Dini ekstremizmlə mübarizə qaydalarının sərtləşdirilməsi həyati tələb kimi qiymətləndirilir

Tarix: 04.12.2015 / 02:04
Bölmə: Gündəm

Ağa Rəsulov: "Yeni qanunun qəbulunun Azərbaycan dövlətçiliyinin möhkəmlənməsinə və dinimizin yad təsirlərdən qorunmasına müsbət təsiri olacaq"

"Bizim bayrağımızın özündə islama böyük ehtiram var"

"Dini ekstremizmə qarşı mübarizə haqqında" yeni qanun layihəsinin qəbul olunacağı gözlənir. 15 maddədən ibarət qanun layihəsi Milli Məclisin (MM) Hüquq siyasəti və dövlət quruculuğu, İctimai birliklər və dini qurumlar komitəsinin birgə iclasında müzakirəyə çıxarılıb. Yeni qanun layihəsinə əsasən, dini ekstremizmə qarşı mübarizənin əsas prinsipləri qanunçuluğun təmin edilməsi və dini ekstremizmə görə cəzanın labüdlüyüdür.

"Dini ekstremizmə qarşı mübarizə haqqında" qanun layihəsini Milli Məclisin Hüquq siyasəti və dövlət quruculuğu, İctimai birliklər və dini qurumlar komitələri birgə hazırlayıb. Yeni qanun layihəsinə əsasən, dini ekstremizm, dini fanatizm və dini radikalizm hallarının aşkarlanmasına və qarşısının alınmasına və bu hallar nəticəsində dəyə biləcək zərərin minimuma endirilməsinə kömək edə biləcək məlumatları müvafiq dövlət orqanlarına vermək hər kəsin borcudur. Qanun layihəsində qeyd olunub ki, dini ekstremist fəaliyyətində iştirak edən şəxslər Cinayət, İnzibati Xətalar və Mülki məcəllələr ilə nəzərdə tutulmuş qaydada məsuliyyət daşıyır. Dini ekstremist fəaliyyətlə məşğul olan hüquqi şəxslərin qeydiyyatı ləğv edilir və onların fəaliyyəti qadağan edilir.

Layihəyə əsasən, Azərbaycan qanunvericiliyi ilə nəzərdə tutulmuş qaydada dini ekstremizm əleyhinə aparılan xüsusi əməliyyat zamanı dini ekstremistlərin həyatına, sağlamlığına və ya əmlakına ziyan vurulmasına yol verilir. Dini ekstremizmə qarşı mübarizədə iştirak edən şəxs dini ekstremizm əleyhinə aparılan xüsusi əməliyyat zamanı vurulmuş ziyana görə məsuliyyət daşımır.

Sənədə əlavə ediləcək yeni maddəyə görə isə, Azərbaycanda bundan sonra ibadətgahlardan kənarda, ictimai yerlərdə dini şüarların və digər dini atributların (şəxsin üstündə gəzdirdiyi dini atributlar istisna olmaqla) nümayiş etdirilməsi qadağan olunur.

Yeni əlavəyə görə, dini bayraqlar yalnız ibadətgahlar, dini mərkəz və idarələrin üzərində yerləşdirilə bilər.

Bundan başqa, islam dininə aid olan ayin və mərasimlər yalnız Azərbaycan vətəndaşları tərəfindən həyata keçirilə bilər. Xaricdə dini təhsil alan Azərbaycan vətəndaşlarının islam dininə aid ayin və mərasimləri aparması qadağandır.

Həmçinin Cinayət Məcəlləsinə də müvafiq əlavə (168-1 maddə) edilib. Əlavəyə əsasən, islam dininə aid ayin və mərasimlərin xaricdə dini təhsil alan Azərbaycan vətəndaşı tərəfindən aparılmasına görə 1000 manatdan 5 000 manata qədər cərimə və ya 1 ilədək müddətdə azadlıqdan məhrumetmə cəzası tətbiq olunacaq.

Bu hal təkrar və ya qabaqcadan əlbir olan bir qrup şəxs və ya mütəşəkkil dəstə tərəfindən törədildikdə həmin şəxslər 2 ildən 5 ilədək müddətə azadlıqdan məhrum ediləcək.

Qanun layihəsi Milli Məclisin plenar iclasının müzakirəsinə çıxarılacaq.

İlahiyyatçı Ağa Rəsulov qəzetimizə bildirdi ki, yeni qanun layihəsinin ortaya çıxmasını tarixi reallıqlar yetişdirdi: "Bilirsiniz ki, Azərbaycan dövləti mahiyyət etibarilə dünyəvi olsa da, dini ayinlərin icrasına, müxtəlif konfessiyaların inkişafına böyük önəm verir. Belə tolerantlıqdan sui-istifadə hallarına yol verildi. Artıq məlum olur ki, müxtəlif radikal dini təriqətlərin arxasında konkret dövlətlər durub. Xarici vətəndaşların burada gəlib dini təbliğatla məşğul olmasına qoyulan qadağa çox gözəldir. Buna ehtiyac varmı? Azərbaycanın özündə kifayət qədər həmin sahənin mütəxəssisi var. Bilirik ki, bayraq müqəddəsdir. Amma bəzi yerlərdə şahidi oluruq ki, hansısa bayraqları asırlar. Ölkəmizin atributu sayılan bayrağa isə sayğısız münasibət olur.

Bizim bayrağımızın özündə islama böyük ehtiram var. Xüsusi bir rəng var ki, o, islamı simvolizə edir. Bayrağa qarşı sayğısızlığa dünyanın heç bir yerində yol verilməz. Bundan başqa, biz Nardaran hadisələri zamanı da gördük ki, dini radikallar polsə silahlı müqavimət göstərdi.

Belə hallarda silahdan istifadə və buna görə məsuliyyətin daşınmaması ekstremizmlə mübarizədə lazım olan effekti verəcək. Eyni zamanda, asayiş keşikçilərinə ürəkli mübarizə üçün stimul verəcək. Hesab edirəm ki, yeni qanunun qəbulunun Azərbaycan dövlətçiliyinin möhkəmlənməsinə və dinimizin yad təsirlərdən qorunmasına müsbət təsiri olacaq".

Məhəmmədəli QƏRİBLİ

DİGƏR XƏBƏRLƏR

Tarix: 30.10.2026 / 06:41

Yəhudilər erməni monastırına tüpürdülər

Tarix: 29.10.2026 / 17:00

Bir Millət, İki Dövlət, Bir Ürək: Türkiyə Cümhuriyyətinin 103-cü ildönümü münasibətilə İctimai Nəzarət Təşkilatının Təbrik Bəyannaməsi

Tarix: 28.10.2026 / 12:51

ROZA TÖREKULOVNA AYTMATOVANIN ƏZİZ XATİRƏSİNƏ

Tarix: 28.10.2026 / 08:35

Türkiyədəki “sərmayə olayı” Pasifik Holding-i də vurdu - aktivləri donduruldu

Tarix: 28.10.2026 / 06:26

Türkiyədə səs-küylü “Starlink əməliyyatı” - 85 nəfər saxlandı

Tarix: 27.10.2026 / 13:54

"Bakı bu cür beynəlxalq forumlar vasitəsilə mədəniyyətlərarası dialoqa mühüm töhfə verə bilər" - Ozodbek Nazarbekov

Tarix: 27.10.2026 / 13:30

Penitensiar Xidmətə yeni rəis təyin edildi

Tarix: 27.10.2026 / 10:28

Dubay məhkəməsi Rusiya neftinin satışından 700 milyon dollardan çox vəsaiti dondurub - işin içində azərbaycanlılar da var…

Tarix: 26.10.2026 / 06:58

Vuçiç seçkidə məğlubiyyətini rəsmən bəyan etdi

Tarix: 24.10.2026 / 08:38

Serbiyada etirazlar pik həddə - gənclər Vuçiçi devirməyə qərarlıdır

Tarix: 22.10.2026 / 15:01

44 günün fövqündə: milli iradənin və tarixi yaddaşın təntənəsi

Tarix: 20.10.2026 / 22:19

İran XİN sözçüsü Azərbaycana tövsiyə verməyə qalxdı - həm də insan haqları mövzusunda…

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 02.11.2026 / 23:02

Bunu səfir Birol Akgünə açıq məktubum kimi də oxuya bilərsiniz - Aydın QULİYEV yazır...

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Turizm regionlarımızın inkişaf mənbələrindən birinə çevrilir...