Tatarıstanın Kazan şəhərində şok olay yaşanıb. Baki-xeber.com-un gazeta.ru saytından əldə etdiyi xəbərə görə, şəhərdəki Korston otelində qətl törədilib. Hadisənin şok edici tərəfi isə ondan ibarətdir ki, öldürülən ana, onu qətlə yetirən isə 19 yaşlı öz oğludur.
Əslində qətl hadisəsi dekabrın 11-də törədilib. Onun bu gün rezonans verməsinə səbəb isə həmin ailənin biznes dairələrində tanınmış isim olmasıdır. Belə ki, qətli törədən şəxs Rusiya milyarderi İqor Sosinin oğlu Yeqor, qətlə yetirdiyi qadın isə milyarderin birinci həyat yoldaşı və Yeqorun anası Anastasiyadır. Oteldən bildirildiyinə görə, onlar otelə gündüz saatlarında gəliblər. Gecə saatlarında isə gənc anasını boğaraq qətlə yetirib. "Hadisə yerinə gələn polislər otelin koridorunda güclu narkotikin təsiri altında olan Yeqoru görüblər, otaqda isə anasının üzərində zorakılıq əlamətləri olan meyiti aşkarlanıb” - deyə Kazan DİN-dən bildiriblər. Onların müalicə məqsədilə Kazana gəldiyi bildirilir. Bu barədə Yeqor Sosin polisdə verdiyi açıqlamada da bildirib. Gəncin rabitəsiz danışığı və əsəbi hərəkətləri onun narkotik asılılığında olduğundan xəbər verir. Polisin çəkdiyi videoda o, Korston otelin çılpaq bədənə geydiyi xalatında görüntülənir. "Biz anamla hansısa müalicə prosedurunda görüşdük, sonra otelə gəldik, anam mənə hansısa həblər verdi, bundan sonra hallüsinasiyalar başladı”- deyə Yeqor durmadan eyni sözləri təkrarlayır, hətta hazırda da hallüsinasiyalar gördüyünü deyir və indicə huşunu itirəcəyini bildirir. Yeqorun anası Anastasiya isə hansısa "Blyuz” firmasında işləyib və sosial şəbəkələrdəki yazışmalarından onun çox səyahət etdiyi bəlli olur. Oliqarxın özünə gəldikdə isə, İqor Sosin "Qoca Xottabıç” mağazalar şəbəkəsinin sahibi kimi məşhurdur. Lacivərd sahil kurortlarının daimi müştərisi olan Sosinin Şeron Stounun iştirak etdiyi tədbirə qatılmaq üçün yeni həyat yoldaşına bir neçə milyonluq paltar alması ilə bomondun gündəminə gəldiyi bildirilir.
