Müasir dövrdə 63 İslam dövlətinin əksəriyyəti Asiyada yerləşir. İslam ölkələrinin tarix boyunca siyasi və mədəni anlamda hər zaman birləşmək səyləri aktual olub. İslam ölkələrinin sağlamlıq turizmi müstəvisində əsas məqsədi ortaq fəaliyyətə qoşulmaqdır.
Türkiyənin Antalya vilayətində 7-11 noyabr tarixlərində 57 islam dövlətinin nümayəndələrinin iştirakı ilə “MEDTİS-2108” Beynəlxalq İslam Dünyası Sağlıq Turizmi Qurumunun toplantısı keçirildi.
Qurumun əsas iş istiqamətləri sırasına İslam dövlətləri arasında sosial işbirliyi siyasətini müəyyən etmək və həyata keçirmək, halal sağlamlıq turizmi sığorta sistemini işə salmaq, islam ölkələrində ahıl və fiziki məhdudiyyətli şəxslər üçün İslam şərtlərinə uyğun sağlamlıq turizmi sahəsində fəaliyyət göstərəcək iş qruplarının və tərəfdaşların müəyyən edilməsi və s. daxildir.
Qurumun iclasında 63 hədəf ölkə nümayəndələri təyin edilərək, tərəfdaşlıq sözləşməsi imzalandı.
“Bakı-Xəbər”xəbər verir ki, Beynəlxalq İslam Dünyası Sağlıq Turizmi Qurumunda Azərbaycanı İlahə İbrahimova təmsil edəcək.
İlahə xanım həmçinin Nəqliyyat, Rabitə və yüksək texnologiyalar Nazirliyi "Aztelekom"da şöbə müdiri, eyni zamanda TURSAF-ın Azərbaycanda təmsilçisidir.
“MEDTİS 2018”-in idarə heyətinin sədri Mehmet Kanpolat açılış nitqində “Bölgə ölkələri arasında sağlıq xidmətlərinin Türkiyədə daha keyfiyyətli, sürətli, eləcə də tam şəkildə həyata keçirildiyini” bildirdi.
Qeyd edək ki, Türkiyənin müxtəlif bölgələrdən olan sağlamlıq turizmi dərnəkləri bir araya gətirilərək Türkiyə Sağlamlıq Turizmi Dərnəkləri Federasiyası (TURSAF) yaradılıb.
TURSAF dünyada islam dövlətlərini bir araya gətirərək sağlıq turizmi sahəsində birgə fəaliyyətdə və ünsiyyətdə olmaları məqsədi ilə İslam Dövlətləri Sağlıq Turizmi Qurumunu planlaşdırdı.
Bu iş TURSAF-ın nəzdində fəaliyyət göstərən beynəlxalq Antalya Sağlamlıq Turizmi və Tədrisi Dərnəyi (UASTED) və Alanya Sağlamlıq Dərnəyi (ALSTUD) müştərək çalışmaları nəticəsində həyata keçirilib.
Qurumun toplantısına hər il Türkiyənin turizm sahəsində fərqlənmiş şəhərləri, il boyu əsas toplantıdan öncəki və sonrakı iclaslara isə qurumun üzv ölkələri ev sahibliyi edəcək.
