Rio olimpiyasından sonra Azərbaycan idmanında çox ciddi müzakirə və qərarlar zərurətə çevrilir...

Tarix: 19.08.2016 / 01:53
Bölmə: İdman

Elxan Qarayev: "İdman sahəsini daha da inkişaf etdirmək üçün bölgələrdə idman məktəbləri açılmalıdır"

Elçin Cəfərov: "Rio Olimpiya Oyunları hələ davam edir, nəticələr hər an dəyişə bilər"

"Rio-2016" Olimpiya Oyunlarına qatılan idmançıların bəzi yarışlarda göstərdiyi uğursuzluq idmansevərləri məyus edir. Olimpiya Oyunlarında iştirak edən idmaçılarımız, onların məşqçiləri, eləcə də əhali üçrəngli bayrağımızın kürsüdə dalğalanmasını istəyir. Olimpiya Oyunlarına yollanan idmançıların, xüsusilə də legioner idmançıların zəif nəticə göstərməsi bu sahədə bəzi boşluqların olduğunu üzə çıxardı.

Düzdür, bu gün dövlətimiz tərəfindən idmanın inkişafına xüsusi qayğı göstərilir. Ölkədə idman kompleksləri tikilib istifadəyə verilib. Hətta Olimpiadada qalib olacaq idmançılara veriləcək mükafatın məbləği bir çox ölkədən üstündür.

Qeyd edək ki, Olimpiadaya iştirak üçün ölkəmizdən 56 idmançı yollanıb. İdmançıların bir qismi legionerlərdir. Qalib olmayan idmançılar arasında legionerlərin üstünlük təşkil etməsi təəssüf doğurur.

Ölkəmizdə idmançıların rahat şəkildə məşqi üçün müasir idman kompleksləri tikilib istifadəyə verilib. Həmin komplekslərdə idmançılarla yanaşı, sadə vətəndaşlar da məşq edə bilər. Ancaq sadə vətəndaşlar həmin komplekslərdə məşq etmək üçün müəyyən məbləğdə pul ödəməlidir. Təkliflər səslənir ki, həmin komplekslərdən istifadə haqqı hər kəsin büdcəsinə uyğun olsun. Bu, vətəndaşlarımızın həvəslə idmanla məşğul olmasına imkan yaradar.

Sumqayıt İdman Kompleksinin nümayəndəsi bizimlə söhbətində bildirdi ki, burada gündəlik məşqlər keçirilir: "Hər idman növü üzrə məşq etmək üçün ayrıca məbləğ müəyyən olunub. Məsələn, üzgüçülüklə məşğul olmaq istəyən balacalar 25 manat, böyüklər isə 30 manat ödəməlidir. Cüdo üzrə məşğul olanlar isə 20 manat ödəməlidir".

Bakı Olimpiya İdman Kompleksinin təsərrüfat müdiri Mədət müəllim qəzetimizə açıqlamasında bildirdi ki, kompleksdə bədii gimnastika və voleybol idman növlərinə xüsusi diqqət yetirilir: "Burada professional məşqlər keçirilir".

Bakı şəhəri Nizami rayonu Uşaq və Gənclərin Yaradıcılıq Mərkəzində də idman təlimləri keçirilir. Burada bədii gimnastika, taekvando üzrə məşqlər olur. Peşəkar idman ustalarının təlimində yaş kateqoriyaları üzrə, ayrı-ayrılıqda məşqlər təşkil olunur. Qurumdan verilən məlumata görə, burada məşqlərin aylıq qiyməti 20 manatdır. Ay ərzində 8 məşq keçirilir. Yaş fərqindən asılı olmayaraq, məşqin aylıq qiyməti dəyişməz olaraq qalır.

Məlum olduğu kimi, "Rio-2016" Olimpiya Oyunlarında üzgüçülük üzrə mübarizəyə qatılan idmançılarımız məğlubiyyətlə üzləşib.

Vətəndaşlarımız idmançıların peşəkar səviyyədə yetişməsi, məşqlər keçməsi üçün üzgüçülük hovuzlarının yetərli sayda olmamasından gileylənir. Həmçinin, hovuzlarda qiymətlərin baha olması hamını hiddətləndirir. Mütəxəssislər də hesab edir ki, idman komplekslərində üzgüçülüklə məşğul olmaq əksəriyyət üçün baha başa gəlir. Məlumat üçün bildirək ki, üzgüçülük hovuzlarında qiymətlər müştərilərin yaşından və məşqçinin iştirakından asılı olaraq dəyişir.

Apardığımız araşdırma zamanı məlum oldu ki, ən bahalı qiymətlər Bakı Su İdmanı Sarayındadır - böyüklər üçün 105 manat, uşaqlar üçün 30-40 manat. Məşqçi ilə üzsəniz, ödəniş 3 dəfə artacaq. Bu məbləğ bir ay üçün keçərlidir.

"Aura" idman kompleksində isə qiymətlər aşağıdakı kimidir:

45 manat (12 yaşadək uşaqlar üçün),

65 manat (12 yaşdan yuxarı uşaqlar üçün),

65 manat (böyüklər, məşqçi ilə).

İdman mərkəzlərində idmanın istənilən növü üzrə yeniyetmə və gənclərin pulsuz məşğul olmasına necə şərait yaratmaq olar? İdman mütəxəssisi Elxan Qarayev qeyd etdi ki, tarixən azərbaycanlılar idmana meylli olub: "İdmanı sevmək, onunla məşğul olmaq qanımızda var. Kim idmanın hansı növünü sevirsə, onunla mütəmadi məşğul olur. Bəlli, bu gün ölkədə idman mərkəzləri, idman klubları mövcuddur. Həmin mərkəzlərdə həm ciddi təlimlər keçirilir, həm də idmanın sirlərini öyrənmək üçün lazımi imkanlar var. Əslində, məşqlər üçün təyin olunan məbləğ elə də böyük deyil. Kimsə istedadlıdırsa və onun o məbləği ödəməyə imkanı çatmırsa, o şəxsə pulsuz məşq üçün şərait yaradılır".

Həmsöhbətimiz hesab edir ki, idman sahəsini daha da inkişaf etdirmək üçün bölgələrdə idman məktəbləri açılmalıdır.

Azərbaycan Güləş Federasiyasının vitse-prezidenti Elçin Cəfərov "Bakı-Xəbər"ə açıqlamasında qeyd etdi ki, Rio Olimpiya Oyunları hələ davam edir. Nəticələr hər an dəyişə bilər: "Dünyanın istənilən ölkəsində legioner idmançılar var.

Həmin legioner bizim bayrağımızı, dövlətçiliyimizi qəbul edərək bizim üçün mübarizəyə qatılırsa, əlavə söz deməyə ehtiyac yoxdur".

E.Cəfərovun sözlərinə görə, Olimpiya Oyunları bitəndən sonra hər bir federasiya öz hesabatını hazırlayacaq: "Mariya Stadnik kimi qadın idmançı neçə ilə yetişə bilər? Sambo üzrə Zülfiyyə Hüseynovanı əvəz edən yoxdur indi. Bu idmançıları əvəz edən yoxdur. Varsa, çıxsınlar ortaya".

Günel CƏLİLOVA

DİGƏR XƏBƏRLƏR

Tarix: 23.08.2026 / 11:48

Sidney Marafonu təşkilatçılarının səhvi sosial mediada açıldı - medallara səhvən Münhen stadionunun şəkli vuruldu…

Tarix: 15.08.2026 / 18:26

İlham Zəkiyev 10-cu dəfə Avropa çempionu oldu

Tarix: 03.08.2026 / 13:56

Bosfor Qitələrarası Üzgüçülük Yarışı 38-ci dəfə keçiriləcək

Tarix: 29.07.2026 / 13:00

Futbol dünyası ŞOKda... FİFA prezidentinə milyardlarla dollarlıq gizli təklif - Tramp ailəsi Dünya Kubokunu ələ keçirir...

Tarix: 26.07.2026 / 11:50

Ermənistan güləşçiləri dünya çempionatında iştirak etmək üçün Bakıya gəldi

Tarix: 20.07.2026 / 18:10

Aslan Ercan beynəlxalq karate turnirində qızıl medal qazandı - FOTO

Tarix: 19.07.2026 / 11:37

Üçüncü yer uğrunda Fransa-İngiltərə oyunu tarixə düşdü...

Tarix: 19.07.2026 / 09:22

İspaniya, yoxsa Argentina? - Bu gün dünya çempionu bəlli olacaq...

Tarix: 18.07.2026 / 10:10

DŞ-2026: 3-cü yer uğrunda mübarizə başlayır - İngiltərə-Fransa

Tarix: 16.07.2026 / 13:18

Federasiya Hidayət Heydərovu sosial şəbəkə paylaşımlarına görə cəzalandırdı

Tarix: 15.07.2026 / 10:07

Fransa məğlub oldu - İspaniya 2010-cu ildən bəri ilk dəfə Dünya Kubokunun finalında...

Tarix: 15.07.2026 / 09:44

DÇ-2026: İngiltərə Argentinaya qarşı

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 24.08.2026 / 20:58

Azərbaycan-Özbəkistan əməkdaşlığı dünya üçün Avrasiya məkanının strateji əhəmiyyətini artırır

Tarix: 24.08.2026 / 14:41

Ermənistan xarici siyasətdən Rusiyanı tamamilə silmək yolunu tutdu...

Tarix: 20.08.2026 / 21:55

Azərbaycan və daha 2 türk dövləti Avrasiyanın "orta gücləri"nə çevrilir...

Prezidentin xüsusi nümayəndələrinin daha səmərəli fəaliyyəti üçün zəruri şərt... Bu olarsa...