Beynəlxalq Bank özəlləşdirilir

Tarix: 14.04.2014 / 09:58
Bölmə: İqtisadiyyat

Məlum olduğu kimi, ölkənin maliyyə sektorunda öz xüsusi çəkisi ilə seçilən Azərbaycan Beynəlxalq Bankının (ABB) özəlləşdirilməsi uzun müddətdir ki, gündəmdədir. İndiyə qədər bu istiqamətdə hansısa addım atılmasına baxmayaraq, belə görünür, hökumət sözügedən bankın özəlləşdirilməsində maraqlıdır. Belə ki, artıq Beynəlxalq Bankın səhmləri satışa çıxarılır.
Ekspertlər hesab edir ki, bu bankda dövlətin payının azaldılması özəl banklarda sağlam rəqabət mühitinin güclənməsinə təkan verəcək. Ölkənin ən iri kommersiya bankının özəlləşdirilməsi eyni zamanda dövlət büdcəsinə milyonlarla manat əlavə vəsaitin daxil olmasına imkan verəcək.
Bankın özəlləşdirilməsilə bağlı səhmlərin satışı aprelin 14-dən etibarən həyata keçiriləcək. Nəzərdə tutulan bir səhmin nominal dəyəri 26 qəpikdir. Bakı Fond Birjasından verilən məlumata görə, 195 milyon manata yaxın səhm artıq yerləşdirilib. İnvestorların marağı olarsa, aprelin 14-də növbəti 5 milyon manat məbləğində 20 milyon 533 min ədəd səhmin də emissiyası həyata keçiriləcək. Satınalma prosesi mayın 25-dək davam edəcək. Bankın satışa çıxaracağı səhmlərin ümumi məbləği 200 milyon manatdır. Mütəxəssislərə görə, proses kommersiya banklarında xalis rəqabət mühitini yaratmaqla, özəl biznesin bank sektorunda iştirakını təmin edicək. Səhmlərinin satışa çıxarılması eyni zamanda Beynəlxalq Bankda yeni idarəetmə forması olan korporativ idarəetmə sisteminin yaranmasına səbəb olacaq. Yəni artıq bankda söz sahibi özəl investorlar olacaq.
Bundan əvvəl də Bynəlxalq Valyuta Fondu Azərbaycan hökumətinə tövsiyə edib ki, Azərbaycan Beynəlxalq Bankının ölkənin maliyyə sektorunda rolu azaldılmalıdır. Qeyd edək ki, BVF Beynəlxalq Bankın özəlləşdirilməsində əsas maraqlı tərəflərdən biri kimi çıxış edir. Fond tərəfindən o da vurğulanır ki, Beynəlxalq Bank özəlləşdirilməli və nisbətən daha kiçik banka çevrilməlidir. İqtisadçı-ekspertlər də bildirir ki, adıçəkilən bankın özəlləşdirilməsi müsbət haldır. Xatırladaq ki, hələ iki il əvvəl Beynəlxalq Bankın özəlləşdirilməsi üçün maliyyə məsləhətçisi seçilib. Bankın nizamnamə kapitalındakı dövlətə məxsus payın azaldılması və özəlləşdirilməsi şərtlərinə dair təkliflərin hazırlanması üçün məsləhətçi qismində "PraysvoterhausKupers Audit Azərbaycan" Məhdud Məsuliyyətli Cəmiyyəti, "ROTHSCHILD & CIE" şirkəti və "Salans UK Limited" şirkətinin Azərbaycanda qeydiyyatdan keçmiş filialından ibarət konsorsium çıxış edir. Məlumat üçün bildirək ki, Beynəlxalq Bank ölkənin ən kapitallaşdırılmış bankıdır. Bank bazar payına və əmanətlərin həcminə görə Azərbaycanda ən böyük bank sayılır. Bankın nizamnamə fondunun 50,2 faizi dövlət müəssisələrinin, 3,27 faiz qeyri-dövlət müəssisələrinin, 38,63 faiz fiziki şəxslərin, 7,9 faiz xarici təsisçilərin payına düşür. Xatırladaq ki, Azərbaycan və regionun ən iri bank kredit təşkilatı olan ABB 1992-ci ildən fəaliyyət göstərir. 1998-ci ildən bankın özəlləşdiriləcəyi barədə məlumatlar bir çox xarici sərmayədarları da həvəsə gətirmişdi. Lakin o vaxtdan indiyə kimi özəlləşdirmə istiqamətində hər hansı addım atılmamışdı. İndi gözlənir ki, hökumətin bankı özəlləşdirməsi xarici sərmayədarların diqqətini yenidən bu məsələyə yönəldəcək. Digər tərəfdən, ekspertlər belə bir məqama diqqət çəkir ki, Beynəlxalq Bankın səhmlərinə nəzarət Azərbaycanın bank sektorunda aparıcı mövqe sahibi olmaq deməkdir. Lakin yerli iş adamları və müəssisələrin də bu istiqamətdə ciddi addımlar atacağı gözlənir.
"Moody":::s Investor Service" beynəlxalq reytinq agentliyi də hesab edir ki, Azərbaycan Beynəlxalq Bankının özəlləşdirilməsi onun fəaliyyətinə müsbət təsir edəcək: "Bankın özəlləşdirilməsi onun dominant statusuna kömək edərdi, çünki ABB kapitalın artmasından faydalanar ki, bu da iri şirkətlərin və həmçinin geniş distribütor şəbəkəsi vasitəsilə böyük müştərilər dairəsinin maliyyələşdirilməsini artırardı". Agentlik qeyd edir ki, özəlləşdirmə həm də bank sektorunun rəqabət dinamikasının yaxşılaşdırılmasına və bankın ümumi maliyyə göstəricilərinin möhkəmləndirilməsinə səbəb olardı. Hazırda hesab olunur ki, aksiyaların emissiyaları nəticəsində Azərbaycan Beynəlxalq Bankının kapitalı əhəmiyyətli dərəcədə artacaq. Bu isə yenə sözügedən bankın dominant mövqedə qalmasını təmin edəcək. Hələlik isə qeyd edilən bankın səhmlərinin alınmasına kifayət qədər yüksək marağın olacağı gözlənir.

DİGƏR XƏBƏRLƏR

Tarix: 31.10.2026 / 11:23

Qubadlıda ilk su elektrik stansiyası tikilir...

Tarix: 30.10.2026 / 18:36

Azərbaycan illərdi Transxəzər qaz kəmərindən danışır - Aşqabad indi hərəkətə keçir...

Tarix: 30.10.2026 / 17:04

Azərbaycanda əhali dollarını satır

Tarix: 30.10.2026 / 12:14

Azərbaycanla Gürcüstan arasında yeni sərhəd-keçid məntəqəsi yaradılır...

Tarix: 29.10.2026 / 13:45

"Sahibkar olmayan şəxsin kartına hər gün 5 dəfə pul daxil olması normal deyil" - Mərkəzi Bankın sədri

Tarix: 29.10.2026 / 13:07

“Bank Melli İran” Azərbaycandan gedir? - Mərkəzi Bankdan açıqlama...

Tarix: 29.10.2026 / 11:49

Azərbaycanın strateji valyuta ehtiyatları 89,4 milyard dollara çatdı...

Tarix: 29.10.2026 / 10:43

Mərkəzi Bank illik inflyasiya ilə bağlı proqnozunu açıqladı...

Tarix: 29.10.2026 / 10:04

Mərkəzi Bank uçot dərəcəsini sabit saxladı...

Tarix: 28.10.2026 / 18:30

Tramp "Şimal axını" qaz kəmərini Rusiyadan satın ala bilər...

Tarix: 28.10.2026 / 18:22

İpoteka kreditlərinin verilməsi qaydalarına dəyişiklik edildi

Tarix: 28.10.2026 / 16:15

Ətin qiymətinə görə Ermənistandan da geridəyik - hesabatı kim yayıb?

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Turizm regionlarımızın inkişaf mənbələrindən birinə çevrilir...