İndiki əməliyyatlar sadə nardaranlıların sabahkı rəvan yaşayışı ilə birbaşa bağlıdır

Tarix: 05.12.2015 / 02:11
Bölmə: Gündəm

Fərəc Quliyev: "Bu hadisələrdə iştirak edən insanların zərərsizləşdirilməsi və onların həbs edilməsi əslində nardaranlıların girov vəziyyətindən xilas olmasıdır"

Əliməmməd Nuriyev: "Belə neqativliklərin aradan qaldırılması qəsəbənin həyatına normal ritm gətirəcək"

Bir neçə gün öncə Nardaranda xüsusi əməliyyat tədbirləri həyata keçirilməsinə baxmayaraq, qəsəbənin bir sıra sakinləri hüquqi, dünyəvi, demokratik dövlət quruluşuna və idarəçiliyinə qarşı çıxır, digər qanunsuz tələblər irəli sürməyə cəhdlər göstərirlər.

Dini radikalizmi, ekstremizmi özlərinin əqidəsinə və həyat tərzinə çevirmiş həmin şəxslər qəsəbədə ölkənin qanunlarını, dövlət atributlarını inkar edir, Azərbaycan dilinin tətbiqi ilə bağlı qanunvericiliyin tələblərini qəsdən pozur, azyaşlı və yeniyetmələr arasında cəhaləti və zorakılığı təbliğ edirlər.

Bütün bunları nəzərə alaraq müvafiq qurumların təşkilatçılığı ilə vətəndaşlarımızın hüquqlarının, azadlıqlarının, qanuni mənafelərinin müdafiəsi, əllərdə qanunsuz saxlanan odlu silahların, partlayıcı maddə və qurğuların yığılması məqsədilə qəsəbədə xüsusi əməliyyat keçirilib.

Aparılan əməliyyatlar Nardaranda dinc sakinlərin gələcək yaşayışı üçün hansı perspektivləri açır?

Millət vəkili Fərəc Quliyevin sözlərinə görə, əslində nardaranlılar girov vəziyyətindən xilas olundu: "Nardaranda baş verən hadisələr siyasi bir hərəkatın nəticəsidir və bunun nə dinlə, nə də dindarlarla heç bir əlaqəsi yoxdur. Hadisələrin gedişində iştirak edən və daha sonra həbs edilənlərdən biri olan Talehin videoçarxı yayılıb, həmin videoda o, "Milli Şura"nın işində iştirak etdiklərini bildirib. Daha öncə də qeyd etdiyim kimi, "Milli Şura" Rusiya tərəfindən yaradılıb və bu hadisələrdə də Rusiyanın əli olduğunu qeyd etmək istəyirəm. Baş verənlərin nə Azərbaycan xalqına, nə də nardaranlılara heç bir aidiyyəti yoxdur. Bu hadisələrdə iştirak edən insanların zərərsizləşdirilməsi və onların həbs edilməsi əslində nardaranlıların girov vəziyyətindən xilas olmasıdır. Bununla da dinimizə kölgə salınmasının qarşısı alındı. Təbiidir ki, belə vəziyyət qəsəbə sakinlərinin gələcəyi üçün normal və firavan həyat vəd edir".

"Konstitusiya Araşdırmaları" Fondunun rəhbəri Əliməmməd Nuriyevin fikrincə, bir ölkədə ekstremizm baş verirsə, təzahürləri varsa, dövlət bütün gücü ilə qanunda nəzərdə tutulmuş vasitələrdən istifadə etməklə onun qarşısını almalıdır: "Bəzi radikallar din adı altında Azərbaycan dövlətinin xarakterini dəyişməyə cəhd edirlər. Onu dünyəvilikdən uzaqlaşdırmağa çalışan hərəkətlərə yol verirlər. İnsanları dövlətə qarşı fəaliyyətə, zorakılığa çağırmaq, eyni zamanda zorakılığın həyata keçməsi üçün döyüş sursatından istifadə etməyə cəhd edirlər. Bu baxımdan hesab edirəm ki, DİN, MTN tərəfindən aparılan əməliyyatlar doğrudur.

Ölkədə sabitlik hər kəsin normal yaşaması üçün ən mühüm vasitədir. Azərbaycanda qanunun aliliyini təmin etmək dövlət orqanlarının vəzifəsidir ki, onlar bu gün Nardaranda bu əməliyyatı həyata keçirməklə bu məqsədə xidmət edirlər. Həmin kəndə müxtəlif bölgələrdən insanlar gəlir, Azərbaycan dövləti əleyhinə çıxışlar edilməsinin də biz şahidi olmuşuq. O da vurğulandı ki, burada eyni zamanda Azərbaycan dilinə, əlifbasına, dövlət atributlarına qarşı hörmətsizlik müşahidə edilib. Bu baxımdan orada olan ayrı-ayrı adamların məsuliyyətə cəlb edilməsi vacibdir. Əhalinin təhlükəsizliyi istiqamətində tədbirlər ölkə başçısı tərəfindən həyata keçirilir və bugünkü fəaliyyət də məhz buna xidmət edir. Çox təəssüf ki, orada bəzi insanlar var ki, bizi orta əsr qaydalarına, xurafata qaytarmaq istəyir.

Təbiidir ki, bütün sadaladığımız dinc sakinlərin normal yaşayışı üçün maneçilik törədirdi.

Belə neqativliklərin aradan qaldırılması qəsəbənin həyatına normal ritm gətirəcək. Paytaxtdan o qədər də uzaq olmayan qəsəbə Azərbaycandakı reallıqlar çərçivəsində həyatını davam etdirəcək".

Məhəmmədəli QƏRİBLİ

DİGƏR XƏBƏRLƏR

Tarix: 17.06.2026 / 22:11

Tramp İran məsələsində “günah keçisi”ni tapdı - Vens “gedəcək”…

Tarix: 16.06.2026 / 18:39

Cənubi Koreya millisi medianı boykot qərarı verdi - Dünya Kuboku bitənə kimi…

Tarix: 16.06.2026 / 17:47

Köçəryanın ölkədən çıxışına imkan verilmədi, hava limanında sənəd yoxlanışı görüntüləri mediaya sız(dırıl)dı

Tarix: 16.06.2026 / 06:15

ABŞ-nin Ermənistana marağının uzun bir tarixi varmış - ekspert sonu TRİPP-ə bağladı

Tarix: 09.06.2026 / 12:34

Özgür Özelin təklifi Kılıçdaroğlunu çaşdırdı...

Tarix: 09.06.2026 / 12:10

Özgür Özəlin Ərdoğana cavabı bütün Türkiyənin gündəminə çevrildi...

Tarix: 09.06.2026 / 07:02

Köçəryan seçkinin nəticələrinə inanmır - etirazlar gündəmdə…

Tarix: 05.06.2026 / 10:57

Bizim ölkənin adı "Ştrafıstan" deyil - Prezident etiraz etdi, deputat "dala verdi"...

Tarix: 04.06.2026 / 19:56

Özgür Özəllə Klıcdaroğlunun şok telefon danışığı yayıldı...

Tarix: 04.06.2026 / 19:31

Ankarada “Ortaq Türk mirası: Qərbi Azərbaycanın və Qars bölgəsinin milli geyim mədəniyyəti” tədbirləri keçirildi

Tarix: 03.06.2026 / 09:10

İrəvanın verilməsinə qarşı çıxanlar...

Tarix: 02.06.2026 / 16:04

Narkoloji tibbi qeydiyyat barədə arayışı da ASAN Xidmət verəcək - FƏRMAN

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 11.06.2026 / 16:47

Baş həkimə illər öncə açılmış cinayət işi yenidən təzələndi...

Tarix: 11.06.2026 / 11:52

Avropa Komissiyasından Trampın kürəkəninə ağır zərbə - "dayandırın"...

Tarix: 11.06.2026 / 11:03

Ümumi daxili məhsulla bağlı maraqlı vəziyyət yarandı - həm müsbət, həm də mənfi tərəfləri var...

Regionların tərəqqisində Qarabağ və Şərqi Zəngəzurun xüsusi çəkisi sürətlə artır