Dini konfessiyalar dövlətçilik üçün ən prinsipial anda İlham Əliyevin yanında dayandılar

Tarix: 03.12.2015 / 02:44
Bölmə: Gündəm

Ağa Rəsulov: "Azərbaycan dövlətinin normal dindarlıq edənlərlə heç bir problemi yoxdur"

"Hesab edirəm ki, belə təşəbbüslərin Azərbaycan dövlətçiliyinin qorunmasına və dini konfessiyaların inkişafına böyük faydası var"

Qloballaşma və inteqrasiya proseslərinin geniş vüsət aldığı müasir dünyada eyni zamanda ziddiyyətli proseslər, ayrı-ayrı bölgələrdə milli-mədəni, mənəvi və siyasi qarşıdurmalar, islamofobiya, antisemitizm, ksenofobiya halları da müşahidə olunur.

Qafqaz Müsəlmanları İdarəsinin sədri, Şeyxülislam Allahşükür Paşazadə, Bakı və Azərbaycan arxiyepiskopu Aleksandr, Roma Katolik Kilsəsinin Azərbaycandakı apostol prefekturasının ordinarisi Vladimir Fekete, Azərbaycandakı Dağ yəhudiləri icmasının rəhbəri Melih Yevdayev, Avropa yəhudilərinin Bakı icmasının sədri Gennadi Zelmanoviç və Alban-udi xristian dini icmasının sədri Robert Mobili Azərbaycan Prezidenti İlham Əliyevə müraciət ediblər.

QMİ-nin mətbuat xidmətindən verilən məlumata görə, müraciətə imza atan Azərbaycanda fəaliyyət göstərən dini konfessiyaların rəhbərləri Beynəlxalq tolerantlıq günü münasibətilə multikultural ənənələrin və dinlərarası münasibətlərin inkişafındakı xidmətlərə görə yüksək təltifat - "Azərbaycan Respublikası Prezidentinin fəxri diplomu"na layiq görüldükləri üçün dövlət başçısına təşəkkür edib, minnətdarlıqlarını çatdırıblar.

Müraciətdə vurğulanır ki, bu gün sivilizasiyaların qovuşduğu Azərbaycanda təşəkkül tapmış davamlı tolerantlıq mühiti cəmiyyətimizdə milli-mənəvi həmrəyliyi və ictimai-siyasi sabitliyi şərtləndirən tarixi nailiyyətdir. Dinindən, dilindən, milli mənsubiyyətindən asılı olmayaraq, Azərbaycanın bütün vətəndaşları ölkəmizdə mövcud olan söz, vicdan və dini etiqad azadlığından, dövlət-din münasibətlərindən və demokratik-hüquqi şəraitdən lazımınca yararlanmaqdadır. Dini konfessiyaların rəhbərləri bildiriblər ki, qloballaşma və inteqrasiya proseslərinin geniş vüsət aldığı müasir dünyada eyni zamanda ziddiyyətli proseslər, ayrı-ayrı bölgələrdə milli-mədəni, mənəvi və siyasi qarşıdurmalar, islamofobiya, antisemitizm, ksenofobiya halları da müşahidə olunur: "Təəssüf hissi ilə qeyd etməliyik ki, etnik-siyasi qarşıdurmalar, terrorizm, separatçılıq, dini radikalizm, dindən sui-istifadə edərək münaqişələr yaratmaq kimi bütövlükdə bəşər sivilizasiyasını təhdid edən hadisələr zəmanəmizin bugünkü acı gerçəyidir. Belə vəziyyətdə mədəniyyətlərarası dialoqa, aparıcı dünya dinlərinin həmrəylik və sülh çağırışlarına ciddi ehtiyac var. Əminik ki, Heydər Əliyev Fondunun rəhbəri, birinci xanım Mehriban Əliyevanın dəstəyi ilə bizim hər zaman təbliğ etdiyimiz və dünyaya multikulturalizmin nümunəsi kimi təqdim etdiyimiz Azərbaycanın tolerantlıq modeli sivilizasiyalararası dialoqun və mədəni əlaqələrin inkişafına, qarşılıqlı anlaşma və dostluq kimi bəşəri dəyərlərin təşviqinə və təkamülünə öz töhfəsini verməkdədir. Dövlətimizin bütün dini konfessiyalar üçün yaratdığı eyni şəraitin və bərabər münasibətin ən parlaq təzahürlərindən biri də multikultural ənənələrin və dinlərarası münasibətlərin inkişafındakı xidmətlərə görə bizə təqdim etdiyiniz Fəxri Diplomda əksini tapır".

Dini konfessiyaların rəhbərləri müraciətlərində ümidvar olduqlarını bildiriblər ki, bütün münaqişə bölgələrinin, o cümlədən əzəli Azərbaycan torpağı olan Qarabağın problemi tezliklə beynəlxalq hüquq normaları çərçivəsində sülh yolu ilə öz ədalətli həllini tapacaq.

Belə bir müraciətin edilməsi dövlətlə konfessiyaların münasibətlərinin tənzimlənməsinə necə təsir edəcək?

İlahiyyatçı Ağa Rəsulov qəzetimizə bildirdi ki, belə bir müraciətin edilməsi Azərbaycandakı tolerant mühitin göstəricisidir: "Doğrudan da Azərbaycanda heç vaxt təriqətlərarası ziddiyyət olmayıb. Heç müxtəlif dinlərin nümayəndələri arasında da hansısa qarşıdurmalara rast gəlinməyib. Təbiidir ki, belə mühitin olmasında formalaşan ənənə ilə yanaşı, eyni zamanda dövlətin də böyük zəhməti var. Qəbul edilən qanunvericilik aktları, bütün konfessiyalara göstərilən ehtiram və diqqət bunun aydın göstəricisidir. Azərbaycanda, demək olar ki, bütün konfessiyalara lazım olan ən yüksək şərait yaradılıb. Onların hamısının işləmək, ibadət etmək üçün şəraiti var. Bu baxımdan heç bir normativ onlara qadağa qoymur. Bakıda dəfələrlə ən yüksək səviyyədə dini tədbirlər keçirilib. Bura gələn dünyanın ən tanınmış din xadimləri belə Azərbaycandakı tolerant dini mühitə heyran olduqlarını deyiblər. Dini konfessiya rəhbərlərinin Prezidentə etdiyi müraciət də həmin işgüzar və normal mühitin davamına müsbət təsiri olacaq. Ancaq təəssüflər olsun ki, bəzi radikal dairələr dövlətin bu humanistliyindən istifadə etməklə öz çirkin niyyətlərinə çatmaq istəyir. Nardaran hadisəsi ilə bağlı dindən bir vasitə kimi istifadə etmək istəyənlərin aqibətini gördük. Bu bir daha sübut edir ki, Azərbaycan dövlətinin normal dindarlıq edənlərlə heç bir problemi yoxdur.

Hesab edirəm ki, belə təşəbbüslərin Azərbaycan dövlətçiliyinin qorunmasına və dini konfessiyaların inkişafına böyük faydası var".

Məhəmmədəli QƏRİBLİ

DİGƏR XƏBƏRLƏR

Tarix: 17.06.2026 / 22:11

Tramp İran məsələsində “günah keçisi”ni tapdı - Vens “gedəcək”…

Tarix: 16.06.2026 / 18:39

Cənubi Koreya millisi medianı boykot qərarı verdi - Dünya Kuboku bitənə kimi…

Tarix: 16.06.2026 / 17:47

Köçəryanın ölkədən çıxışına imkan verilmədi, hava limanında sənəd yoxlanışı görüntüləri mediaya sız(dırıl)dı

Tarix: 16.06.2026 / 06:15

ABŞ-nin Ermənistana marağının uzun bir tarixi varmış - ekspert sonu TRİPP-ə bağladı

Tarix: 09.06.2026 / 12:34

Özgür Özelin təklifi Kılıçdaroğlunu çaşdırdı...

Tarix: 09.06.2026 / 12:10

Özgür Özəlin Ərdoğana cavabı bütün Türkiyənin gündəminə çevrildi...

Tarix: 09.06.2026 / 07:02

Köçəryan seçkinin nəticələrinə inanmır - etirazlar gündəmdə…

Tarix: 05.06.2026 / 10:57

Bizim ölkənin adı "Ştrafıstan" deyil - Prezident etiraz etdi, deputat "dala verdi"...

Tarix: 04.06.2026 / 19:56

Özgür Özəllə Klıcdaroğlunun şok telefon danışığı yayıldı...

Tarix: 04.06.2026 / 19:31

Ankarada “Ortaq Türk mirası: Qərbi Azərbaycanın və Qars bölgəsinin milli geyim mədəniyyəti” tədbirləri keçirildi

Tarix: 03.06.2026 / 09:10

İrəvanın verilməsinə qarşı çıxanlar...

Tarix: 02.06.2026 / 16:04

Narkoloji tibbi qeydiyyat barədə arayışı da ASAN Xidmət verəcək - FƏRMAN

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 11.06.2026 / 16:47

Baş həkimə illər öncə açılmış cinayət işi yenidən təzələndi...

Tarix: 11.06.2026 / 11:52

Avropa Komissiyasından Trampın kürəkəninə ağır zərbə - "dayandırın"...

Tarix: 11.06.2026 / 11:03

Ümumi daxili məhsulla bağlı maraqlı vəziyyət yarandı - həm müsbət, həm də mənfi tərəfləri var...

Regionların tərəqqisində Qarabağ və Şərqi Zəngəzurun xüsusi çəkisi sürətlə artır