Aparıcı dünya ölkələrinin rəsmiləri Azərbaycan hakimiyyətinin Leyla Yunus qərarına laqeyd qalmadılar

Tarix: 11.12.2015 / 01:50
Bölmə: Gündəm

ABŞ, Almaniya, Avropa təşkilatları...

Məlumat verildiyi kimi, Bakı Apelyasiya Məhkəməsinin dekabrın 9-da keçirilən iclasında Sülh və Demokratiya İnstitutunun (SDİ) həbsdə olan rəhbəri Leyla Yunusun səhhətində yaranan problemlərlə əlaqədar onun şərti azadlığa buraxılması haqda qərar qəbul olunub. Azərbaycan məhkəməsinin bu humanist qərarına beynəlxalq ictimaiyyət tərəfindən də geniş reaksiya verilib. Həmin reaksiyadan belə bəlli olur ki, atılan addım dünya miqyasında təqdir olunur, alqışlanır.

Qərb mediası da məlum qərar barəsində çoxsaylı məlumat yayıb. Məsələn, "Radio Free Europe", "Thea New York Times", "Daily Mail", "Reuters", "The Washington Post", "Voice of America", "Yahoo News", "Press TV", "Sacred Heart Spectrum", "France 24", "UNDP", "International Busness Times", "Deutsche Welle", "Die Welt" kimi nüfuzlu KİV-lər qərarı alqışlayan xəbərlər yayıblar. Müxtəlif təşkilatlar, ayrı-ayrı dövlət rəsmiləri də prosesdən məmnun qaldıqlarını bildirir. Almaniya xarici işlər naziri Frank Valter Ştaynmayerin bu xüsusda bəyanatında deyilir: "Bakı Apelyasiya Məhkəməsinin Leyla Yunusun şərti azadlığa buraxılması haqqında qərarını alqışlayıram. Bu mühüm humanitar addımdır".

ABŞ-ın ATƏT-dəki nümayəndəsi, həmçinin Amerikada Helsinki Komissiyası kimi tanınan qrupun rəhbəri, konqresmen Kris Smit Leyla Yunus barədə qərardan razı qaldığını bildirərək, bunu vaxtı çoxdan çatmış addım kimi dəyərləndirib. Yeri gəlmişkən qeyd edək ki, məsələ ilə bağlı ABŞ Dövlət Departamentinin bəyanatı da yayılıb. Burda qeyd olunur: "Bakı Apelyasiya Məhkəməsinin hüquq müdafiəçisi Leyla Yunusun humanitar əsaslarla azadlığa buraxılması qərarını alqışlayırıq". Bildirilir ki, Dövlət Departamenti noyabr ayında onun həyat yoldaşı Arif Yunusun da azad edilməsini müsbət addım kimi dəyərləndirir və bu kimi addımların daha çox olacağını gözləyir: "Biz Azərbaycan hökuməti və xalqı ilə əməkdaşlıq çərçivəsində əlaqələrimizin bütün sahələrinin, o cümlədən enerji, təhlükəsizlik, demokratiya və insan haqları sahələrinin inkişaf etdirilməsi üçün imkanlar axtaracağıq".

Avropa Şurası Parlament Assambleyasının (AŞ PA) prezidenti Ann Brassör "Twitter" səhifəsində bu barədə belə yazıb: "Leyla Yunusun humanitar əsaslarla azadlığa buraxılmasını alqışlayırıq".

ATƏT-in Demokratik Təsisatlar və İnsan Haqları Bürosunun (DTİHB) direktoru Maykl Corc Link də Leyla Yunusun səhhətində yaranan problemlərlə əlaqədar azadlığa buraxılmasını alqışlayıb: "Leyla Yunusun bu gün azadlığa buraxılması müsbət və çox humanist jestdir. DTİHB insan haqları ilə bağlı məsələlərdə Azərbaycan hakimiyyət nümayəndələri ilə konstruktiv müzakirələri davam etdirməyə hazırdır". "Human Rights Watch" təşkilatının nümayəndəsi Raçel Denber bu addımı sevinclə qarşıladığını açıqlayıb. O, təmsil olunduğu təşkilatın Şərqi Avropa və Qafqaz regionu üzrə rəhbəri Ane Tusvik Bondenin Leyla Yunusun azadlığa buraxılmasını xoş qarşıladığını diqqətə çatdırıb. Avropa Parlamentinin vitse-prezidenti Ulrike Lunaçek də bu addımı müsbət qiymətləndirib.

"Amnesty İnternational"ın Avropa və Mərkəzi Asiya üzrə proqram direktoru Denis Krivoşeyev bildirib ki, bu, Beynəlxalq İnsan Hüquqları Günü ərəfəsində mühüm ümid mesajı göndərəcək düzgün istiqamətdə olan bir addımdır. Beləliklə, məsələyə beynəlxalq reaksiyanın kifayət qədər yüksək səviyyədə olması özünü qabarıq formada büruzə verir.

Avropa Şurası

"Leyla Yunusun azadlığa buraxılması məni rahatlatdı". Bu sözləri Avropa Şurasının baş katibi Torbyörn Yaqland öz bəyanatında qeyd edib.

"Mən indi ümid edirəm ki, o tam bərpa olunacaq və bu ağır sınağı geridə qoyacaq. Həmçinin bu gün bizim fikrimiz Azərbaycanda azadlıqdan məhrum edilmiş digər hüquq müdafiəçilərinin yanındadır", - deyə o bildirib.

Avropa İttifaqı

Avropa İttifaqının bəyanatında isə deyilir ki, Bakı Apelyasiya Məhkəməsinin Leyla Yunusun şərti azadlığa buraxılması barədə qərarı noyabrın 12-də onun həyat yoldaşının azadlığa buraxılmasının davamı kimi müsbət və xoş humanitar jestdir.

Bəyanatda qeyd olunur ki, Avropa İttifaqı bu istiqamətdə növbəti addımların atılacağına ümid edir: "Biz Azərbaycanla münasibətlərimizi bundan sonra da dərinləşdirməyə və genişləndirməyə hazırıq".

Birləşmiş Krallıq

"Mən digər oxşar hallarla bağlı Azərbaycanın humanitar jesti təkrar etməyə və ölkədə insan haqları ilə bağlı vəziyyətin yaxşılaşması istiqamətində konkret addımlar atmağa çağırıram". Bu sözlər isə Birləşmiş Krallığın Avropa məsələləri üzrə naziri Devid Lidinqtonun Leyla Yunusun azad edilməsi ilə bağlı bəyanatındandır.

"Leyla və Arif Yunusların azad edilməsini alqışlayıram. Ümid edirəm ki, Leyla Yunus indi lazımi tibbi müalicə ala biləcək", - deyə bəyanatda bildirilir.

ABŞ

ABŞ Dövlət Departamentinin bəyanatında deyilir ki, Bakı Apelyasiya Məhkəməsinin hüquq müdafiəçisi Leyla Yunusun humanitar əsaslarla azadlığa buraxılması qərarını alqışlayırıq.

Bildirilir ki, Dövlət Departamenti noyabr ayında onun həyat yoldaşı Arif Yunusun da azad edilməsini müsbət addım kimi dəyərləndirir və bu kimi addımların daha çox olacağını gözləyir: "Biz Azərbaycan hökuməti və xalqı ilə əməkdaşlıq çərçivəsində əlaqələrimizin bütün sahələrinin, o cümlədən enerji, təhlükəsizlik, demokratiya və insan haqları sahələrinin inkişaf etdirilməsi üçün imkanlar axtaracağıq".

Tahir TAĞIYEV

DİGƏR XƏBƏRLƏR

Tarix: 30.10.2026 / 06:41

Yəhudilər erməni monastırına tüpürdülər

Tarix: 29.10.2026 / 17:00

Bir Millət, İki Dövlət, Bir Ürək: Türkiyə Cümhuriyyətinin 103-cü ildönümü münasibətilə İctimai Nəzarət Təşkilatının Təbrik Bəyannaməsi

Tarix: 28.10.2026 / 12:51

ROZA TÖREKULOVNA AYTMATOVANIN ƏZİZ XATİRƏSİNƏ

Tarix: 28.10.2026 / 08:35

Türkiyədəki “sərmayə olayı” Pasifik Holding-i də vurdu - aktivləri donduruldu

Tarix: 28.10.2026 / 06:26

Türkiyədə səs-küylü “Starlink əməliyyatı” - 85 nəfər saxlandı

Tarix: 27.10.2026 / 13:54

"Bakı bu cür beynəlxalq forumlar vasitəsilə mədəniyyətlərarası dialoqa mühüm töhfə verə bilər" - Ozodbek Nazarbekov

Tarix: 27.10.2026 / 13:30

Penitensiar Xidmətə yeni rəis təyin edildi

Tarix: 27.10.2026 / 10:28

Dubay məhkəməsi Rusiya neftinin satışından 700 milyon dollardan çox vəsaiti dondurub - işin içində azərbaycanlılar da var…

Tarix: 26.10.2026 / 06:58

Vuçiç seçkidə məğlubiyyətini rəsmən bəyan etdi

Tarix: 24.10.2026 / 08:38

Serbiyada etirazlar pik həddə - gənclər Vuçiçi devirməyə qərarlıdır

Tarix: 22.10.2026 / 15:01

44 günün fövqündə: milli iradənin və tarixi yaddaşın təntənəsi

Tarix: 20.10.2026 / 22:19

İran XİN sözçüsü Azərbaycana tövsiyə verməyə qalxdı - həm də insan haqları mövzusunda…

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 02.11.2026 / 23:02

Bunu səfir Birol Akgünə açıq məktubum kimi də oxuya bilərsiniz - Aydın QULİYEV yazır...

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Turizm regionlarımızın inkişaf mənbələrindən birinə çevrilir...