"Genel Kurmayda" son 15 ildə təlim-tədris keçmiş Azərbaycan zabitlərinə qərəzli şübhələrin əsassızlığına daha bir münasibət...

Tarix: 29.07.2016 / 02:21
Bölmə: Gündəm

Üzeyir Cəfərov: "Bu illər ərzində respublikanın əlaqədar qurumlarında bir dənə də olsun belə fakta rast gəlinməyib"

"Bizdə prosesləri nəzarətdə saxlamaq asandır"

Türkiyədə baş verən hərbi çevrilişə cəhd addımından sonra bir çox sahələrdə gülənçi ovuna başlanıb. Görünən budur ki, bəzi dairələr bu dalğanın qonşu ölkələrdə də davam etdirilməsində maraqlı görünür.

Məhz bu səbəbdən də müxtəlif adlar çəkilir, onların da gülənçi şəbəkəyə bağlılığı iddia edilir. Yayılan belə şaiələrdən biri də Azərbaycan Ordusunda qulluq edən zabitlərlə bağlıdır. Guya son 15 ildə Türkiyə Baş Qərargahında təlim və təhsil almış azərbaycanlı zabitlərin arasında da gülənçilərin təsiri altına düşənlər ola bilər. Bu şaiələri nə dərəcədə əsaslı saymaq olar? Artıq bu sualın rəsmi cavabı verilib.

Azərbaycan müdafiə nazirinin müavini, general-leytenant Kərim Vəliyev Türkiyə ordusunda baş verən son hadisələrin Azərbaycan Silahlı Qüvvələrinə təsir edə biləcəyi ilə bağlı iddialara cavab verib. K.Vəliyev bildirib ki, nurçular və ya digər radikal cərəyanların Silahlı Qüvvələrimizə təsir göstərməsi istisna edilir və bunun üçün heç bir zəmin yoxdur: "Bu kimi məsələlər Silahlı Qüvvələrin Ali Baş Komandanı İlham Əliyevin ciddi nəzarəti altındadır. Müdafiə Nazirliyinin rəhbərliyi, komandanlıq, eləcə də müvafiq təhlükəsizlik orqanları tərəfindən bu sahədə ehtimal olunan hər hansı cəhdin qarşısı isə dərhal və birdəfəlik alınacaq".

K.Vəliyev bildirib ki, bu gün ordumuzda aparılan ideoloji təbliğat işləri, dövlətçilik ənənələrinin qorunması və Ali Baş Komandana sadiqlik Silahlı Qüvvələri bütün xarici və daxili radikal təsirlərdən uğurla qorumağa imkan verir: "Türkiyəli hərbi müəllimlərin və digər mütəxəssislərin Azərbaycan Silahlı Qüvvələrində çalışması məsələsinə gəlincə isə bildirirəm ki, 2000-ci illərdən Türkiyənin müəllim və təlimatçıları ordumuzda çalışmır və fəaliyyət göstərmirlər. Azərbaycandan kənarda qardaş Türkiyədə, o cümlədən digər dövlətlərdə təhsil alan hərbi qulluqçularımızla həmin ölkələrdəki hərbi attaşelik aparatlarımız, səfirliklərimiz mütəmadi əlaqə saxlayır və onların fəaliyyətləri daim nəzarətdədir. Bu səbəbdən də azərbaycanlı kursantların Türkiyədə baş verən son hadisələrdə adlarının hallandırılmasının da heç bir əsası yoxdur".

Hərbi ekspert Üzeyir Cəfərov qəzetimizə açıqlamasında bildirdi ki, Türkiyədəki hadisələri bütün ordunun adı ilə bağlamaq doğru deyil: "Bir qrup şəxsin etdiyi cəhdlə bağlı ciddi araşdırmalar aparılır. Zaman keçdikcə hər bir məsələ öz yerini tutacaq və ümidvaram ki, bir çox hərbçilər bəraət alacaq. Çünki deyilən sayda hərbçinin gülənçi olması inandırıcı görünmür. İndiyə qədər 1200 hərbçi azad olunub. Məsələnin Azərbaycanla bağlı aspektinə gəldikdə isə, bununla bağlı MN konkret mövqe bildirdi. Güman etmirəm ki, Türkiyədə təhsil alan hərbçilərimizin içərisində hansısa təriqətə bağlı olanlar olsun. Bu illər ərzində respublikanın əlaqədar qurumlarında bir dənə də olsun belə fakta rast gəlinməyib. Hərbi Prokurorluğun açıqladığı statistikaya baxın, əminəm ki, tapa bilməzsiniz. Çünki Azərbaycan hərbçiləri yalnız öz təhsil və biliklərini artırmaqla maraqlanıb.

Bu faktı Türkiyədəki müəllimlər də dəfələrlə təsdiq edib. Miqyas baxımından da Türkiyə Azərbaycandan çox böyükdür. Buna görə də bizdə prosesləri nəzarətdə saxlamaq asandır".

Məhəmmədəli QƏRİBLİ

DİGƏR XƏBƏRLƏR

Tarix: 10.05.2026 / 11:58

Qeyri-adi yetənəyi ilə məşhurlar siyahısına düşən soydaşımız - Günay Həsənova

Tarix: 09.05.2026 / 06:39

Bu gün QƏLƏBƏ günüdür

Tarix: 09.05.2026 / 06:14

İran BMT-yə çağırış etdi - “ABŞ-ı qınayın”…

Tarix: 09.05.2026 / 06:04

Trampı tabutda təsvir etdi, altına “kaş ki…” yazdı - Ağ Ev şokda…

Tarix: 06.05.2026 / 14:30

Türk Dünyasında İnteqrasiya və Texnoloji dönüş: Bakıda strategiya və qardaşlıq vurğusu

Tarix: 06.05.2026 / 08:39

Meloni “deepfake”i “təhlükəli silah” adlandırdı - zarafatından da qalmadı

Tarix: 06.05.2026 / 08:29

Pentaqonun delfin-kamikadzeləri? - Hegseth inkar etmədi…

Tarix: 06.05.2026 / 08:09

Moskva Qələbəni “İD məğlubiyyəti” ilə keçirəcək - İnternetsiz…

Tarix: 06.05.2026 / 07:56

ABŞ müharibəyə “qaldığı yerdən” davam edəcək - İranla danışıqlar uğursuz olarsa…

Tarix: 06.05.2026 / 07:41

İran BƏƏ-yə hücum iddialarını rədd edir - "dağıdıcı və təəssüf doğuran cavab" gündəmdə…

Tarix: 05.05.2026 / 21:37

Arxiyepiskop tərəfdarları səsini Makrona çatdıra bilmədi - Gümrüdə…

Tarix: 04.05.2026 / 17:22

Tenderlərin MMC-lər arasında şübhəli "ötür-ötürü" ölkəni bürüyüb - Bakı İH nümunəsi...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.05.2026 / 17:38

Prezident İlham Əliyev və Mehriban Əliyeva Şükürbəyli kəndinə köçən sakinlərlə görüşdü - FOTO/YENİLƏNDİ

Tarix: 07.05.2026 / 22:18

Gürcüstanla Rusiya Zəngəzur dəhlizinə alternativ hazırlayır - qonşumuzdan yeni davranış...

Tarix: 07.05.2026 / 17:18

Azərbaycandan keçən yollar Avrasiyada müharibələrdən təsirlənməyən yeganə marşrut oldu...

“Böyük qayıdış” müasir şəhərsalma mədəniyyətinə böyük töhfələr verir...