Milli Məclisin Səhiyyə Komitəsinin sədri, AMEA-nın Biologiya və Tibb elmləri bölməsinin akademik-katibi, akademik Əhliman Əmiraslanov Rusiya Federasiyası Dağıstan Respublikasının Prezidentinin fərmanı ilə Azərbaycan və Dağıstan Respublikaları arasında elmi əməkdaşlığın inkişafındakı xidmətlərinə görə “Dağıstan Respublikasının Əməkdar elm xadimi” fəxri adına layiq görülüb.
Azərbaycanda rəsmi səfərdə olan Dağıstan Respublikası Xalq Məclisinin sədri Xizri Şixsaidov dünən Milli Məclisdə “Dağıstan Respublikasının Əməkdar elm xadimi” diplomunu və döş nişanını Əhliman Əmiraslanova təqdim edib. Görüşdə Azərbaycan və Dağıstan Respublikaları arasındakı əlaqələrin qədim tarixə malik olduğu və bundan sonra daha da möhkəmlənəcəyi qeyd edilib.
