Rusiyadakı azərbaycanlı əmək miqrantları üçün maraqlı proses başlayır...

Tarix: 03.12.2015 / 02:06
Bölmə: Gündəm

Son günlərdə Rusiyada miqrantlarla bağıl vəziyyətin yenidən pisləşməsi müşahidə olunur. Özü də bu hal Türkiyə iş adamlarının Rusiyada sıxışdırılması fonunda baş verir. Rusiyalı deputat Dmitri Qudkov da bildirir ki, nasizm Rusiya və Ukraynada yenidən yaranır və bu çox utancvericidir: "Bir ölkənin xalqı ilə hökumətini səhv salmayın. Türkiyə vətəndaşlarını Rusiyaya buraxmırlar.

Onlar saatlarla sərhəddə gözləyib, sonra geri dönürlər. Məgər rus qırıcısını türkiyəli tələbələr yaxud fəhlələr vurdu?".

Türkiyə prezidenti Rəcəb Tayyib Ərdoğan isə qeyd edir: : "Rusiyaya qarşı hamı sanksiya tətbiq edərkən biz bunu etmədik. Düşündük ki, strateji ortağımızdır, ərzaq malları da daxil olmaqla məhsullarımızı verməyə davam edəcəyik. Onların hərəkətinə baxın, "Bu məhsulları almayacağıq" - deyirlər. İş adamlarımıza əziyyət veririlər. Onlar dövlətə aid ciddiliyə uyğun gəlmir. Türkiyə bu məsələdə əsilliyini qoruyur. Biz onlara qarşı eyni davranışdan istifadə etmirik. Biz diplomatik dildən istifadə etməklə özümüzə yaraşanı edirik. Onların da tutduqları yolu dəyişəcəklərini gözləyirik". Hazırda problemin narahatlıq yaradan tərəfi nasizm fonunda türk iş ahdamlarına, eləcə də digər millətlərdən olan miqrantlara, o cümlədən soydaşalrımıza yaranan təhddiddir. Moskva miqrasiya sahəsində qanunvericili də sərtləşdirmək niyyətindədir. Həmçinin, Rusiyadakı xarici vətəndaşların patentə görə ödənişi artırılıb. Qanun 2016-cı il yanvarın 1-dən etibarən qüvvəyə minəcək. Beləliklə, Rusiyadakı miqrantlar bu ölkədə əmək fəaliyyəti ilə məşğul olmaq üçün patentin dəyəri 4,2 min rubla qədər artırılıb.

Halbuki 2015-ci il yanvarın 1-də qəbul edilən qərara əsasən, Moskvada miqrantlar üçün aylıq patent dəyəri 4 min rubl dəyərində müəyyən edilmişdi. Patentlər yalnız Rusiyanın verildiyi vilayətində işləməyə imkan yaradır və digər vilayətdə həmin patentlər etibarlı sayılmırlar. Budan əlavə qanuna görə, əmək patentində göstərilən fəaliyyət nüvündən kənar işlə məşğul olan əcnəbilərin 100 dollar miqdarında cərimə olunması və patentin ləğvi nəzərdə tutulur. Bildirilir ki, əmək miqrantları fəaliyyət sahələrini dəyişdikdə rəsmi məlumat verməlidirlər. Rusiya Miqrantlar Federasiyası isə qanunun miqrantlara daha çox təzyiq göstərməkdən başqa heç bir məqsəd daşımadığını düşünür: "Rusiya əmək miqrantlarını qəbul edəndə onların peşəsini əsas götürmür. O halda hansı əsasla belə bir qanun qəbul edildiyini anlamaq mümkün deyil. Belə çıxır ki, patentində peşəsi aşçı yazılan bir miqrant ofisiant işləsə, patentsiz qalacaq. Belələri isə deportasiya edilir. Bütün bu qanunlar miqrantları daha çox əzmək üçün qəbul edilir".

Rusiyanın müvafiq qurumları yeni qərarı şərh edərkən bildiriblər ki, bu, miqrantların vergi yükünü Rusiya vətəndaşlarının vergi öhdəliyinə yaxınlaşdıracaq. Bu isə öz növbəsində əmək bazarında, xüsusilə miqrantların əməyinin daha çox istifadə edildiyi sahələrdə Rusiya vətəndaşlarının miqrantlarla rəqabət aparmasına imkan yaradacaq. Bundan başqa, Rusiya bunun sayəsində dövlət büdcəsi gəlirlərinin artacağına da ümid edir. Amma aydındır ki, əmək qanunvericiliyində hər hansı dəyişiklik miqrantlara bilavasitə təsir edir. B umənada aydındır ki, patent dəyərinin artırılması da Rusiyada patent almaqla fəaliyyət göstərən miqrantlara təsir edəcək. Çünki onların gəlirləri son zamanlar bir sıra iqtisadi və siyasi səbəblərlə, məsələn, Rusiyaya qarşı sansksiyaların tətbiqi, rublun ucuzlaşması, iş yerlərinin azalması, miqrasiya qanunvericiliyinin sərtləşdirilməsi azalmışdı. Odur ki, ödənişin artırılması gəlirləri azalan miqrantlar üçün əlavə çətinliklər yaradacaq.

Gözlənilir ki, baş vernələr fonunda Rusiyanı tərk edən soydahlamızın sayı artacaq. Ümumiyyətlə, son bir neçə ildə Rusiyada fəaliyyət göstərən miqrantların sayında azalma olub. Əgər 2 il əvvəl Rusiyada əmək fəaliyyəti ilə məşğul olan azərbaycanlıların sayı 615 min idisə, son proseslər nəticəsində onların sayı təxminən 550 minə qədər azalıb. Bunun səbəblərindən biri d əodur ki, Rusiya iqtisadiyyatının ayrı-ayrı sahələrində əcnəbi işçilərin yolverilən payı haqqında 2015-ci il yanvarın 1-dən qüvvəyə minən qərarlar isə miqrantların durumunu getdikcə çətinləşdirib. Düzdür, Azərbaycan vətəndaşları Rusiyanın əmək bazarına uyğunlaşıblar və orada çalışırlar. Amma problem yaşayanlar da az deyil. Elə bu səbəbdəndir ki, Rusiyaya gedən soydaşlarımızın sayı azalır.

Bununla yanaşı, son vaxtlar Azərbaycana əmək miqrantlarının axını müşahidə olunur. Azərbaycan əcnəbi vətəndaşlar üçün cəlbedici olub, bir vaxtlar ölkəni tərk edən Azərbaycan vətəndaşları da indi qayıdırlar.