Azərbaycana iftira atmaqla hər zaman dünyanın gözünə kül üfürüb özünün əsl mahiyyətini o külün arxasında gizlətməyə çalışan, bəzi hallarda hətta buna nail də olan Ermənistan növbəti dəfə buna cəhd edib. Lakin bu dəfə özünə alət olaraq Rusiyanın "İzvestiya” qəzetini seçib.
Belə ki, Ermənistanın Panorama.am saytı "İzvestiya”nın guya Azərbaycandan İŞİD-ə dəstək məqsədilə (!) maliyyə axınının getdiyini yazıb. Nəşr Rusiyanın olsa da, bu məqalənin arxasında erməni barmağı olduğu şəksizdir. Guya qəzet yazır ki, Rusiyanın xüsusi xidmət orqanları MDB ölkələri ilə birlikdə İŞİD-lə əlaqəli şəxslərin aşkarlanması istiqamətində əməliyyat keçirməyə hazırlaşır. Buna səbəb isə region ölkələrindən terrorçu qruplaşmaya maliyyə dəstəyi verilməsi şübhələrinin olmasıdır. Nəşrə görə, bu sırada birinci yerdə Qazaxıstan, ikinci yerdə Azərbaycan, üçüncü yerdə isə Türkmənistan gəlir.
Bu yerdə üzdəniraqq sayt təşəbbüsü ələ alır və guya xatırlatma edərək yazır: "Əslində Azərbaycanın beynəlxalq terrorçu qruplaşmalarla əlaqələri başlanğıcını ötən əsrin 90-cı illərindən götürür. O zaman Dağlıq Qarabağa qarşı aqressiyası (!!!) uğursuzluğa düçar olan Azərbaycan Ordusu itki verərək geri çəkilmişdi. Vəziyyəti xilas etmək üçün Azərbaycanın o zamankı rəhbərliyi Heydər Əliyevin başçılığı ilə Dağlıq Qarabağda ermənilərə qarşı döyüşmək məqsədilə beynəlxalq terrorçu qruplar və radikal birləşmələrlə - Əfqanıstandan Gülbəddin Hikmətyarın qruplaşması, Türkiyədən Bozqurdlar, Çeçenistandan Basayevin, Raduyevin dəstələri ilə əlaqələr qurdu”.
Özünün xəbis xislətini və siyasi həyasızlığını bir daha ortaya qoyan erməni saytı iftira və böhtan ruporunu işə salaraq daha sonra yazır:”Ordusunda minlərlə (!!!) əcnəbi muzdlusu və terrorçu ermənilərə qarşı döyüşsə də, onlar məğlubiyyətə uğrayıb "DQR” ilə barışıq imzalamağa (!!!) məcbur oldular. Lakin o zamankı uğursuzluğa baxmayaraq, beynəlxalq terrorçular Azərbaycanda mühüm əlaqələr qura bildilər və bu əlaqələr bu gün də davam edir. Son illərdə Azərbaycan vətəndaşları Rusiyada, Əfqanıstanda, Suriya və İraqda aktiv ekstremist fəaliyyət göstərir”.
Dağlıq Qarabağın nə zamandan "tərəf” olduğunu, söhbətin hansı "razılaşma”dan getdiyini bir kənara qoyaq. Zatən bunların vicdansızcasına uydurulduğu hər kəsə bəllidir. Bəla burasındadır ki, bu günə kimi hər cür həyasızlığa gedən üzdəniraq qonıularımız bu dəfə daha masştablı şərəfsizliyə qol qoyaraq, Azərbaycanın guya ötən əsrin 90-cı illərindən beynəlxalq terrorizmlə əlbir olduğunu yazır, bununla da qalmayaraq dünyasını dəyişmiş bir insana, mərhun prezidentə çamur atır. Bu yerdə deyiblər ki, adimi sənə qoyum, səni də yana-yana! Axı bunu hər kəs bilir ki, Qarabağ doyüşlərində aralarında hətta zəncilərin də olduğu muzdlular kimin tərəfində döyüşüb!
Bəlli məsələdir ki, mətbu orqanlarının belə yazıları bu ölkənin daxili auditoriyasına hesablanıb. Aclığın, səfalətin ayaq açıb yeridiyi, insanlarının çarəsizlikdən hətta müharibə vəziyyətində olduğu Azərbaycana belə üz tutduğu bir ölkənin çarəsizlikdən, hətta hikkəsindən Azərbaycanı şərləməyə çalışdığı ortadadır. Üstəlik bu günə kimi güvəndiyi Rusiyanın ona olan münasibətilə Azərbaycana münasibəti arasında yerlə göy qədər fərqi görən bu iftira çəlləyi görəsən daha hansı alçqaqlıqlara baş vurmağı planlayır?
Yəqin bu bədbəxtlər hələ də fərqində deyillər ki, qoz gümbəzə yapışmaz...
Baki-xeber.com
