07/02/2023 03:05
728 x 90

Türksoyun Bursa toplantısı estafeti Şuşaya verdi

img
Noyabrın 5-də Bursa Atatürk Kültür Mərkəzində Türksoyun Daimi Konseyinin XXXIX toplantısı keçirildi.
Tədbiri giriş sözü ilə Bursa valisi Yakup Canpolat açaraq, Türksoyun ortaq çatı altında birlik, bərabərlik missiyası daşıdığını və qısa müddət ərzində uluslararası məkanda böyük çabalar sərf etdiyini diqqətə çatdırdı və əldə olunan uğurlardan danışdı. 
Sonra söz TürkPA başkanı Sultan Rayevə verildi.
Türkdilli ölkələri təmsil edən nazir, nazir müavini və digərləri çıxışlarında ölkələrində gerçəkləşdirilən mədəni tədbirlərdə Türksoyun oynadığı rola diqqət çəkdilər.
Tədbirdə ən diqqət çəkən məqam Kıbrıs Türk Cumhuriyyətinin Prezident yardımçısı Fikri Ataoğlunun çıxışını Azərbaycan ləhcəsində, Beynəlxalq Türk Akademiyasının vitse-prezidenti Füzuli Məcidlinin isə çıxışını Türkiyə ləhcəsində səsləndirməsi oldu. Vali Yakup Canpolat natiqlərin hər ikisinə buna görə xüsusi təşəkkür etdi.
Azərbaycan mədəniyyət naziri Anar Kərimov tədbir iştirakçılarını gələn il Azərbaycanın mədəniyyət mərkəzi Şuşada keçiriləcək Türksoyun daimi konseyinin 40-cı dönəm toplantısına dəvət etdi. 
Fasilə elan olunduqdan sonra nazir Anar Kərimovun təqdimatında Azərbaycanın mədəniyyət paytaxtı Şuşa ilə bağlı videorolik təqdim olundu.
Samirə SƏFƏROVA
Bursa-Türkiyə

Peşə etikası

Son xəbərlər