Ermənilərin hazırda istifadə etdiyi və “müasir erməni əlifbası” adı verdiyi əlifbanın oğurluq olduğu haqda dəfələrlə deyilib, yazılıb. Amma saxtakarlıqda ad çıxaran ermənilər deyilənləri inkar etməyə çalışıblar. “Qədim erməni əlifbası” kimi qələmə verdikləri, qrabar kimi müasir dövrdə istifadə etdikləri əlifba da başqa xalqa məxsusdur. Oğurluqda mahir olan ermənilərin efiopiya əlifbasını oğurladığı haqda çoxlu faktlar var. Bunu efiopiyalı alimlər də təsdiqləyir. Belə ki, efiopiyali professor, tarixçi və politoloq Tekola Haqos ermənilərin Efiopiya əlifbasını həyasızcasına, simasızcasına oğurladıqlarını və erməniləşdirdiklərini bildirib: “Mən sarsıldım ki, ermənilər Efiopiya əlifbasını belə həyasızlıqla mənimsəyiblər”.
“Azərbaycan mütəxəssislərinin səsinə efiopiyalı professor səs verib”
AMEA-nın Qafqazşünaslıq İnstitutunun ermənişünaslıq şöbəsinin müdiri, professor Qasım Hacıyev baki-xeber.com-a bildirdi ki, efiopiyali professorun dedikləri tamamilə həqiqətdir. “Efiopiyali professorun fikirləri məni də həyəcanlandırdı. Çünki indiyə kimi efiopiyalı mütəxəssisin belə bir fikir söylədiyini eşitməmişdim. Deyə də bilməzdik ki, səsinizi çıxarın. Deyirlər ki, hər şeyin zamana ehtiyacı var. Biz məsələlərə obyektiv şəkildə yanaşmışıq və ermənilərin oğru, saxtakar olduğunu yazmışıq, demişik. Ermənilərin oğurluq etmədiyi xalq qalmayıb dünyada. “Böyük Ermənistan” cəfəngiyatı onların mifik düşüncəsinin məhsuludur. Sovetlər birliyinin tərkibində yaşayan bütün xalqlara yol göstərib istədikləri tarixi yazdırırdılar, amma ermənilərə şərait yaradılmışdı ki, istədiklərini etsinlər. Ermənilər də fürsətdən istifadə edib qədim yazılara, mədəniyyətlərə, ədəbiyyata, bir sözlə, insan əməyi ilə yaradılan nə vardısa hamısına sahiblənməyə çalışırdı və bunu Sovet hökümətinin dəstəyi ilə edirdi. Onlara saxta tarix yazmaq, başqasının yazı mədəniyyətini, əlifbasını oğurlamaq kimi imkanlar yaradılmışdı. Sovet dövründə saxta erməni tarixi yazıldı, özü də cild-cild. Hətta özlərinin saxtakarlığına Moskvadan və keçmiş Leninqraddan da alimləri cəlb edirdilər, saxta, mifik tarixi onlara da yazdırırdılar. Eyni zamanda erməni tarixçilərinin uydurduqlarını şişirdib, onun əsasında böyük tarix kitabları çap edirdilər. Görürsüz ki, ermənilər nəinki qonşu xalqlara qarşı oğurluqlar edib, hətta uzaq Efiopiyanın qədim əlifbasını da mənimsəyiblər”.
Q.Hacıyevin sözlərinə görə, ermənilər azərbaycanlılar, gürcülər, orta Asiya xalqları haqqında çoxlu tarixi saxtalaşdırma ediblər, bir sözlə, “Daşnaksütyunun” ayağı hara dəyibsə, həm orada terror törədilib, həm də bu cür oğurluqlar edilib. “Eyni zamanda üç dəniz arasını “Böyük Ermənistan” yazaraq elə bir xaos, elə bir hay-küy yaratmışdılar ki, özləri bu yalançı tarixlərinə baxıb fərəhlənirdilər. Amma mən həmişə deyirəm, indi də demək istəyirəm ki, “Böyük Ermənistan” “dövləti”nin “ərazisi”nə düşən respublikalar 30 ildir azaddır və SSRİ-nin tərkibindən sonra öz tarixlərini, tarixi coğrafiyalarını yazırlar, xəritələrini çəkirlər. Onlar öz inzibati ərazilərini müəyyənləşdirdikcə ermənilərin yalanı sabun kopüyü kimi suyun üzünə çıxır, ordan da qeyb olur.
Bizim qədim dillərlə, mədəniyyətlərlə, tarixlərlə, ədəbiyyatla məşğul olan mütəxəssislərimiz erməniləri uzun illərdir ifşa edir. Qəzənfər Kazımov, Əjdər İsmayılov, İlhami Cəfərsoy kimi mütəxəssislərimiz ermənilərin bütün tarixi yalanlarını faktlarla üzə çıxarıblar. Əvvəllər rəhmətlik Mirəli Seyidov da bu sahədə çoxlu işlər görmüşdü. Bizim mütəxəssislərimiz vaxtaşırı deyirdilər ki, bu erməni əlifbası deyil, Efiopiya əlifbasıdır. Bu gün Azərbaycan mütəxəssislərinin səsinə efiopiyalı professor səs verib. Erməni həyasızlığının sərhədsizliyi efiopiyalı professoru da sərt danışmağa məcbur edib. Bu yaxşı haldır ki, artıq Efiopiyanın özündən erməni saxtakarlığına reaksiya gəlir.
Azərbaycan mütəxəssisləri sübut edib ki, erməni əlifbası da, Mesrop Maştoç da uydurmadır. Onlar əlifba yaratmayıblar, ermənilərin hər şeyi uydurmadır. Sadəcə, ermənilərin düzəltdikləri saxta tarix Sovet dövründə çap olunub və bu gün də onu şişirdirlər”- deyə Q. Hacıyev qeyd etdi.
İradə SARIYEVA
