Nardaran "ekstremist üsyanında" öz açılımını gözləyən kölgəli məqam...

Tarix: 04.12.2015 / 02:50
Bölmə: Gündəm

Son əməliyyatda ölənlərdən əvvəl yüzlərlə nardaranlını mənən öldürənlər kimdir...

DİN rəhbərliyi ideal tapıntı sayılan üsul tətbiq etdi

Oxşayır ki, işlər qaydasına düşür. Bakının beş addımlığındakı məşhur kəndi bürümüş vahimə görüntüsü, qara-qura aura, bəd ovqat ortadan çıxır. Paytaxt kəndləri arasında yeganə kənddir ki, imici sanki qorxu-vahimə ixrac edirdi. "Dünyanın düz vaxtları"nda belə, hansısa məişət, ticarət məqsədilə bu kəndə getməli olanlar əvvəldən axıradək səksəkəli olublar, səbəbini özləri də dəqiq bilməyiblər, lakin mümkün qədər oranı tez tərk etmək istəyiblər.

Soruşanda isə sadəcə belə deyirdilər":qorxulu kənddi". Dar, qaranlıq, dolanbac küçələri, sanki qəsdlə yaradılmış keçilməzlikləri, əcnəbi dildə rənglənmiş şüarları, sözün həqiqi mənasında "qara tökən" dini elementləri başdan-ayağa qara geyimləri göstərir, bunlardan da nəticə çıxarırdılar ki, oradakı hər şeyin tək görüntüsündə yox, batinində də şübhəli, bəd şeylər var. Bu kənddə mülk alan gəlmələrə ehtiyatlı olmağı tövsiyə edənlər də olurdu. Nədən, kimdən ehtiyatlı olmağın gərəkliyinə isə kimsə ya bilməzlikdən, ya da mücərrəd bir qorxudan izah vermirdi. Beləliklə, bu kənd qorxulu nağıllardakı kimi getdikcə təhlükəli, mifik imicə malik məkana çevrilirdi. Kənd camaatı zaman-zaman özünə qapanmağa, hamıdan fərqlənməyə çalışır, hətta bu əlahiddəliyin çox normal və düzgün əqidə yolu olduğuna vurğunluq hissləri yaranır, möhkəmlənirdi. Kimlərsə vicdanlı yanılma ilə bu ovqata düşür, az-çox dünyəvi düşünmək qabiliyyəti olanları isə açıq və gizli təhdidlərlə bu yola salırdılar. İllər keçdikcə, məhz idarə olunan bu mexanizmin təsiri altında insanlar çadra ilə zahirlərini, xurafatçı, cahil təzislərlə özlərinin bütün mənəvi və zəka dünyasını müasir sivil aləmdən kənarlaşdırırdılar. Həmişə arxa çevrilən o sivil dünya isə Nyu-Yorkda, Londonda, Moskvada yox, onların elə özlərinin "beş addımlığında" - Bakıda idi...

Təəccüblü görünməsin, Londondakı, Berlindəki, İstanbuldakı sivilizasiyanı görə bilmədiklərini anladıq, "beş addımlıqda" Bakı küçələrindəki, meydan və saraylardakı, universitetlərdəki yüksələn sivilizasiya niyə görünməz oldu onlar üçün?! Qadının qapqara geyimdən kənara çıxmasının cinayət, uşağın məktəbə getməsinin küfr, dövlətdə işləməyin xəyanət, lakin bəzi hallarda hətta narkotik düşkünlüyünün normal həyat sayıldığı bir cəmiyyət nəinki Londonu, Nyu-Yorku, Berlini, heç Bakıdakı sivilizasiyanı da görə bilməzdi. Gözümüzün qabağında göz dağı kimi bir yaşam modeli formalaşdı - özündən buraxdığı və gizli yollarla xaricdəki bəlli ünvanlardan aldığı reaktiv enerji ilə özünün cəhalət dünyasını daim möhkəmləndirən, gücləndirən, kompromissiz düşmənçilik ovqatı ilə yaşayan model...

İndi bəzi belə detallar DİN-in dəqiq əməliyyatları sayəsində arxada qalsa da, maraqlı proses başlayıb. Artıq ölkədə hamı, hətta Nardaran sakinlərinin özləri də sağlam şəkildə anlamağa başlayıblar ki, kimlərsə oranı illər boyu ekstremist qrup yuvasına çevirib. Uşaqları təhsildən, qadınları dünyəvi işdən ayırmaq, bəzi zəif gəncləri uyuşdurucu asılılığına bağlamaq məqsədli iş imiş. Çünki məlum ekstremist məqsədlərin həyata keçirilməsi üçün bu cür qeyri-yetkin və anlaşıqsız sosial baza çox əlverişli sayılır.

DİN-in əməliyyatları sayəsində kəndin üzərində illərdən bəri dolaşan vahiməli ruh xeyli zəiflədildi, əslində kənd camaatının özü də azad nəfəs almağa başlayıb. Kənddəki

polis postları, gəzişən hüquq-mühafizə əməkdaşları onların əslində zülmətdən daha işıqlı bir yola keçidini təmin etmək üçün çalışır. Bu gün Nardaranda kimlərsə polislərə düşmən kimi baxa, qisas almaq üçün fürsət axtara bilər, elə axtarırlar da... Ancaq çox çəkməz, bir neçə ildən sonra kəndin bugünkü çadralı, məktəbdən uzaqlaşdırılmış qız-gəlinləri sivil həyatın daşıyıcılarına çevriləndə ilk olaraq elə nardaranlılar bu gün düşmən kimi baxdıqları polislərin əslində nə iş gördüklərinin fərqini anlayacaqlar. Polis qadınların Nardarandakı əməliyyata qoşulması isə DİN rəhbərliyinin bu orijinal şəraitə uyğun ideal tapıntısı sayıla bilər. Müqayisə üçün əla görüntüdür: bir yanda yad ideologiyalarla kənddə məskunlaşmış ekstremist Bağırzadə kimilərin feodalsayağı düşüncə məhsulu olan qaraya bürünmüş fəaliyyətsiz qadınlar, başqa yanda isə sivil Azərbaycan dövlətçiliyi ideologiyasının məhsulları olan qanun keşikçisi qadınlar... Fərqi çox izah etməyə ehtiyac yoxdur, indi çoxları bunu görür, zamanı gələndə Bağırzadələrin təbliğat toruna düşərək "taleh"ləri alt-üst olmuş və bəsirətləri bağlanmış bəzi kənd sakinlərinin özləri də görəcək.

Kənddə əməliyyat hələ davam edir, etməlidir, sonuncu nardaranlının, onlara yanlış dəstək verən başqa yerlilərin də bəsirətləri tam açılana qədər... Təəssüf ki, bu yolda ölənlər, yaralananlar oldu. Ancaq ölüm tək cismani sonluq demək deyil, onun mənəvi ölüm, mənəvi qətl deyilən formaları da var. Hansısa cinayətkar planlar naminə körpə yaşlardan çadra altına salınan, məktəbdən, universitetdən məhrum edilən uşaqlar əslində mənən öldürülmüş, qətl edilmiş binəsiblər deyilmi? Kim bilir, bu sayaq əməllərlə neçə nardaranlı istedad parlamadan məktəb divarlarının arxasında, tinlərdə, çadralar altında məhv edildi...

DİN-in əməliyyatları nəticəsində Nardaranda öldürülmüş insanlara görə ən böyük məsuliyyəti məhz bu dairələr daşıyır. Taleh Bağırzadə Nardaranda nə axtarırdı, niyə bu kəndə sığınmışdı, elmi, dini yaradıcılıq və axtarışlar üçün məgər onun ana torpağı İsmayıllı Nardarandan geridə qalır? Elə əməliyyat keçirilən gün də orada çoxlu sayda başqa yerlərdən gəlmiş "həmfikir ekstremistlərin" olduğu barədə söz-söhbətlər dolaşır. Öldürülmüş 4 ekstremistdən ikisinin "bəd niyyətli qonaqlardan" olduğu deyilir. Bu insanlar Nardarana niyə yığışırmışlar? Hazırda aparılan əməliyyatlar və istintaq bütün Azərbaycan xalqının açılımını gözlədiyi ən qaranlıq (hələlik) məqamlardan biri olan bu məsələyə yəqin aydınlıq gətirəcək...

Tahir TAĞIYEV

DİGƏR XƏBƏRLƏR

Tarix: 30.10.2026 / 06:41

Yəhudilər erməni monastırına tüpürdülər

Tarix: 29.10.2026 / 17:00

Bir Millət, İki Dövlət, Bir Ürək: Türkiyə Cümhuriyyətinin 103-cü ildönümü münasibətilə İctimai Nəzarət Təşkilatının Təbrik Bəyannaməsi

Tarix: 28.10.2026 / 12:51

ROZA TÖREKULOVNA AYTMATOVANIN ƏZİZ XATİRƏSİNƏ

Tarix: 28.10.2026 / 08:35

Türkiyədəki “sərmayə olayı” Pasifik Holding-i də vurdu - aktivləri donduruldu

Tarix: 28.10.2026 / 06:26

Türkiyədə səs-küylü “Starlink əməliyyatı” - 85 nəfər saxlandı

Tarix: 27.10.2026 / 13:54

"Bakı bu cür beynəlxalq forumlar vasitəsilə mədəniyyətlərarası dialoqa mühüm töhfə verə bilər" - Ozodbek Nazarbekov

Tarix: 27.10.2026 / 13:30

Penitensiar Xidmətə yeni rəis təyin edildi

Tarix: 27.10.2026 / 10:28

Dubay məhkəməsi Rusiya neftinin satışından 700 milyon dollardan çox vəsaiti dondurub - işin içində azərbaycanlılar da var…

Tarix: 26.10.2026 / 06:58

Vuçiç seçkidə məğlubiyyətini rəsmən bəyan etdi

Tarix: 24.10.2026 / 08:38

Serbiyada etirazlar pik həddə - gənclər Vuçiçi devirməyə qərarlıdır

Tarix: 22.10.2026 / 15:01

44 günün fövqündə: milli iradənin və tarixi yaddaşın təntənəsi

Tarix: 20.10.2026 / 22:19

İran XİN sözçüsü Azərbaycana tövsiyə verməyə qalxdı - həm də insan haqları mövzusunda…

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 02.11.2026 / 23:02

Bunu səfir Birol Akgünə açıq məktubum kimi də oxuya bilərsiniz - Aydın QULİYEV yazır...

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Turizm regionlarımızın inkişaf mənbələrindən birinə çevrilir...