Baş nazir Rumen Radev çərşənbə axşamı günü bildirib ki ki, Qara dənizdə Bolqarıstan sahillərində ticarət gəmilərinə həftə ərzində ikinci dəfə hücum edilib və onlardan biri batıb.
Onun sözlərinə görə, Malta bayrağı altında üzən Ukraynaya məxsus "Çelsi 3" yük gəmisi Bolqarıstan sahillərindən 33 kilometr aralıda, Byala şəhəri yaxınlığında vurulub. Ekipaj üzvlərinə üç dron hücumu edilib. Bütün dənizçilər - yeddi ukraynalı və səkkiz Azərbaycan vətəndaşı - xilas edilib. Radevin sözlərinə görə, beş ekipaj üzvünə tibbi yardım göstərilib, lakin heç kim ciddi xəsarət almayıb.
İlkin məlumatlara görə, Krapets kəndindən 32 kilometr aralıda başqa bir gəmiyə də hücum edilib və gəmi batıb.
Radevin sözlərinə görə, batmış gəmidən bir dənizçi xilas edilib. "Bu, qəbuledilməzdir - Bolqarıstanın ərazi sularına yaxın ərazidə daha bir hücum. Mən NATO-nun baş katibi Mark Rutte ilə danışacağam", - deyə Radev video mesajında bildirib.
Bolqarıstanın baş naziri hücumda konkret bir ölkəni günahlandırmaq üçün heç bir aydın əlamət olmadığını, lakin "nəticənin Rusiya Federasiyası üçün faydalı olduğunu" bildirib. O, əlavə edib ki, hücumla bağlı Sofiyadakı Rusiya səfiri çağırılacaq.
Bir həftə əvvəl naməlum dronlar Bolqarıstan sahillərində daha bir ticarət gəmisini batırıb.
Bolqarıstanın eksklüziv iqtisadi zonasında baş verən hücumda, Prezident Zelenskinin Rusiya istehsalı olduğunu bildirdiyi dəniz və hava dronlarından istifadə edilib. O, Ukrayna Silahlı Qüvvələrinin ərazidə heç bir əməliyyat keçirmədiyini bildirib.
Palau bayrağı altında üzən "Able" (yoluna davam etsə də, yanğın baş verib) və Toqo bayrağı altında üzən "Alfa Watan" yük gəmiləri zərbələrə məruz qalıb. Batmış gəminin heyətinin itkin düşdüyü bildirilir.
Tahir TAĞIYEV
