"Günəşli"dəki faciədə təxribat versiyasına rəsmi münasibət bildirildi

Tarix: 08.12.2015 / 02:52
Bölmə: Gündəm

İtkin düşən 29 nəfərdən 6-nın cəsədi tapıldı

"Hər halda Dövlət Komissiyası araşdırma aparır"

"Günəşli" yatağında yaradılmış operativ qərargah müşavirəsində Kəmaləddin Heydərov, Rövnəq Abdullayev və Elçin Quliyev iştirak etdi

SOCAR-ın "Günəşli" yatağındakı 10-cu dərin dəniz özülündə baş verən yanğın nəticəsində itkin düşən 29 nəfərdən 3-nün cəsədi tapılıb. Bu barədə "APA-Economics"ə "Azneft" İstehsalat Birliyindən məlumat verilib. Tapılan şəxslərin kimliyi barədə hələlik məlumat verilmir.

Fövqəladə Hallar Nazirliyinin (FHN) məlumatında isə bildirilir ki, dünən saat 13:20 radələrində qəza baş vermiş özüldən 65-70 km məsafədə FHN-in helikopterləri dənizdə 6 nəfərin cəsədini aşkar edib, cəsədlər helikopterin göyərtəsinə qaldırılıb.

Bunlardan Tağıyev Fuad Tahir oğlu və Mahmudov Ağa İzzət oğlunun cəsədləri sahilə çatdırılaraq aidiyyəti üzrə təhvil verilib. Digər 4 cəsəd isə yaxın vaxtlarda sahilə çatdırılacaq. Axtarış əməliyyatı davam etdirilir.

Fövqəladə hallar naziri, general-polkovnik Kəmaləddin Heydərov da "Günəşli" neft yatağında yanğın baş verən 10-cu dərin dəniz özülünə gedib. Nazir əraziyə baxış keçirib, özüldə yanğının söndürülməsi, habelə hadisə nəticəsində itkin düşənlərin axtarışı tədbirləri ilə tanış olub.

SOCAR prezidenti Rövnəq Abdullayev də hadisə yerində yaradılmış operativ qərargahda olub.

"Günəşli" yatağında baş vermiş yanğının geç söndürülməsinin səbəbi də açıqlanıb. "Trend"in məlumatına görə, "Azneft" İstehsalat Birliyinin baş mühəndisi Balamirzə Ağarəhimov bildirib ki, hazırda dənizdə dalğanın hündürlüyü 2,5-3 metrdir: "Bu, əvvəlki günlərə nisbətən çox aşağı dalğa sayılır və normal işləmək ehtimalımızı artırır. Amma bu özü də müəyyən qədər yanğının söndürülməsinə mane olur".

Bundan başqa, "Azneft" İstehsalat Birliyi "Günəşli" yatağının 10-cu özülündə baş verən yanğından sonra həmin platformada hasilatın bərpa edilib-edilməyəcəyi məsələsinə də aydınlıq gətirib. "Azneft" İstehsalat Birliyinin baş mühəndisi Balamirzə Ağarəhimov deyib ki, artıq srağagündən bu istiqamətdə işlərin aparılmasına hazırlıq paralel şəkildə aparılır: "Bir yerdə yanğının baş verməsi o boyda platformanın itirilməsi demək deyil. Sadəcə olaraq, biz yanğını söndürən kimi ilk əvvəl yararsız hala düşmüş avadanlıqların demontajı, ondan sonra onların montajı aparılacaq".

B.Ağarəhimov sosial şəbəkələrdə SOCAR-ın qurumlarından birinin dekabrın 5-də bayram şənliyi keçirməsi ilə bağlı yayılan məlumatlara da aydınlıq gətirib.

Onun sözlərinə görə, belə bir hadisənin baş verməsi mümkün deyil.

"Günəşli" yatağında xəsarət alanlarla bağlı Səhiyyə Nazirliyi də məlumat yayıb. Məlumatda bildirilir ki, "Günəşli" yatağında baş vermiş qəza nəticəsində xəsarət alanların vəziyyəti səhiyyə nazirinin daim nəzarətindədir. Səhiyyə naziri Oqtay Şirəliyev dekabrın 4-də "Günəşli" yatağında baş vermiş qəza nəticəsində xəsarət almış və hazırda Neftçilər xəstəxanasında müalicə alan vətəndaşları ziyarət edib, onların vəziyyətləri ilə yaxından tanış olub və lazımi göstərişlər verib.

"Günəşli" yatağındakı 10-cu dərin dəniz özülündə baş verən güclü yanğın nəticəsində xəsarət alan vətəndaşlardan həmin gün ümumilikdə Azərbaycan Respublikası Səhiyyə Nazirliyinin Neftçilər Xəstəxanasına 31 müraciət daxil olub. Vəziyyəti yaxşı olan 22 nəfər, təkrar müayinələrə cəlb olunması şərti ilə, ambulator yardım göstərilərək evlərinə buraxılıb. Dünən həmin 22 nəfər yenidən müayinələrə cəlb olunub. Onlardan bir nəfərini (ürək bulanma diaqnozu) xəstəxanada saxlamaq məsləhət görülüb, lakin heç bir həyati təhlükəsi yoxdur. Müxtəlif bədən xəsarətləri alan 8 nəfərə xəstəxanada lazımi səviyyədə tibbi yardım göstərilir. Vəziyyətləri sabitdir və artıq palatalara göçürülüblər. Müxtəlif dərəcəli yanıq xəsarətləri almış 1 nəfər Respublika Yanıq Mərkəzinə yerləşdirilib ki, onun da vəziyyəti stabildir.

Səhiyyə nazirinin xüsusi tapşırığına əsasən, xəsarət alan və hadisə nəticəsində itkin düşmüş neftçilərin yaxınlarına psixoloji yardımın göstərilməsi üçün ilə psixoloqlardan ibarət briqada yaradılıb. Dünən psixoloqlar yenidən Neftçilər xəstəxanasında olub, onlara lazımi yardım göstərmiş. Xəsarət alanların tezliklə sağalmaları üçün bütün zəruri addımlar atılır.

"Faciə baş verən ərazidə işlər aparılır. Fövqəladə Hallar Nazirliyinin əməkdaşları yanğının söndürülməsi üçün əllərindən gələni edirlər. Həm FHN, həm də bizim gəmilər tərəfindən itkin düşmüş insanların axtarışları da davam etdirilir". Bunu isə SOCAR-ın vitse-prezidenti Rəhman Qurbanov deyib.

O, sosial şəbəkələrdə hadisənin təxribat nəticəsində baş verdiyi barədə məlumatların yayılmasına da münasibət bildirib: "İnanmıram ki, bu hadisə təxribat olsun. Hər halda, dövlət komissiyası araşdırmalar aparır, nətəcələr barədə ictimaiyyətə məlumat verəcək".

Bu arada Azərbaycanın Xəzər dənizindəki neft platformasında baş verən yanğından sonra Qazaxıstan gəmiləri zərərçəkənlərin tapılması üçün gücləndirilmiş müşahidə həyata keçirir. Bu barədə Qazaxıstan Dövlət Sərhəd Xidməti məlumat yayıb.

"Regionda çətin meteovəziyyət hələ də davam edir. Buna baxmayaraq, Sahil Mühafizə Xidmətinin rəisi tərəfindən olduqları ərazilərdə vəziyyətə gücləndirilmiş nəzarət və müşahidə həyata keçirməklə bağlı kater və gəmilərə tapşırıq verilib. Hər hansı obyekt və ya xəsarət almış şəxs aşkar olunduğu halda məlumat veriləcək və lazımi yardım göstəriləcək", - deyə məlumatda bildirilir.

Azərbaycan Respublikası Dövlət Neft Şirkətinin (SOCAR) "Günəşli" yatağının 10-cu dərin dəniz özülü yaxınlığında yaradılmış operativ qərargahda müşavirə keçirilib.

APA-nın xəbərinə görə, operativ qərargahda olan fövqəladə hallar naziri, general-polkovnik Kəmaləddin Heydərov, Azərbaycan Respublikası Dövlət Neft Şikətinin prezidenti Rövnəq Abdullayev, Dövlət Sərhəd Xidmətinin rəisi, general-polkovnik Elçin Quliyev qəza-xilasetmə əməliyyatının gedişi ilə bağlı məsələləri müzakirə edib.

Qeyd edək ki, dünən "Günəşli" yatağında baş vermiş qəza nəticəsində itkin düşənlərdən 6 nəfərinin cəsədi tapılıb.

Axtarış-xilasetmə tədbirləri davam etdirilir.

Eyni zamanda yanğının söndürülməsi istiqamətində işlər davam etdirilir.

"Günəşli" yatağının 10-cu özülündə baş verən yanğın nəticəsində itkin düşənlərin xilasetmə işləri axıradək davam etdiriləcək. Texniki vəsaitlərimiz və qüvvələrimiz buna tam imkan verir". "Trend"in məlumatına görə, bunu "Azneft" İstehsalat Birliyinin baş mühəndisi Balamirzə Ağarəhimov hadisə ilə bağlı son vəziyyətə aydınlıq gətirərkən deyib.

B.Ağarəhimov bildirib ki, şəxsiyyəti müəyyən edilən 2 nəfərin əynində xilasetmə jileti olub: "Dənizdə adamsız olan xilasetmə jiletləri də olub. Bundan sonra tapılan cəsədlərdə xilasetmə jiletləri olmaya bilər, çünki onlar əyindən çıxır".

O əlavə edib ki, hadisə baş verən gün hava şəraiti ilə əlaqədar iş rejimi olmayıb: "Əgər iş olsaydı, onda hamı platformada həlak olardı və heç kəsi də xilas etmək mümkün olmazdı".

Baş mühəndis bildirib ki, itkin düşənlərin axtarışı üçün artıq 501 saylı meydançanın bütün sahəsi araşdırılıb və xilasedicilər növbəti sahələrə hərəkət etməyə başlayıblar: "Artıq Fövqəladə Hallar Nazirliyi daha bir vertolyotu "Günəşli" sahəsinə göndərib. Sualtı axtarış işləri ilə əlaqədar Geofizika ve Geologiya İdarəsi "Neft Daşları"nda ikinci dalğıc qrupunu işə qoşub".

B.Ağarəhimov deyib ki, 10 saylı özülün ətrafında gəmi xüsusi sualtı avadanlıqlar vasitəsilə axtarış işlərini davam etdirir.

Onun sözlərinmə görə, yanğının söndürülməsi üçün sahəyə əlavə qüvvələr cəlb olunub: "Hazırda yanğının lokallaşdırılması üçün işlər görülür".

B.Ağarəhimov bildirib ki, "Azneft" İstehsalat Birliyi "Günəşli" yatağının 10-cu özülündə baş verən yanğının söndürülməsi üçün əlavə tədbirlər planı hazırlayır. B.Ağarəhimov bildirib ki, hazırda yanğın davam edir: "Platformada yanğın quyularda baş verir".

Onun sözlərinə görə, tədbirlər planına yanğının yeni avadanlıqlardan istifadə etməklə (köpüklə söndürmə və s.) söndürülməsi də daxil edilib: "Maksimum çalışıb, bu gün, sabah axtarışların əsas hissəsini görmək istəyirik. Əlavə gəmi də cəlb etmək istəyirik. Küləyin sürəti 20-25 metr/saniyə olanda da, axtarışları davam etdirəcəyik".

Baki-xeber.com

DİGƏR XƏBƏRLƏR

Tarix: 30.10.2026 / 06:41

Yəhudilər erməni monastırına tüpürdülər

Tarix: 29.10.2026 / 17:00

Bir Millət, İki Dövlət, Bir Ürək: Türkiyə Cümhuriyyətinin 103-cü ildönümü münasibətilə İctimai Nəzarət Təşkilatının Təbrik Bəyannaməsi

Tarix: 28.10.2026 / 12:51

ROZA TÖREKULOVNA AYTMATOVANIN ƏZİZ XATİRƏSİNƏ

Tarix: 28.10.2026 / 08:35

Türkiyədəki “sərmayə olayı” Pasifik Holding-i də vurdu - aktivləri donduruldu

Tarix: 28.10.2026 / 06:26

Türkiyədə səs-küylü “Starlink əməliyyatı” - 85 nəfər saxlandı

Tarix: 27.10.2026 / 13:54

"Bakı bu cür beynəlxalq forumlar vasitəsilə mədəniyyətlərarası dialoqa mühüm töhfə verə bilər" - Ozodbek Nazarbekov

Tarix: 27.10.2026 / 13:30

Penitensiar Xidmətə yeni rəis təyin edildi

Tarix: 27.10.2026 / 10:28

Dubay məhkəməsi Rusiya neftinin satışından 700 milyon dollardan çox vəsaiti dondurub - işin içində azərbaycanlılar da var…

Tarix: 26.10.2026 / 06:58

Vuçiç seçkidə məğlubiyyətini rəsmən bəyan etdi

Tarix: 24.10.2026 / 08:38

Serbiyada etirazlar pik həddə - gənclər Vuçiçi devirməyə qərarlıdır

Tarix: 22.10.2026 / 15:01

44 günün fövqündə: milli iradənin və tarixi yaddaşın təntənəsi

Tarix: 20.10.2026 / 22:19

İran XİN sözçüsü Azərbaycana tövsiyə verməyə qalxdı - həm də insan haqları mövzusunda…

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 02.11.2026 / 23:02

Bunu səfir Birol Akgünə açıq məktubum kimi də oxuya bilərsiniz - Aydın QULİYEV yazır...

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Turizm regionlarımızın inkişaf mənbələrindən birinə çevrilir...