"Qəbələ" - "Apollon" futbol matçına "bayraq təxribatı" hazırlayırlar(?)

Tarix: 14.08.2015 / 03:57
Bölmə: Gündəm

Niyə Azərbaycanın yox, Türkiyənin bayraqları?...

"Qəbələ"-"Apollon" futbol klublarının oyunundan sonra iki şəxsin gərgin qarşıdurması nəticəsində ortaya çıxmış jurnalist faciəsini siyasiləşdirməyə çalışanlar, ümumən Azərbaycandakı media mühiti üzərinə hücum üçün bəhanə axtaranlardan ötrü yeni bir kampaniyanın hazırlandığının əlamətləri artıq ortadadır.

Söhbət sosial şəbəkələrdə hazırlanan və "Qəbələ"-"Apollon" klublarının təkrar görüşünü hədəfləmiş bir kampaniyadan gedir.

Neçə gündür sosial şəbəkələrdə aparılan maraqlı bir təbliğatın və çağırışın arxasında dayananlar (?) avqustun 20-də Cənubi Kiprdə keçiriləcək təkrar futbol matçına, guya türk dünyasının maraqlarına uyğunmuş kimi, əllərdə kütləvi sayda qardaş Türkiyə Cumhuriyyətinin bayraqlarının gətirilməsinə nail olmaq istəyirlər. Sosial şəbəkələrdə məlum çağırışı idarə edənlər bunu guya ümumtürk birliyi və təəssübkeşliyi xatirinə edir, əslində isə yunan-türk siyasi ziddiyyətləri üzərində təhlükəli oyun qurmağa çalışır və bunun naminə bütün türklərin, o cümlədən azərbaycanlıların hissiyyatı ilə oynadıqlarının belə fərqinə varmırlar. Bir qədər üzdən yanaşanda milli hissiyyatlar və ümumtürk həmrəyliyi ilə adi futbol azerkeşliyini "simbioz" etmək istəyənlərin bu hərəkətində qeyri-adi bir şey görünmür. Lakin dərin mahiyyətlərdə bu çağırışların nə idmanın, nə də ümumtürk həmrəyliyinin xeyrinə olmayan təxribat məqsədi daşıdığı aydın görünür.

Əvvəla, Cənubi Kiprin "Apollon" futbolçuları ilə yaşıl meydana çıxanlar Azərbaycan dövlətinin "Qəbələ" futbol klubudursa, o meydançada niyə Azərbaycanın yox, Türkiyənin bayraqları qaldırılmalıdır? Məgər Azərbaycanın öz dövlət bayrağı yoxdurmu? Həm də dövlət bayrağını Avropa məkanında ən hündür zirvədə, hətta qardaş Türkiyənin özündən də hündür nöqtədə əbədiləşdirən bir dövlətin bayrağını... O dövlətin bayrağını ki, Avrasiya geosiyasətində qosqoca dövlətləri belə rəqabətdə üstələməyi və öz bayrağını tanıtmağı bacarıb.

Bu çağırışlarda Azərbaycan dövlətinə sevginin olmadığı gün kimi aydındır. "Niyə Qazaxıstan, Türkmənistan və sair kimi digər türkdilli dövlətlərin yox, məhz Türkiyənin bayrağı seçilib" sualını ortaya gətirəndə isə aydın olur ki, bu çağırışlarda heç Türkiyə sevgisi də yoxdur. Çünki məqsəd Türkiyə ilə yunanların münasibətlərini bir qədər də gərginləşdirmək olduğu üçün meydançada Türkmən, Qazax bayraqlarının yunan azarkeşlərdə heç bir qıcıq yaratmayacağını öncədən bilirlər.

İkinci, Türkiyə bizə nə qədər qardaş ölkə olsa da, məgər bu qardaş ölkənin siyasi hakimiyyət dairələrində, QHT sektorunda, mediada, cəmiyyət arasında hamı Azərbaycanı və Azərbaycan bayrağını sevir ki?! Az olub ki, elə bu qardaş ölkənin özündə bəlli futbol matçlarında Azərbaycanın dövlət bayraqları ayaqlar altında tapdanıb?! İndi necə inanaq ki, sosial şəbəkələrdə indiki bayraq kampaniyasını aparanlar qardaş Türkiyədə vaxtilə Azərbaycan bayraqlarını ayaq altına atdıranlarla əlbir deyil?! Hər iki halda bunu edənlər nə Azərbaycanın, nə də Türkiyənin dostları ola bilər.

Üçüncü, "Qəbələ"-"Apollon" təkrar futbol matçına Türkiyə bayrağı ilə gəlməyə çağırış edənlər idmanın siyasətdən kənar tutulması kimi beynəlxalq normanı da ayaq altına atırlar. Azərbaycanın ən çox qaçdığı, yayınmağa çalışdığı anormal təzahürlərdən biri də budur.

İlk Avropa Oyunları zamanı da Azərbaycan idmanın siyasətdən kənar tutulmasına nə qədər cəhd etdisə, bəziləri daxildə və xaricdə ölkəni məhz bu müstəvi üzərinə çəkməyə çalışdılar. Doğrudur, nəticə o zaman bu cəhdləri edənlər üçün uğursuz oldu, lakin görünür ki, idmanı siyasiləşdirməyə çalışanlar hələ də əvvəlki uğursuzluqlardan nəticə çıxarmayıblar...

Tahir Tağıyev

DİGƏR XƏBƏRLƏR

Tarix: 30.10.2026 / 06:41

Yəhudilər erməni monastırına tüpürdülər

Tarix: 29.10.2026 / 17:00

Bir Millət, İki Dövlət, Bir Ürək: Türkiyə Cümhuriyyətinin 103-cü ildönümü münasibətilə İctimai Nəzarət Təşkilatının Təbrik Bəyannaməsi

Tarix: 28.10.2026 / 12:51

ROZA TÖREKULOVNA AYTMATOVANIN ƏZİZ XATİRƏSİNƏ

Tarix: 28.10.2026 / 08:35

Türkiyədəki “sərmayə olayı” Pasifik Holding-i də vurdu - aktivləri donduruldu

Tarix: 28.10.2026 / 06:26

Türkiyədə səs-küylü “Starlink əməliyyatı” - 85 nəfər saxlandı

Tarix: 27.10.2026 / 13:54

"Bakı bu cür beynəlxalq forumlar vasitəsilə mədəniyyətlərarası dialoqa mühüm töhfə verə bilər" - Ozodbek Nazarbekov

Tarix: 27.10.2026 / 13:30

Penitensiar Xidmətə yeni rəis təyin edildi

Tarix: 27.10.2026 / 10:28

Dubay məhkəməsi Rusiya neftinin satışından 700 milyon dollardan çox vəsaiti dondurub - işin içində azərbaycanlılar da var…

Tarix: 26.10.2026 / 06:58

Vuçiç seçkidə məğlubiyyətini rəsmən bəyan etdi

Tarix: 24.10.2026 / 08:38

Serbiyada etirazlar pik həddə - gənclər Vuçiçi devirməyə qərarlıdır

Tarix: 22.10.2026 / 15:01

44 günün fövqündə: milli iradənin və tarixi yaddaşın təntənəsi

Tarix: 20.10.2026 / 22:19

İran XİN sözçüsü Azərbaycana tövsiyə verməyə qalxdı - həm də insan haqları mövzusunda…

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 02.11.2026 / 23:02

Bunu səfir Birol Akgünə açıq məktubum kimi də oxuya bilərsiniz - Aydın QULİYEV yazır...

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

İşğaldan azad rayonlarımızda insan faktoru həlledicidir - Məskunlaşmanın əsas istiqamətləri...