Bir daha diskussiya doğuran bir "Salyan foto" haqqında...

Tarix: 10.12.2015 / 02:03
Bölmə: Gündəm

Cəmiyyətə həmişə açıq olan, millətinə və dövlətinə hörmət və sevgi ilə yanaşan (bəlkə də bu epitetlərin sayını bir az da artırmaq olar) bir başçı haqqında yazılanlar onu təkcə yaxından yox, həm də az-cox tanıyanlar arasında böyük bir təəssüf hissi yaratdı.

Ən azı ona görə ki, hansısa məqsəd və məramla çəkilən bir şəklin yaratdığı təəəsüratlar bir insanın bütün əməlləri və həyatı haqqında hər hansı bir hökm verməyə bəs etmədiyi qədər ədalətsiz və qərəzli idi. Söhbət Salyanın icra başcısı Tahir Kərimovun da görüntüləri olan, sosial şəbəkələrdə diskussiya doğuran fotodan gedir.

Birincisi, bu şəklin tarixi haqqında: 2014-cü ilin mayında məktəblilərin tədbirində çəkilib. Elə məktəblilərin istəyi ilə də tədbirə bütün dəvət olunanlar gül çələnginin altından keçib, eləcə də icra başçısı. Ola bilsin, bu yerdə dövlət başcısı və ya hansısa daha çinli bir hökumət rəhbəri də ola bilərdi. Təbii ki, hec kəs məktəblilərin bu istək və səmimiyyətdən qaynaqlanan arzunun əleyhinə durmayacaqdı. Amma nə yazıqlar ki, bu foto içərisində hansısa qərəzçilik hissləri yaşadanlar üçün il yarım sonra maraqlı bir şou mövzusu oldu...

Tahir Kərimov, harada, hansı işdə çalışmağından asılı olmayaraq, sıradan birisi olmamağı ilə fərqlənib. Eləcə də on il bundan əvvəl Daşkəsənə möhtərəm Prezidentimiz tərəfindən icra başcısı təyin olunanda da bunu sübut etdi. Az bir zamanda sosial problemlərin tüqyan etdiyi bu dağ rayonu həyata keçirilən tədbirlər və quruculuq işləri sayəsində fərqli və inkişaf dövrünə qədəm qoyan bir məkana çevrildi. Məhz icra başçısının cəmiyyətə və adamlara döğma münasibəti onu az bir zamanda hər kəsə sevdirdi. Tahir Kərimovun rayonun bütün tədbirlərində, açılış mərasimlərində və bayramlarda, təkcə icra aparatının kollektivi və aktivi ilə yox, eləcə də ailə üzvləri və övladları ilə yaxından iştirakı yüzlərcə daşkəsənlinin indi də yadından çıxmayıb. Bu gün də onlarca daşkəsənli var ki, hər hansı bir problemin həlli üçün Tahir müəllimə müraciət edir, halbuki, artıq beş ildir o, Salyanın icra başçısıdır...

Salyana da yeni-yeni quruculuq işləri və təşəbbüsləri ilə gəldi. Elə ilk gündən böyük bir həvəs və enerji ilə başlanan bu işlər yüksək dairələrin də diqqətini cəlb etdi. Hətta iki il əvvəl ölkənin cənub bölgəsinə səfər edən Prezident İlham Əliyevin səfərdən dönərkən Salyana gözlənilməz dönüşü, təkcə icra başçısına yox, həm də bütün salyanlılara və bu möhtəşəm yurda məhəbbət və diqqətinin böyük nümunəsi idi. Məhz bundan sonra Azərbaycan tarixinə böyük dühalar bəxş edən bu ulu diyarın 2800 illiyi böyük bir təntənə ilə, respublika səviyyəli bir bayram kimi qeyd edildi.

Salyan bu gün də günü-gündən gəzəlləşən, böyük quruculuq işlərinin vüsət aldığı, inkişafının yeni bir dövrünü yaşayan bir rayondur. Burda onlarca rəqəmləri açıqlayıb, bir sıra fikirləri səsləndirmək istəməsək də, hər birimizə ortada olan bu inkişafı böyük Bakımızın, qədim Naxçıvanımızın və Gəncəmizin inkişafı ilə müqayisə etmək şansı verir. Salyan bu diyarlar qədər diqqət mərkəzində olan, hər gün onlarca xarici qonağın və dövlət adamlarının qapısını döydüyü bir məkandır. Tahir Kərimovun icra başcısı təyin ediləndən az sonra rayona dəvət etdiyi ilk qonaqlar sırasında Mətbuat Şurası üzvlərinin olması da onun cəmiyyətə və ictimai fikrə sayğılı, açıq münasibətinin bariz nümunəsi idi.

İndi birdən-birə Azərbaycan dövlətciliyinə və xalqına ləyaqətlə xidmət göstərən bir məmurun, dövlət adamının, cəmiyyətə əməlləri və əqidələri ilə nümünə olan övladlar bəxş edən bir atanın və ən nəhayət, vətənpərvər bir insanın fəaliyyətinə səmimi bir niyyətlə çəkilən bir fotonun görüntüləri ilə neqativ dəyər vermək nə qədər ədalətli və səmimidir?! Yadıma Sovetlər dönəminin az qala bütün partiya-sovet işçilərinin bildiyi bir məşhur əhvalatı düşür. 30 ya da 40-cı illərdə rayonların birinin çox vicdanla çalışan bir birinci katibi təsərrüfat işləri ilə tanışlıq üçün ucqar bir kəndə gedir. Elə olur ki, daşan çayda batan maşından birinci katibi bir kolxozçu, uzun təkiddən sonra, belinə götürüb cayın o biri tərəfinə keçirir. Bir-iki gün sonra katibi Mərkəzi Komitəyə çağırıb sovet adamına və rəhbər partiya işcisinə qətiyyən yaraşmayan hərəkətinə görə tənbeh edir və kolxozçuları hər gün 4-5 də dəfə "minərək" cayı o tərəf-bu tərəfə keçmək əməlinin səbəbinə izahat istəyirlər, fakt kimi də kolxozçunun katibi belinə alıb çayı keçirdiyi fotoları təqdim edirlər...

Tahir müəllimin il yarım öncə cəkilən, amma sosial şəbəkələrdə məqsədli bir şəkildə indi yayımlanan şəklini görəndə də bu məşhur əhvalatı xatırladım. Amma bir şeyə sevindim ki, nə yaxşı bu gün 30-cu illərin özü də, havası da çoxdan arxada qalıb, hətta indi də 30-cu illərin təfəkkürü ilə yaşayanlar olsa belə...