Azərbaycan Demokrat Firqəsi Mərkəzi Komitəsi və “İranlı Mühacirlər Cəmiyyəti” İctimai Birliyi AXC hökumətinin Baş prokuroru Firidun İbrahiminin 100 illik yubileyi ilə bağlı yazı müsabiqəsi elan edib.
Müsabiqə 21 noyabr 1918-ci iltarixdə dünyaya göz açan görkəmli dövlət xadimi, diplomat, hüquqşünas, jurnalist, publisist, şair, təhqiqatçı, Azərbaycan Demokrat Firqəsinin və “21 Azər” Hərəkatının ünlü simalarından sayılan Milli Hökumətin Baş Prokuroru, şəhid, İran xalqlarının Milli Qəhrəmanı Firidun İbrahiminin 100 illik yubileyinə həsr olunur. Azərbaycan Demokrat Firqəsi Mərkəzi Komitəsinin və “İranlı Mühacirlər Cəmiyyəti” İctimai Birliyinin birgə müsabiqəsində məqsəd jurnalistlərin, media ilə əməkdaşlıq edənlərin diqqətini unudulmaz şəxsiyyətin çoxşaxəli həyat və mübarizə yoluna bir daha çəkmək, hər bir ölkədə bu mövzuda dolğun, oxunaqlı yazılara imza atanların yaradıcılıq və zəhmətlərini dəyərləndirməkdir.
Müsabiqəyə 2018-ci il sentyabrın 1-dən oktyabrın 20-dək müxtəlif ölkələrin kütləvi informasiya vasitələrində - qəzet, jurnal, informasiya agentliklərində, saytlarda gedən yazılar buraxılacaq.
İstiqamətverici mövzular:
Firidun İbrahimi XX əsrin görkəmli ictimai-siyasi xadimlərindən biri kimi; Azərbaycan Milli Hökumətinin hüquqi aktlarının hazırlanmasında və hüquqi islahatlarının həyata keçirilməsində Firidun İbrahiminin rolu və xidmətləri; Firidun İbrahimi jurnalist kimi; Firidun İbrahiminin publisistikası; Firidun Ibrahimi diplomat kimi.
Müsabiqəyə təqdim olunacaq yazılarda üstünlük veriləcək cəhətlər:
Müsabiqədə janr məhdudiyyəti nəzərdə tutulmur. Yazılar Azərbaycan, fars, rus və ingilis dillərində qələmə alına bilər. Həcmi 9-11 min işarədən çox olmamalıdır. Sonda “Firidun İbrahimi -100” beynəlxalq yazı müsabiqəsinə təqdim edilir “ qeydi olmalıdır.
Müsabiqə üçün yazılar ayrıca zərfdə şəxsən (Bakı şəhəri, Əlibəy Hüseynzadə 66) ünvanında və ya müəllifin elektron ünvanından [email protected] ünvanına elektron qaydada təqdim edilməlidir.
Yazı müəllifləri aşağıdakı sənədləri təqdim etməlidir:
Qeyd: yazını elektron qaydada təqdim etmək istəyən şəxslər yuxarıda göstərilən sənədləri [email protected] elektron poçt ünvanına göndərməlidirlər.
Müsabiqə üçün çap mediasında çıxan yazılar 2018-ci il sentyabrın 3-dən həftənin 1-6-cı günləri saat 11.00-dan 17.00-dək Bakı şəhəri, Əlibəy Hüseynzadə 66 ünvanında qəbul ediləcək.
Təqdimat prosesində müsabiqə şərtlərinin hər hansı birinin yerinə yetirilməməsi qaydaların pozulması kimi qiymətləndiriləcək və yazı qəbul edilməyəcək.
Yazı müsabiqəsinin mükafat fondu aşağıdakı qaydada nəzərdə tutulub:
Azərbaycan Respublikasının KİV- lərində gedən 3 ən yaxşı yazı mükafatlandırılacaq. Fars, rus və ingilis dillərində müxtəlif ölkələrin KİV – lərində gedən 3 ən yaxşı yazıya xüsusi mükafatlar veriləcək; Münsiflər heyəti digər dolğun yazıların müəlliflərinin də mükafatlandırılmasını nəzərdə tutub. Münsiflər heyəti tərəfindən bəyənilən ən yaxşı yazıların toplandığı “Firidun İbrahimi – 100” kitabı nəşr ediləcək.
Qeyd: Müsabiqədə iştirak etmək istəyən şəxslərə mənbə kimi adfmk.com saytında, “Mühacir” və əski əlifba ilə çıxan “Azərbaycan” qəzetlərində, digər mətbu nəşrlərdə, electron informasiya vasitələrində Azərbaycan, fars, rus və ingilis dillərində gedən materiallardan faydalanmaq tövsiyə olunur.
Müsabiqə qaliblərinin adları 2018-ci il noyabr ayının 21-dək Beynəlxalq Mətbuat Mərkəzində təşkil ediləcək beynəlxalq konfransda açıqlanacaq.
Əlaqə telefonları:
(012) 596-63-91
(012) 594-53-94
(050) 534-93-26
(055) 405-33-00
(050) 210-51-88
(050) 225 07 65
