Leyla Yunusun azadlığına həssas beynəlxalq reaksiyaların iki motivindən biri...

Tarix: 12.12.2015 / 01:40
Bölmə: Gündəm

Mahir Mirzəbəyli: "Leyla Yunus həbs ediləndə niyə analoji reaksiya yox idi?"

"Bu, Azərbaycandakı proseslərə, ölkədəki demokratiyaya olan maraqdan irəli gəlir"

Məlum olduğu kimi, Apelyasiya Məhkəməsində Sülh və Demokratiya İnstitutunun (SDİ) həbsdə olan direktoru Leyla Yunus və həyat yoldaşı Arif Yunus barəsində olan hökmdən verilən apelyasiya şikayəti üzrə məhkəmə iclasının qərarına əsasən, Leyla və Arif Yunusların barəsində bəraət hökmü çıxarılmasına əsas görülməyib.

Lakin qeyd olunub ki, onlar barəsində hökm dəyişdirilməlidir. L.Yunusun ittiham olunduğu Cinayət Məcəlləsinin 320-ci maddəsi ilə bağlı müddət keçdiyindən, həmin maddə üzrə təyin olunan cəzalar hökmdən xaric olunub. L.Yunusun barəsində təyin olunan 8 il 6 ay müddətində azadlıqdan məhrum etmə cəzası 5 il sınaq müddəti təyin olunmaqla şərti hesab olunub. Onun barəsində seçilmiş həbs-qətimkan tədbiri isə ləğv edilib. L.Yunus məhkəmə zalından azadlığa buraxılıb. Eyni zamanda, A.Yunus barəsində 7 il müddətində azadlıqdan məhrum etmə cəzası da 5 il sınaq müddəti təyin edilməklə şərti hesab olunub. Bununla bərabər, məhkəmə Leyla və Arif Yunusların övladı Dinara Yunusa məxsus evin müsadirə olunması barədə qərarı da ləğv edib.

Leyla və Arif Yunusların azadlığa buraxılmaları, onlar barəsindəki cəzaların 5 il sınaq müddəti təyin edilməklə şərti hesab olunması xarici medianın, beynəlxalq təşkilatların, əcnəbi siyasətçilərin də diqqət mərkəzində olub. Bu yöndə ilk bəyanat isə ABŞ-dan gəlib. ABŞ-ın ATƏT-dəki nümayəndəsi, həmçinin Amerikada Helsinki Komissiyası kimi tanınan qrupun rəhbəri, konqresmen Chris Smith Azərbaycanda L.Yunus barədə humanist addımın atılmasını alqışlayıb.

Avropa Şurası Parlament Assambleyasının (AŞ PA) prezidenti Ann Brassör da öz "Twitter" səhifəsində bu barədə mövqeyini ifadə edib, L.Yunusun humanitar əsaslarla azadlığa buraxılmasını alqışlayıb.

ATƏT-in Demokratik Təsisatlar və İnsan Haqları Bürosunun (DTİHB) direktoru Maykl Corc Link də L.Yunusun səhhətində yaranan problemlərlə əlaqədar azadlığa buraxılmasını müsbət hadisə kimi qiymətləndirib. Bu barədə qurumun saytında M.C.Linkə istinadən aşağıdakı kontekstdə məlumat yerləşdirilib: "Leyla Yunusun bu gün azadlığa buraxılması müsbət və çox humanist jestdir. DTİHB insan haqları ilə bağlı məsələlərdə Azərbaycan hakimiyyət nümayəndələri ilə konstruktiv müzakirələri davam etdirməyə hazırdır".

Avropa Şurasının baş katibi Thorbyorn Yaqland L.Yunusun azadlığa buraxılması haqda fikirlərini belə ifadə edib: "Leyla Yunusun həbsdən azad edilməsi məni yüngülləşdirdi. Ümid edirəm ki, o indi sağlamlığının tam bərpasına başlaya və bu çətin sınağı arxada qoya biləcək...".

"Human Rights House" Şəbəkəsinin Şərqi Avropa və Qafqaz regionu üzrə rəhbəri Ane Tusvik Bonde də L.Yunusun azadlığa buraxılmasını xoş qarşılayıb.

ABŞ Dövlət Departamentinin sözçüsü John Kirby bəyanatında L.Yunusun buraxılmasını alqışlayıb və "biz Azərbaycan hökuməti və xalqı ilə təhlükəsizlik, enerji, demokratiya və insan hüquqları olmaqla, bütün sahələrdə əlaqələri inkişaf etdirməyə çalışacağıq" - deyib.

Avropa İttifaqının Xarici əlaqələr və təhlükəsizlik siyasəti üzrə ali nümayəndəsi Federika Mogerini bu qərarı "mühüm humanitar addım" kimi qiymətləndirib.

Avropa Genişləndirmə və Qonşuluq Siyasəti Komissarının sözçüsü Maja Kocijancic Yunusların azadlığa buraxılmasından danışarkən, "Avropa İttifaqı inanır ki, daha da çox addımlar atılacaq. Biz Azərbaycanla münasibətlərimizi genişləndirməyə hazırıq" - kimi fikirlər səsləndirib.

Avropa Parlamentinin prezidenti Martin Şults isə bu hadisənin gözəl xəbər olduğunu bəyan edib.

Leyla Yunusun azad olunmasına bu cür reaksiyanın verilməsi onun şəxsiyyətinə olan maraqdan, yoxsa Azərbaycandakı siyasi proseslərin daha təkilləşməsinə göstərilən diqqətdən irəli gəlir?

Beynəlxalq münasibətlər üzrə mütəxəsis Mahir Mirzəbəyli qəzetimizə açıqlamasında bildirdi ki, Leyla Yunusun həbsdən azad edilməsinə doğrudan da böyük beynəlxalq reaksiya verilib: "Demək olar ki, dünyanın ən nüfuzlu KİV-ləri bu barədə məlumat verdi. Leyla Yunusun tanınan adam olması danılmazdır. Cünki o, uzun müddətdir ki, ictimai-siyasi fəaliyyətlə məşğuldur. Xüsusilə də bir hüquq müdafiəçisi kimi onun güclü beynəlxalq əlaqələri olub. Amma bir məsələyə diqqət yetirmək lazımdır ki, Leyla Yunusun həbsdən azad edilməsinə verilən reaksiya heç də onun şəxsiyyətinə bağlı olan məsələ deyil. Yəni bu faktor olsa da, amma arxa planda qalır. Bu, Azərbaycandakı proseslərə, ölkədəki demokratiyaya olan maraqdan irəli gəlir. Təbiidir ki, dünyada baş verən geopolitik çaxnaşmaların fonunda Azərbaycanın önəmini bütün güclər dərk edir. Bu da bizim daxilimizdəki proseslərə olan marağı daha da artırır. Sual oluna bilər: Leyla Yunus həbs ediləndə niyə analoji reaksiya yox idi? Bir faktı da deyim ki, bu heç də yunuslara bəraətin verilməsi anlamına gəlmir. Sadəcə, cəza növü bir qədər yüngülü ilə əvəz olunub".

Məhəmmədəli QƏRİBLİ

DİGƏR XƏBƏRLƏR

Tarix: 30.10.2026 / 06:41

Yəhudilər erməni monastırına tüpürdülər

Tarix: 29.10.2026 / 17:00

Bir Millət, İki Dövlət, Bir Ürək: Türkiyə Cümhuriyyətinin 103-cü ildönümü münasibətilə İctimai Nəzarət Təşkilatının Təbrik Bəyannaməsi

Tarix: 28.10.2026 / 12:51

ROZA TÖREKULOVNA AYTMATOVANIN ƏZİZ XATİRƏSİNƏ

Tarix: 28.10.2026 / 08:35

Türkiyədəki “sərmayə olayı” Pasifik Holding-i də vurdu - aktivləri donduruldu

Tarix: 28.10.2026 / 06:26

Türkiyədə səs-küylü “Starlink əməliyyatı” - 85 nəfər saxlandı

Tarix: 27.10.2026 / 13:54

"Bakı bu cür beynəlxalq forumlar vasitəsilə mədəniyyətlərarası dialoqa mühüm töhfə verə bilər" - Ozodbek Nazarbekov

Tarix: 27.10.2026 / 13:30

Penitensiar Xidmətə yeni rəis təyin edildi

Tarix: 27.10.2026 / 10:28

Dubay məhkəməsi Rusiya neftinin satışından 700 milyon dollardan çox vəsaiti dondurub - işin içində azərbaycanlılar da var…

Tarix: 26.10.2026 / 06:58

Vuçiç seçkidə məğlubiyyətini rəsmən bəyan etdi

Tarix: 24.10.2026 / 08:38

Serbiyada etirazlar pik həddə - gənclər Vuçiçi devirməyə qərarlıdır

Tarix: 22.10.2026 / 15:01

44 günün fövqündə: milli iradənin və tarixi yaddaşın təntənəsi

Tarix: 20.10.2026 / 22:19

İran XİN sözçüsü Azərbaycana tövsiyə verməyə qalxdı - həm də insan haqları mövzusunda…

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 02.11.2026 / 23:02

Bunu səfir Birol Akgünə açıq məktubum kimi də oxuya bilərsiniz - Aydın QULİYEV yazır...

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Turizm regionlarımızın inkişaf mənbələrindən birinə çevrilir...