Əvvəllər ölkədə Polis Günü 6 iyun tarixində qeyd olunardı. 1992-ci ildə verilmiş qərar idi. Yenicə müstqəil olmuş ölkədə təbbi ki, qərarlara mütləq düzəliş etmək lazım gəlirdi. Azərbaycanın öz polisi var, o polis doğmadır, əzizdir və babalarının qoruduğu dövlətin keçikçisi olmağa layiqdir, həm də qadirdir.
Bu məntiqlə qeyd olunan bayramın da tarixi dəyişməlidir. Beləliklə, 24 may 1998-ci ildə i Azərbaycan Respublikası Prezidenti Heydər Əiyevin Fərmanına əsasən, Azərbaycan Polisi Gününün tarixi dəyişdirilərək, 1918-ci ildə Azərbaycan Demokratik Respublikası Daxili İşlər Nazirliyinin tərkibində ilk polis orqanlarının təsis edildiyi gün - 2 iyul Azərbaycan Polisi Günü elan edildi.
Polis elə bir peşədir ki, o vəzifənin icraçılarına təkcə bayramlarda deil, həmişə minnətdarlıq düşür. Bizim həyatımızın rifahını tənzimləyən orqanın əməkdaşları gecə-gündüz bilmədən sözün əsl mənasında cəmiyyətin keşiyini çəkirlər. Bununla yanaşı cəmiyyətin sağlam təməllər üzərində qurulması, gənclərin vətənə bağlı şəkildə tərbiyyə olunması, cinayətarlıqla mübarizə, bir zamanlar işğalda olan torpaqlarımız uğrunda savaşlarda iştirak Azərbaycan polisinin şərəflə icra etdiyi vəzifədir.
Həm birinci, həm də ikinci Qarabağ savaşlarında canını sipər edən yüzlərlə polislərimiz var, oların arasında şəhidlik zirvəsinə ucalanlar, qazi adı qazananlar igidlik nümunəsidirlər.
Polislərimiz həm də Azərbaycan xalqını 1993-cü ilə qədərki utanc vəziyyətdən qurtarmaqda da böyük şücaət göstərdiblər. Müstəqilliyimizin ilk illərində polis orqanlarında hökm sürən özbaşınalıq, anarxiya ölkəyə çox böyük zərbə vurmuşdu. Müstəqilliyin sonrakı illərində akademik səviyədə formalaşan polis orqanları həm bu şərəfli peşəyə ləkə vurulmasına nail oldular, həm də nümunəyə çevrilməyə.
Azərbyacanda Polis Akademiyasının açılması, uğurlu fəaliyyəti akademik səviyədə polsilərin yetişməsinə böyük imkanlar açdı. Polis orqanlarının inkişafı, sağlam ab-havanın yaranması, əməkdaşların borclarını ləyaqətlə yerinə yetirməsi Akademiyanın qarşısında duran əsas vəzifələrdəndir.
Azərbaycanın inkişafında sabitliyin, sabitliyin bərqərar olmasında və qorunmasında polislərin bilavasitə rolu var. Daxili ilər naziri Cənab general – polkovnik Vilayət Eyvazovun rəhbərliyi ilə polis orqanlarında aparılan dəqiq islahatlar ciddi nəticələr verib. Hədəf isə savadlı, intellektual, mədəni, vətənə böyük məhəbbəti, bacarığı olan sağlam gənclərin polis sıralarında addımlamasına nail olmaqdır. Etiraf edək ki, bu seçimi qüsursuz yerinə yetirmək çox çətindir, amma cənab nazir bu işin öhdəsindən ustalıqla gəlir.
Azərbaycan Prezidenti İlham Əliyev polislərlə göüşündə sabitliyin cəmiyyədə verdiyi dəyərli töhfəni belə izah etmişdi:
“Hər bir ölkənin inkişafı üçün əsas şərt sabitlikdir. Bu gün biz dünyanın müxtəlif bölgələrində hökm sürən prosesləri izləyərkən bir daha görürük ki, sabitlik pozulduqda bütün başqa məsələlər də öz həllini tapa bilməz. Sabitlik pozulduqda inkişafdan söhbət gedə bilməz. Ona görə sabitliyin bərpa edilməsi o illərdə ən başlıca vəzifə idi. Ulu Öndərin qətiyyəti, müdrikliyi, xalqın ona olan inamı və polis orqanlarının fəaliyyəti bu sabitliyi yarada bildi və Azərbaycan dünya miqyasında ən sabit ölkələrdən biridir. Biz uğurlu inkişaf yolu ilə gedirik və bu sabitlik, bir daha demək istəyirəm ki, bütün inkişafın təməlində dayanan amildir”.
Uğurlu inkişafımızda böyük rolunuz olduğunu Respublikanın birinci şəxsi, Ali Baş Komandan da təsdiqləyirsə, deməli, sizlərə hər gün minnətdarlıq düşür. Bu ölkənin keşiyini çəkənlərin hər biri qəhrəmandır. Bir üsütn xüsusiyyətinizi də qeyd etsəm, yerinı düşər. Artıq uzun illərdir ki, Azərbaycan polisi daxilindəki vəziyyəti mükəmməl şəkildə tənzimləyir. Sistemdə elə səviyyəli polislər təmsil olunurlar ki, xarakterində kiçik çatışmazlığı olan bilən hər hansı əməkdaş anındaca bu mühitdə ya əriyib peşəyə alyiq olmadığını bilərək sıraları tərk edir, ya da anlayır ki, qalib, qürurlu və inkişaf da olan Azərbaycanın keşiyində mərdi-mərdanə durmaq ən böyük qazancdır.
Siz həm də bizim dünya dövlətləri qarşısında başımızı uca edənlərdənsiniz. Ölkəmizə hər yerdən qonaqlar gəlir. Onlar Azərbaycandakı dinc mühiti görüb çox mənun olurlar. Az ölkə var ki, orada küçədə azad, sərbəst gəzmək, dincəlmək mümkündür. Dünyanın qarışıq bir duruma düşdüyü halda, xüsusən gənclərin əksər ölkələrdə ziyanlı vərdilçlərə sürətlə meyl etdiyi zamanda Azərbaycanda yaşanan rahatlıq həqiqətən alqışa layiqdir. Hər bir xarici bu üstün fərqi görür və səbəbləri barədə də soruşanda eşitdikləri cavab bu olur: Azərbaycan Prezidentinin yürütdüyü hümanist siyasət, ordunun düşmən qarşısında dağ kimi durması, iqtisadiyyatın inkişafı, xalqın mədəniyyəti, polisin bu düzəni dağılmağa qoymaması – budur Azərbaycanın rahatlıq həqiqəti.
Azərbaycanda gələcəyə böyük inam var. Bir cəmiyyətin inkişafında bu inam əsas üstünlükdür. Cəmiyyətdə qeyri-sağlam vərdişlərə aludəçiliyin də qarşısı qətiyyətlə alınır.
Çirkli informasiyanın və ziyanlı əcnəbi təsirin girovuna düşmək gəncliyin ən böyük bəlasıdır. Polis belə vəziyyətlə mübarizədə böyük uğurlara nail olub. Bir üstünlük də sosial şəbəkələrdə, mətbuatda qaldırılan məsələlərə anındaca adekvat reaksiya ilə bağlıdır. Polis bu işi də layiqincə yerinə yetirir. DİN-in ictimaiyyətlə əlqəli qurumu o qədər dəqiq reaksya göstərir ki, yayılan informasiya ziyanlı şəkillərə düşməyə macal da tapmır. Həqiqət anındaca öz yerinə qoyulur. Eynən cinayətkarlığa qarşı mübarizədə də pis hadisə törədənlər anındaca tapılıb hüquq-mühafizə orqanlarına təhvil verilir.
Əlbəttə asayişin pozulmasının qarşısını almaq polisin borcudur. Ancaq dəfələrlə şahidi olmuşuq ki, icazəsiz aksiyalarda kobudluq edənlərlə davranışda polos mədəni münasibət sərgiləyir. Son vaxtlar belə davranış demək olar bütün əməkdaşların qarşılarına qoyduqları məqsəddir. Aksiyaçınn da eyni davranış göstərməsi alicənablıq olardı. Çünki ctimai asayiş pozulduqda ölkə idarəedilməz vəziyyətə düşür. Azərbaycan 1992-93-cü illərdə belə duruma düşüb. Bu gün isə ictimai asayiş polis orqanları tərəfindən layiqincə qorunur.
Azərbaycan Prezidenti bu vəziyyəti belə dəyərləndirir: “Cinayətkarlığın inkişafına rəvac verən amillər Azərbaycanda demək olar ki, aradan qaldırılır. Bu vəziyyət məni çox sevindirir. Çünki Azərbaycan dünyanın ən təhlükəsiz ölkələrindən, Bakı ən təhlükəsiz şəhərlərindən biridir. Bakıda sutka ərzində insanlar rahat yaşayırlar, axşam, gecə saatlarında rahat gəzirlər. Siz polis işçiləri bunu yaxşı bilirsiniz, çünki bu vəziyyətə nəzarət edirsiniz.
İnsanlar doğrudan da, həyatdan zövq alırlar. Azərbaycanda mütəşəkkil cinayətkarlığa qarşı çox ciddi mübarizə aparılır. Bu mübarizə nəticəsində deyə bilərəm ki, Azərbaycanda mütəşəkkil cinayətkarlıq aradan qaldırılıbdır. Ayrı-ayrı təzahürlər olur, amma dərhal onların qarşısı alınır”.
Bir daha birinci şəxsin ehtiramını görürük. Polis bu ehtiramı daim doğrultmağa çalışır. Həm mənəviyyatı, həm də maddi-tezxniki təminatı ilə ölkənin rifahına xidmət edən polis hər ötən gün daha həvəs və sevgi ilə çalışır.
Azərbaycan polisi yeni dövrün tələblərinə də yüksək səviyyədə cavab verir. İnformasiya texnilogiyalarından səmərəli istifadənin nəticəsidir ki, hər rübdə verilən hesabatda cinayətkarıqla mübarizənin müsbət təzahürləri aydın görünür.
Polislərə vətəndaşların hörməti də böyükdür. Polisin adi inasi jesti belə, Azərbaycanın informasiya məkanında böyük diqqət səbəb olur. Deməli, vətəndaşlar öz polisindən daim nəzakət, qayğı gözləyir. Polis isə bu gözləntiləri doğrultmaqdadır.
Bu təbrik yazısını davamedici zamanda bitirmək daha doğru olrdı. Azərbaycan polisi ən yaxşılara əməl etməkdə davamlı xətt tutub. Yolunuz həmişə açıq, işıqlı olsun, Azərbaycan polisi.
Mahirə ƏMİRHÜSEYNOVA
“XXI Əsrin Qadınları” İctimai Birliyinin sədri
