"Müsəlman birliyi"nə qarşı ölkə boyu əməliyyatların kriminogen-strateji əsasları...

Tarix: 04.12.2015 / 02:32
Bölmə: Gündəm

Mehman Muradlı: "Aparılan əməliyyatlar zamanı üzə çıxan faktlar "Müsəlman birliyi" hərəkatının tamamilə başqa məqsədlər uğrunda mübarizə apardığını ortaya çıxarır"

"Bəlli olur ki, təşkilat Azərbaycanda şəriət dövləti yaratmaq istəyib ki, bu da konstitusion quruluşun dəyişdirilməsi anlamına gəlir"

Yayılan rəsmi informasiyalardan bəlli olur ki, "Müsəlman birliyi" adlı hərəkatın fəallarının Nardaranda zərərsizləşdirilməsindən sonra təşkilatın digər üzvlərinin də məsuliyyətə cəlb olunması istiqamətində ölkə boyu xüsusi əməliyyatlar keçirilir.

Gəncə Şəhər Baş Polis İdarəsi əməkdaşlarının həyata keçirdiyi əməliyyat-axtarış tədbirləri nəticəsində "Müsəlman birliyi" adlı hərəkatın üzvlərinə dəstək verən şəhər sakini Elnur Cabbarov tutulub. Daxili İşlər Nazirliyindən verilən məlumata görə, ondan 2 ədəd "F-1" qumbarası və 2 ədəd kitabça ("Müsəlman birliyi" adlı hərəkatın rəhbəri Taleh Bağırzadənin müraciəti) aşkar edilərək götürülüb.

Kəpəz Rayon Polis İdarəsi əməkdaşlarının həyata keçirdiyi əməliyyat-axtarış tədbirləri nəticəsində "Müsəlman birliyi" adlı hərəkatın üzvlərinə dəstək verən Elnur Mehdiyevin mənzilindən 2 ədəd "F-1" qumbarası, 2 ədəd "RQD-5" qumbarası, 3 ədəd patron darağı, 57 ədəd avtomat patronu, 18 ədəd dini ədəbiyyat, 1 ədəd dini məzmunlu qəzet və 3 ədəd kitabça ("Müsəlman birliyi" adlı hərəkatın rəhbəri Taleh Bağırzadənin müraciəti) aşkar edilərək götürülüb.

Sabirabad Rayon Polis Şöbəsi əməkdaşları tərəfindən isə noyabrın 30-da İnzibati Xətalar Məcəlləsinin 310-cu maddəsi ilə həbs olunmuş Möhtəbər Babayevin məlum Nardaran hadisəsində iştirak etməsi və "Müsəlman birliyi" adlı hərəkatın üzvü olan Rövşənin ona saxlamaq məqsədilə avtomat silah verdiyi müəyyən edilib. Həyata keçirilmiş əməliyyat-axtarış tədbirləri ilə M.Babayevin Xankeçən kəndinin yaxınlığında gizlətdiyi 1 ədəd "AKMS" markalı silah, 1 ədəd parton darağı və 38 ədəd patron aşkar edilərək götürülüb.

Binəqədi RPİ 4-cü PB əməkdaşlarının həyata keçirdiyi əməliyyat-axtarış tədbirləri nəticəsində "Müsəlman birliyi" adlı hərəkatın üzvlərinə dəstək verən Elgün Axundov da tutulub, onun Binəqədi qəsəbəsindəki evindən 2 ədəd "F-1" qumbarası və 22 ədəd patron götürülüb.

Belə əməliyyatların aparılması hansı zərurətdən irəli gəlib?

Hüquqşünas Mehman Muradlı qəzetimizə açıqlamasında bildirdi ki, "Müsəlman birliyi" adlı təşkilata qarşı bütün ölkə boyu əməliyyatların keçirilməsi qanunvericiliyə uyğundur: "Bilirsiniz ki, bu adda təşkilat heç bir yerdə rəsmi qeydiyyatdan keçməyib. Qısa bir zamanda bu təşkilatın adı ilə müxtəlif növ provokasion çağırışlar edilməyə başladı. Məlum oldu ki, deyilən qurum öz ətrafında radikal və ekstremist meylli bəzi şəxsləri birləşdirib. Hətta Nardaranda polis işçilərinə müqavimət göstərərkən öldürülən şəxslərin sosial şəbəkələrdə yayılan fotolarından görünür ki, onlar həm də kriminala meylli olublar. Bədənlərində döyülən simvolikalar bunu tam sübut edir. Deməli, adına müsəlman sözünü əlavə edən təşkilat öz ətrafında kriminal, dini-ekstremist qüvvələri cəmləyib. Maraqlıdır ki, Nardaranda həyata keçirilən əməliyyatlar zamanı Azərbaycanın bəzi şəhərlərində onlara dəstək vermək kimi xırda cəhdlər edildi. Bu da təşkilatın ölkənin bütün bölgələrdə üzvlərinin ola biləcəyi anlamına gəlir. Düzdür, bu kütləvi ola bilməz, ancaq əməliyyat nöqteyi-nəzərindən həmin elementlər mütləq zərərsizləşdirilməlidir. Həmçinin, Nardaranda həbs edilən və təşkilatın əsas ideyaverənləri ilə bağlı istintaq hərəkətləri aparılır. Ola bilər ki, istintaq vaxtı da ciddi informasiyalar əldə edilir ki, bu da ölkə ərazisində əməliyyatların həyata keçirilməsi zərurətini yaradır. Hesab edirəm ki, qanunvericiliklə uzlaşmayan istənilən hərəkətə mütləq hüquqi qiymət verilməlidir.

Aparılan əməliyyatlar zamanı üzə çıxan faktlar "Müsəlman birliyi" hərəkatının tamamilə başqa məqsədlər uğrunda mübarizə apardığını ortaya çıxarır. Bəlli olur ki, təşkilat Azərbaycanda şəriət dövləti yaratmaq istəyib ki, bu da konstitusion quruluşun dəyişdirilməsi anlamına gəlir".

Məhəmmədəli QƏRİBLİ

DİGƏR XƏBƏRLƏR

Tarix: 17.06.2026 / 22:11

Tramp İran məsələsində “günah keçisi”ni tapdı - Vens “gedəcək”…

Tarix: 16.06.2026 / 18:39

Cənubi Koreya millisi medianı boykot qərarı verdi - Dünya Kuboku bitənə kimi…

Tarix: 16.06.2026 / 17:47

Köçəryanın ölkədən çıxışına imkan verilmədi, hava limanında sənəd yoxlanışı görüntüləri mediaya sız(dırıl)dı

Tarix: 16.06.2026 / 06:15

ABŞ-nin Ermənistana marağının uzun bir tarixi varmış - ekspert sonu TRİPP-ə bağladı

Tarix: 09.06.2026 / 12:34

Özgür Özelin təklifi Kılıçdaroğlunu çaşdırdı...

Tarix: 09.06.2026 / 12:10

Özgür Özəlin Ərdoğana cavabı bütün Türkiyənin gündəminə çevrildi...

Tarix: 09.06.2026 / 07:02

Köçəryan seçkinin nəticələrinə inanmır - etirazlar gündəmdə…

Tarix: 05.06.2026 / 10:57

Bizim ölkənin adı "Ştrafıstan" deyil - Prezident etiraz etdi, deputat "dala verdi"...

Tarix: 04.06.2026 / 19:56

Özgür Özəllə Klıcdaroğlunun şok telefon danışığı yayıldı...

Tarix: 04.06.2026 / 19:31

Ankarada “Ortaq Türk mirası: Qərbi Azərbaycanın və Qars bölgəsinin milli geyim mədəniyyəti” tədbirləri keçirildi

Tarix: 03.06.2026 / 09:10

İrəvanın verilməsinə qarşı çıxanlar...

Tarix: 02.06.2026 / 16:04

Narkoloji tibbi qeydiyyat barədə arayışı da ASAN Xidmət verəcək - FƏRMAN

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 11.06.2026 / 16:47

Baş həkimə illər öncə açılmış cinayət işi yenidən təzələndi...

Tarix: 11.06.2026 / 11:52

Avropa Komissiyasından Trampın kürəkəninə ağır zərbə - "dayandırın"...

Tarix: 11.06.2026 / 11:03

Ümumi daxili məhsulla bağlı maraqlı vəziyyət yarandı - həm müsbət, həm də mənfi tərəfləri var...

Regionların tərəqqisində Qarabağ və Şərqi Zəngəzurun xüsusi çəkisi sürətlə artır