Böyük Britaniyanın Baş naziri Endi Börnemin ölkəsindəki RAF Fairford hava bazasına qarşı hücum planının "çox güman ki" İran tərəfindən koordinasiya edildiyi və "demək olar ki, şübhəsiz ki" İran İnqilab Keşikçiləri Korpusu (SEPAH) tərəfindən idarə olunduğu barədə verdiyi açıqlamasınsan sonra, Britaniya da daxil olmaqla 29 ölkədən onun bu açıqlamasına dəstək bəyanatı gəlib.
ABŞ, Böyük Britaniya, Avstraliya, Avstriya, Belçika, Bolqarıstan, Kanada, Xorvatiya, Çexiya, Danimarka, Estoniya, Finlandiya, Fransa, Almaniya, Yunanıstan, Macarıstan, İrlandiya, Latviya, Litva, Lüksemburq, Niderland, Yeni Zelandiya, Norveç, Portuqaliya, Rumıniya, Slovakiya, Sloveniya, İspaniya və İsveç hökumətləri birgə yazılı bəyanatda İranın hadisədəki rolu ilə bağlı iddalarla razı olduqlarını bildiriblər.
Britaniya hökumətinin İran İnqilab Keşikçiləri Korpusunun şübhəli hücum planındakı roluna diqqət çəkilib: "Biz İranın bizə və tərəfdaşlarımıza qarşı ölümcül hücumlar, yanğınlar, sabotajlar, kiberhücumlar və digər hibrid fəaliyyətlər də daxil olmaqla hücumlarını ən sərt şəkildə pisləyirik".
29 ölkə İranın xarici ölkələrdəki insanları hər hansı bir şəkildə təhdid etmək, susdurmaq, qorxutmaq, təqib etmək, zərər vermək və ya təzyiq göstərmək cəhdlərinin "qəbuledilməz" olduğunu bildirərək Tehrana xəbərdarlıq edib: "İran və ya hər hansı digər dövlət adından düşmənçilik fəaliyyəti həyata keçirən hər kəs bilməlidir ki, bu hərəkətləri müəyyən etmək, araşdırmaq, qarşısını almaq və günahkarları məsuliyyətə cəlb etmək üçün tədbirlər görəcəyik...
İran suverenliyimizi qorumaq, beynəlxalq koordinasiyamızı gücləndirmək, milli dayanıqlığımızı artırmaq, icmalarımızı qorumaq və məsul olanların məsuliyyətini təmin etmək üçün birləşmiş və qətiyyətli olduğumuza şübhə etməməlidir".
Britaniya polisi 27 sentyabrda üç mikroavtobusun ABŞ Hərbi Hava Qüvvələrinə eb sahibliyi edən Kral Hərbi Hava Qüvvələrinin (RAF) Fairford bazasına doğru getdiyi barədə məlumatdan sonra hərəkətə keçib və Qlosterşir kəndində 20 yaşlarında beş nəfər "partlayıcı maddələr və terrorizm cinayətləri" şübhəsi ilə saxlanılıb. Daha sonra onlar girov müqabilində azadlığa buraxılıblar. 1 və 6 oktyabr tarixlərində həbs olunan digər iki şübhəli də girov müqabilində azadlığa buraxılıb. Bu hadisələr bazaya planlaşdırılan hücumla bağlı narahatlıqlara yol açıb, İran isə olayla bağlı hər hansı bir əlaqəsini inkar edib.
Britaniya Baş naziri Endi Börnhem isə parlamentdəki son çıxışında Fairford hava bazasına qarşı şübhəli hücum planı ilə bağlı İranı günahlandırıb: "Araşdırmalarımıza əsasən, planın İranda koordinasiya edildiyini və demək olar ki, İran İnqilab Keşikçiləri Korpusu tərəfindən idarə olunduğunu təsdiqləyə bilərəm".
Tahir TAĞIYEV
