstan arasında yeni sərhəd-keçid məntəqəsi yaradılır...

Tarix: 29.10.2026 / 13:45

"Sahibkar olmayan şəxsin kartına hər gün 5 dəfə pul daxil olması normal deyil" - Mərkəzi Bankın sədri

Tarix: 29.10.2026 / 13:07

“Bank Melli İran” Azərbaycandan gedir? - Mərkəzi Bankdan açıqlama...

Tarix: 29.10.2026 / 11:49

Azərbaycanın strateji valyuta ehtiyatları 89,4 milyard dollara çatdı...

Tarix: 29.10.2026 / 10:43

Mərkəzi Bank illik inflyasiya ilə bağlı proqnozunu açıqladı...

Tarix: 29.10.2026 / 10:04

Mərkəzi Bank uçot dərəcəsini sabit saxladı...

Tarix: 28.10.2026 / 18:30

Tramp "Şimal axını" qaz kəmərini Rusiyadan satın ala bilər...

Tarix: 28.10.2026 / 18:22

İpoteka kreditlərinin verilməsi qaydalarına dəyişiklik edildi

Tarix: 28.10.2026 / 16:15

Ətin qiymətinə görə Ermənistandan da geridəyik - hesabatı kim yayıb?

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Turizm regionlarımızın inkişaf mənbələrindən birinə çevrilir...