Xaosa bürünmüş dünyada Azərbaycanın tək yolu var - İlham Əliyev nə deyib...?

"Natenyahu 1996 -1999 - cu illərdə İsrailin baş naziri olanda BMT- də çıxış edərək "Səddam Hüseyn nüvə silahına çox yaxındır, qarşısı alınmasa İsraili məhv edəcək" deyə haray çəkirdi. 4-5 il sonra Səddam devrildi, İraqda nüvə silahının isə heç izi də tapılmadı ...
İki il əvvəl Natenyahu İranın 2 həftə sonra nüvə silahına sahib olacağını demişdi...Bir neçə gün əvvəl isə MAQATE İranın nüvə silahı hazırladığını dair əlamətlərin olmadığını bəyan etdi....
Yeni dünya düzəni belə prinsiplərlə qurulursa, vay dünyanın halına."
Bunu "Bakı-Xəbər" Media Qrupunun rəhbəri, politoloq Aydın Quliyev öz Facebook səhifəsində yazıb. A.Quliyev daha sonra yazır: "Beynəlxalq hüquq deyilən bir şey qalmayıb. Qalsaydı, BMT "yatmazdı" .İsraildən İrana, İrandan İsrailə ortada 2 dövlətin üstündən raketlər 8 gündür uçur, yandırıb yaxır, BMT- nin səsi çıxmır. Heç "xədim" Təhlükəsizlik Şurasının iclası da çağırılmayıb...
Prezident İlham Əliyevin çox haqlı olaraq dediklərinə bir daha hamılıqla qoşulmağın vacib olduğunun altını cızıram-" Ən müasir və ən güclü silahları alaraq Azərbaycanı dövlət olaraq gündən - günə gücləndirməkdə davam etməliyik...
Başqa yol yoxdur...
Bir nizamdan digərinə keçiddə xaosa bürünmüş dünyada təhlükəsizliyin nisbətən ən etibarlı təminatı budur....."
Mətləb