"Günəşli"nin zülmət səması...

Tarix: 12.12.2015 / 00:32
Bölmə: Gündəm

("Günəşli" neft yatağında baş verən dəhşətli faciədə həlak olanların, itkin düşənlərin ailələrinə başsağlığı verir, səbr diləyirəm. Allah rəhmət eləsin!)

Həmin gecə dənizin də üzü döndü, günəşin də. Odla su sanki çoxdankı ədavətlərinin intiqamını almaq üçün əlbəyaxa döyüşə girmişdilər. Lakin nə od suya təslim olmaq istəyirdi, nə də su oda.

Çanax isə "qara qızıl"ın qara bəxtli insanlarının başında çatlamış oldu, qəzəbli dalğalar da heyfini zavallı neftçilərdən aldı həmin qasırğalı gecə. O neftçilər ki, odla su arasında qalan bu binəvalar çarəsizlikdən suyu "işıq yanan tərəf" zənn edərək göy dalğaların qoynunda sığınmaq istədilər. Saf suları paklıq rəmzi hesab etdiklərindən, nicat yolu, pənah yeri kimi odun qəzəbindən qaçıb suyun arxasında gizlənmək istədilər. Onlar nə bilsinlər ki, həm də aydınlıq simvolu olan saf sular da kükrəyib coşacaq, onların nakam taleyini birdəfəlik qaranlıqlara göməcəkmiş. "Damlanın içində həyat, dalğanın içində ölüm" olduğundan xəbərləri olsa da belə, görünür, bu qanunauyğunluqdan kənara çıxmaq elə də asan deyilmiş həmin dəqiqələrdə. Yaşamaq uğrunda mübarizə anında çarpışarkən bəlkə də bütün bunları düşünmək iqtidarından da məhrum olur insan.

Bu tükürpədən, acıdan-acı olayların təfərrüatlarına vardıqca bir anlıq insanın əli hər şeydən üzülür sanki, olum, ya ölüm... Həmin dəhşətli gecədə hər kəsin isti yataqda hər şeydən bixəbər uyuduğu anda kimlərinsə ölüm, ya qalım çabasında çırpındığı anları təsəvvür etdikcə acı bir gizilti bürüyür varlığımızı.

Bəlkə də "alın yazısı, Allah qədəridir" deyən aqillərimiz heç də təsadüfən söyləməmişlər bu kəlməni. Lakin nə yazıqlar ki, vaxtilə "məktubu yetişməyən" zavallı neftçilərin indi də sms-ləri yarımçıq qalır. ("Məktub yetişmədi" hekayəsi yəqin çoxlarının yadındadır.) Tarix boyu, zaman-zaman "qara qızıl"dan ağ qızıl almaq eşqi ilə çalışan neçə-neçə neftçinin aqibəti də elə "Günəşli"dəkilərinki ilə eyni olub.

İndi balasının quruca cəsədinin belə tapılması üçün nəzir-niyaz söyləyən neçə-neçə bağrı yanmış, könlü qübarlı analarımız var.

İndi övlad dərdini için-için, qovrula-qovrula çəkən onlarla ağzıdualı, ağbirçək analarımız var ki, Tanrının dərgahına tapınmaq, ümidlərinin ətəyindən bərk-bərk yapışaraq həmin günü hələ də görəcəklərinə böyük səbr nümayış etdirirlər. O gün ki, bəlkə də möcüzə baş verəcək, övladları sağ-salamat gəlib çıxacaqlar evlərinə. Təki olsun... Nə deyək? Nə söyləyək bu analara? Bu fəci olay qarşısında təsəlli sözləri qalmamış, nitqimiz tutulur, dilimiz lal olur. Hər halda "ən böyük ümid ümidsizlk üzərində qələbədir" (fransız atalar sözü) deyirlər. Və bir də:

Dərd qalib gələrsə siz gücsüzsünüz,

Dərdə qalib gəlsin qoy öz gücünüz

deyərək dözüm, səbr arzulamaqdan başqa əlimizdən nə gəlir ki?!

Dahi Hüseyn Cavid deyirdi:

Ölüm var ki, həyat qədər dəyərli,

Həyat var ki, ölümdən də zəhərli.

Bəli, həyat qədər dəyərli ölümsüzlük qazanan "Günəşli"nin günəş qədər odlu-alovlu, cəsur qurbanlarının da taleyinə belə şərəfli bir ölüm yazıldı ki, "şərəfli bir ölüm də şərəfsiz bir ömürdən daha yaxşıdır". Hər halda sonda onu da söyləməyə gücüm, ərkim çatdı ki, hələ "ölmək dəhşət deyil, dəhşət yaşamaqdır".

Leyla Fərhadqızı Məmmədəliyeva,

Azərbaycan Universitetinin doktorantı, AJB-nin üzvü

DİGƏR XƏBƏRLƏR

Tarix: 16.06.2026 / 18:39

Cənubi Koreya millisi medianı boykot qərarı verdi - Dünya Kuboku bitənə kimi…

Tarix: 16.06.2026 / 17:47

Köçəryanın ölkədən çıxışına imkan verilmədi, hava limanında sənəd yoxlanışı görüntüləri mediaya sız(dırıl)dı

Tarix: 16.06.2026 / 06:15

ABŞ-nin Ermənistana marağının uzun bir tarixi varmış - ekspert sonu TRİPP-ə bağladı

Tarix: 09.06.2026 / 12:34

Özgür Özelin təklifi Kılıçdaroğlunu çaşdırdı...

Tarix: 09.06.2026 / 12:10

Özgür Özəlin Ərdoğana cavabı bütün Türkiyənin gündəminə çevrildi...

Tarix: 09.06.2026 / 07:02

Köçəryan seçkinin nəticələrinə inanmır - etirazlar gündəmdə…

Tarix: 05.06.2026 / 10:57

Bizim ölkənin adı "Ştrafıstan" deyil - Prezident etiraz etdi, deputat "dala verdi"...

Tarix: 04.06.2026 / 19:56

Özgür Özəllə Klıcdaroğlunun şok telefon danışığı yayıldı...

Tarix: 04.06.2026 / 19:31

Ankarada “Ortaq Türk mirası: Qərbi Azərbaycanın və Qars bölgəsinin milli geyim mədəniyyəti” tədbirləri keçirildi

Tarix: 03.06.2026 / 09:10

İrəvanın verilməsinə qarşı çıxanlar...

Tarix: 02.06.2026 / 16:04

Narkoloji tibbi qeydiyyat barədə arayışı da ASAN Xidmət verəcək - FƏRMAN

Tarix: 02.06.2026 / 09:41

Aİ ölkələri Orta Asiyada qaçqın mərkəzləri yaradır? - Qazaxıstan təkzib etdi

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 11.06.2026 / 16:47

Baş həkimə illər öncə açılmış cinayət işi yenidən təzələndi...

Tarix: 11.06.2026 / 11:52

Avropa Komissiyasından Trampın kürəkəninə ağır zərbə - "dayandırın"...

Tarix: 11.06.2026 / 11:03

Ümumi daxili məhsulla bağlı maraqlı vəziyyət yarandı - həm müsbət, həm də mənfi tərəfləri var...

Regionların tərəqqisində Qarabağ və Şərqi Zəngəzurun xüsusi çəkisi sürətlə artır