Azərbaycanda dini ekstremizmlə kəskinləşdirilən mübarizənin zərurət elementləri...

Tarix: 05.12.2015 / 02:03
Bölmə: Gündəm

Arzu Nağıyev: "İstənilən radikal dini qurumun fəaliyyətini dərindən araşdırsan, mütləq maraqlı olan dövlətin xüsusi xidmət orqanının izi və dəst-xətti görünür"

"Azərbaycan tolerant bir dövlətdir və bununla sona qədər fəxr etmək üçün qanunların sərtləşməsinə dözmək lazımdır"

V çağırış Milli Məclisin plenar iclasında parlament "Dini ekstremizmə qarşı mübarizə haqqında" Qanunda dəyişiklik etməklə yanaşı, qanunun sərtləşdirilməsini müzakirə etdi. Dini ekstremizmin yayılmasının əsas səbəblərindən biri ölkədə dini dəyərlərin düzgün tanıdılmaması probleminin olmasıdır.

"Dini ekstremizmə qarşı mübarizə haqqında" Qanun müəyyən formada insanları bu məsələlərdən çəkindirmək funksiyasını daşıyır. Son hadisələrdən sonra dövlətin özünüqoruma mexanizmi həyata keçirilir və belə bir qanunların sərtləşdirilməsinə zərurət ortaya çıxır. Təbiidir ki, radikal dini qruplaşmaların mövcudluğu yalnız Azərbaycanın deyil, bütün dünyanın bir nömrəli probleminə çevrilib. Buna görə də Azərbaycanda meydana çıxan radikalizm nümunələrinə qarşı sərt mübarizəyə start verilib. Biz bunu həm qanunvericiliyin sərtləşməsində, eləcə də hüquq- mühafizə orqanlarının apardığı əməliyyatlarda görürük.

Radikal dini cərəyanlarla mübarizə Azərbaycanın gələcəyi üçün nə vəd edir?

Təhlükəsizlik məsələləri üzrə ekspert Arzu Nağıyev qəzetimizə açıqlamasında bildirdi ki, dəfələrlə qeyd edildiyi kimi, ABŞ-da baş verən məlum 11 sentyabr hadisəsindən sonra dünya dini radikalizmin dövlət və milli təhlükəsizliyə ən böyük təhdidlərdən biri olduğunu başa düşdü və qəbul etdi: "Başqa sözlə desək, bu, dövləti sarsıtmaq və konstitusiya ilə təsbit edilən quruluşu dəyişmək üçün bir metoda çevrilməyə başladı. Təsəvvür edin ki, ərəb dünyasını heç edən bir dəstə məhz bunlardan bəhrələnir. Eyni zamanda radikallardan çox məharətlə istifadə edən qurumlar onları maliyyələşdirir, silah-sursatla, dini ədəbiyyatlarla, texniki avadanlıqlarla təchiz edir və təbii ki, bunların sayəsində öz istəklərinə çatırlar.

İstənilən radikal dini qurumun fəaliyyətini dərindən araşdırsan, mütləq maraqlı olan dövlətin xüsusi xidmət orqanının izi və dəst-xətti görünür. Təbii ki, bu tək islamdan istifadə edənlərə deyil, bütün digər dinlərdən olan radikal dindar terror qruplarına da aiddir. Buna görə də Azərbaycanı da hədəf seçməyin qarşısının alınması üçün bu qurumların maliyyə gəlirləri və silah-sursat əldə etməsinin qarşısını almaq baxımından qanunlar sərtləşməli, təbii ki, maariflənmə güclənməli, nəzarətsiz məscid, mədrəsə, digər dini ayinləri həyata keçirən mərkəzlərə nəzarət artırılmalıdır. Bundan başqa, Azərbaycandan kənarda müxtəlif silahlı qruplarda iştirak edən və ya orada digər qeyri-hərbi işlərlə məşğul olan şəxslər nəzarətə götürülməli və təbii ki, qayıtdıqdan sonra filtrasiya tədbirlərinə məruz qalmalıdır.

Bir sözlə, gələcək terror aktlarından, təxribatlardan sığortalanmaq istəyiriksə, bu boşluqlar qanunun sərtləşməsi ilə tənzimlənməlidir.

Unutmaq lazım deyil ki, Azərbaycan tolerant bir dövlətdir və bununla sona qədər fəxr etmək üçün qanunların sərtləşməsinə də dözmək lazımdır".

Məhəmmədəli QƏRİBLİ

DİGƏR XƏBƏRLƏR

Tarix: 17.06.2026 / 22:11

Tramp İran məsələsində “günah keçisi”ni tapdı - Vens “gedəcək”…

Tarix: 16.06.2026 / 18:39

Cənubi Koreya millisi medianı boykot qərarı verdi - Dünya Kuboku bitənə kimi…

Tarix: 16.06.2026 / 17:47

Köçəryanın ölkədən çıxışına imkan verilmədi, hava limanında sənəd yoxlanışı görüntüləri mediaya sız(dırıl)dı

Tarix: 16.06.2026 / 06:15

ABŞ-nin Ermənistana marağının uzun bir tarixi varmış - ekspert sonu TRİPP-ə bağladı

Tarix: 09.06.2026 / 12:34

Özgür Özelin təklifi Kılıçdaroğlunu çaşdırdı...

Tarix: 09.06.2026 / 12:10

Özgür Özəlin Ərdoğana cavabı bütün Türkiyənin gündəminə çevrildi...

Tarix: 09.06.2026 / 07:02

Köçəryan seçkinin nəticələrinə inanmır - etirazlar gündəmdə…

Tarix: 05.06.2026 / 10:57

Bizim ölkənin adı "Ştrafıstan" deyil - Prezident etiraz etdi, deputat "dala verdi"...

Tarix: 04.06.2026 / 19:56

Özgür Özəllə Klıcdaroğlunun şok telefon danışığı yayıldı...

Tarix: 04.06.2026 / 19:31

Ankarada “Ortaq Türk mirası: Qərbi Azərbaycanın və Qars bölgəsinin milli geyim mədəniyyəti” tədbirləri keçirildi

Tarix: 03.06.2026 / 09:10

İrəvanın verilməsinə qarşı çıxanlar...

Tarix: 02.06.2026 / 16:04

Narkoloji tibbi qeydiyyat barədə arayışı da ASAN Xidmət verəcək - FƏRMAN

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 11.06.2026 / 16:47

Baş həkimə illər öncə açılmış cinayət işi yenidən təzələndi...

Tarix: 11.06.2026 / 11:52

Avropa Komissiyasından Trampın kürəkəninə ağır zərbə - "dayandırın"...

Tarix: 11.06.2026 / 11:03

Ümumi daxili məhsulla bağlı maraqlı vəziyyət yarandı - həm müsbət, həm də mənfi tərəfləri var...

Regionların tərəqqisində Qarabağ və Şərqi Zəngəzurun xüsusi çəkisi sürətlə artır